Luka 14:13 - Dadiya NT

¹³ Kwama mʊ jo nǝb jatǝm jǝjalǝn nɛɨ, bɛ ń jo nǝbɔ mɨ nǝn jǝlɨ, bɛ ń jo nǝbɔ mɨ nǝn naaɨ, jǝbɔ nǝbɔ bʊtɔgɔ a swam swamɨ, jǝbɔ kululʌmɔ.

Luka 14:13 ပူးပေါင်းရင်းမြစ်များ

Matta 15:30

Nǝbɔ a lada na a bɛ a daa gǝ woi, ja bɛ nǝn nǝbɔ naagɔ a swam swamɨ, jǝbɔ kululʌmɔ, jǝbɔ nǝbɔ jinʌnɔ a taam taamɨ, jinʌn jinɔ a yǝla a kwama tʌgo, jǝbɔ nǝbɔ nyiyogɔ a ta taɨ, jǝbɔ kaamɨ a lada nyɔ, ja bɛ nǝn ji a daa gǝ woi, nǝngɔ a gung jii.

Matta 22:10

Bɛtɔ jwaalɛb nɨ ja bwangtǝn daa mʊrkalɨtɨnɔ, ja jo nǝbɔ gwam ja nyaɨ, nǝb nyanɔ, jǝbɔ nǝb bwɨlamɔ, talɨ kangwaalɔ a yii nǝn faabǝm.

Luka 11:41

Jǝ́ nǝ nǝb bʊnǝnɔ jʊ nɨ a kang jeni, sǝ kanjǝl jenɔ a yǝlam sagsag.

Luka 14:12

Nǝngɔ Yesu a sʊwa nʊ nɨ a jo gǝnɨ gɔ, “Na ń jo nǝb jatǝm jǝjalǝn a lɔ mʊɨ, bɛ ka ń jo lɛ fatǝlam mʊnɔ, jǝbɔ kɛtǝlam mʊnɔ, jǝbɔ nanǝgam mʊnɔ, jǝbɔ nǝb shilogɔ jǝ́ yǝm dakini. Na ń jo jii, kaa di tʌji jǝ jo ń jo ń sǝ ja ywa naanɔ ja yɔm a lɔ mʊɨ.

Luka 14:14

Na ń maa nyɨɨ, mʊ nya nya bwili, jʊ a bwɨɨ nǝb nɨ mʊ joi mɨsɔ jǝ nya gola lɛ ja ywa ń naanɔ. Nǝn Kwaama ywa ń nɛ nǝn di guntǝm nǝb dǝngdǝngɔ a bwaagɔ gǝmɨ.”

Luka 14:21

“Nǝngɔ bwɛ jwaalɛ nɨ a yǝla ya sʊwa tɛlalɔ gǝnɔ jʊ ja sʊwa gǝnɨ. Nǝngɔ a maa nabwɨlɨ, a sʊwa bwɛ jwaalɛ gǝnɔ gɔ, ‘Jel yagɨ yagɨ yɔ a golantɨn jǝbɔ sʊgɔlɔngtɨn, ya mʊr mɨ nǝb nɨ mɨ nǝn kaa jǝlɨ, jǝbɔ nǝbɔ mɨ nǝn naaɨ, jǝbɔ kululʌm, jǝbɔ nǝbɔ bʊtɔgɔ a swam swamɨ, ya bɛ nǝn ji.’

Maajɨ Bɛtɔ Twamagɨɨ 9:39

Nǝngɔ Bitrus a gun a shu jǝbɔ jii. Kwama a bɛmɨ, nǝngɔ ja yɔ nǝn gɔ a kan dʌbʌlɔ gǝmɨ. Nɔɔtǝmkʊlabɔ gwam, ja tɨ a kɔtʌgo a gǝ gǝm jǝ ji lɛ. Jǝ nʊng bɛllɛtɨnɔ lɛ jǝbɔ dwangtɨn nɨ Dokas a sʊʊl jim kwama yǝm dakini jǝbɔ jii.

1 Timoti 3:2

Nʊ nɨ dʌng mʊrkalɨ nǝb bwangtǝm Kwaamaɨ lɛɨ, bɛ a yǝlam nʊ nɨ mɨ nǝn jǝ tuwoli, nǝ nɔɔlɨ win, nǝ tatǝm dul, nʊ nɨ a dǝg kang a sʊɨ, nʊ nɨ ja jǝla nǝn gɨɨ, nʊ nɨ dʌng faabǝm lɛɨ, nʊ nɨ a nyǝm mɛlalɨ.

1 Timoti 5:10

Bɛ a yǝlam nʊ nɨ ja nyǝm gǝn nǝn maajɨ nyanɨ, nʊ nɨ bwa bɛtɔ lɔ gɨɨ lɛ dangǝnɨ, nʊ nɨ dʌng faabǝm lɛɨ, nʊ nɨ saal naa nǝb sagsagɔ lɛɨ, nʊ nɨ tɨka nǝb nɨ lɛ a mʊgɔ gaalanɨ, nʊ nɨ maa maajɨ nɨ lɛ gwam na a nyaɨ.

Titus 1:8

Bɛ a yǝlam nʊ nɨ shig faabǝm lɛɨ, nʊ nɨ swɨ maatǝm jǝ nya lɛɨ, nʊ nɨ a dǝg kang gǝnɔ a sʊɨ, nǝ dǝngdǝng, nǝ sagsag, nǝ tatǝm dul,

Filimon 1:7

N maa fulotǝm nǝl dangǝn, jǝbɔ sʊtǝm kwaan a swɨtǝm mʊnɔ gǝm kɛgɔ, jʊ a bwɨɨ ń kʊʊ nǝb sagsagɔ gǝm nǝl.

Ibranii 13:2

Bɛ ka jǝ́ bǝla lɛ shigtǝm faabǝmɔ. A gola maatǝm nyɔ kaamɨ a shig bɛtɔ twama Kwaamaɨ mɨ nǝn nyǝmtǝmɨ.