Luka 14:32 - Dadiya NT

³² Na mɨsɔ gǝ dwal lɛɨ, nǝn kwama lǝga bɔ ja labkaɨ, jʊ gǝ maa lɛɨ, ga twam kaam nǝb ya ja kela gǝm yɨm lǝma a daa fɔlɔ nɨ woi.

Luka 14:32 ပူးပေါင်းရင်းမြစ်များ

Matta 5:25

“Bɛ ń fɛka tɨbǝl mʊnɔ jǝbɔ nʊ nɨ yɔ lɛ nǝn mɔ a kan borangɨɨ. Saa fɛkalɨ dǝbǝr nǝn kwama jǝ́ shu lɛ a golaɨ, na mɨ nyɨɨ, yɔ yɔ nǝn mɔ a daa nǝ gartǝm borangɔ woi. Nǝ gartǝm borangɔ yɔ yɔ nǝn mɔ a daagɔ nǝ dʊʊ lɔsomigɔ woi, a daagɔ jǝ kubʌl ń nɛ a lɔsomii.

Matta 5:42

Na nǝl a bʌ ń jǝlɨ, nǝ gǝn jʊgɔ. Na nʊ nɨ swɨ jǝl lɛ a daa mɔ woi, ka ń dang gǝn nɛ nǝn.

Luka 12:58

Na mʊ shu lɛ a kan borang jǝbɔ nʊ nɨ a yɔ nǝn kɛl mʊnɔ a kan borangɨ, bɛ ń fɛka jǝbɔ gɔ a gola, kage a yɔ nǝn mɔ a daagɔ nǝ biyotǝm borangɔ woi. Nǝ biyotǝm borangɔ a tʊng ń a daagɔ bwɛ dwangkʊngɔ woi, bwɛ dwangkʊngɔ a mal ń a lɔsomi.

Luka 14:31

“Na kaa fɔlɔ nǝn sʊwajaamɔ fʊlkʊblǝn kʊb gɔ gǝ ta kun jǝbɔ fɔlɔ nɨ nǝn sʊwajaamɔ fʊlkʊblǝn fʊltiyoi, mɨsɔ yɨ lɛ dɨn a dʌng kwaanɔ gǝ tam kun nɛ jǝbɔ fɔlɔ nɨ ka?

Luka 14:33

Gǝ na nyɔ tʌjen, na nʊ nɨ a bǝla bɔ kanjǝl nɨ gǝ nǝn gwamɨ, mɨsɔ yǝlam bwɛ mɛlalɨ mɨ lɛ.

Luka 19:14

“Nǝbam gǝnɔ a kɔ gǝnɨ, nǝngɔ ja tʊng kaam bɛtɔ twama gɔ ya ja sʊwa gɔ, ‘Nǝ swɨ bɔ nʊ nɨ a maa nǝm fɔlɔn.’

Maajɨ Bɛtɔ Twamagɨɨ 12:20

Nǝn kwama gɔ, Hirudus a maa nabwɨl nyangǝn jǝbɔ nǝbɔ Tayaɨ, jǝbɔ nǝbɔ Sidoni. Nǝngɔ ja bɛ a daagɔ Hirudus woi nǝn bʊʊlalɨgɔ wini. Jǝ swɨ lɛ Bilastasa fɔlɔ lɔ fɔlɔnɔ a dɔ kʊm jinɔ jǝbɔ Hirudus. Nǝngɔ Bilastasa a jǝla gɔ gǝ tɨka ji tɨka. Ja ya nǝl jinɔ a fɔlɔ tǝm gɔ a kɛl dul jǝjalǝn jinɔ gǝm. N kɛl dul jʊ nɨ, jǝ swɨ lɛ ja fɛka yɨm jini.