Luka 13:28 - Dadiya NT

²⁸ “Na jǝ́ kuwo Ibrahim, jǝbɔ Ishaku, jǝbɔ Yakubu jǝbɔ nǝbkuwotǝmkǝgagɔ gwam a fɔlɔn lɔ Kwaamaɨ, nǝngɔ a jenɔ ja bǝla jen a yoolii, jitǝm wigɔ wo jǝbɔ kʊʊtǝm nungʌn.

Luka 13:28 ပူးပေါင်းရင်းမြစ်များ

Matta 13:42

Sǝ ja tal ji a mʊgɔ kǝla nɨ a shilo shiloi. Jǝ ji ji wi nǝn kʊʊtǝm nungʌn a daa gɔ.

Matta 13:50

Sǝ ja tal ji a mʊgɔ kǝla nɨ a shilo shiloi. Jǝ ji ji wi nǝn kʊʊtǝm nungʌn a daa gɔ.

Matta 22:13

Nǝngɔ fɔlɔgɔ a sʊwa nǝb fɛkalɨ maajɨ kangwaalɔ gɔ, ‘Jǝ́ bwabam kang gǝnɔ jǝbɔ naa gǝnɔ, jǝ́ mal gǝn a yooli, a kumtojili, n daa nɨ jǝ jim wi lɛ nǝn kʊʊtǝm nungʌni.’

Matta 24:51

Ba bashɨ gǝn, sǝ a maa gǝm borang jǝbɔ nǝb fentogɔ, n daa gɔ jǝ jim wi lɛ nǝn kʊʊtǝm nungʌni.

Matta 25:30

Jǝ́ mal bwɨlang bwɛ jwaalɛ nɨ a yooli a mʊgɔ kumtojili. N daagɔ jim wi lɛ wo nǝn kʊʊtǝm nungʌni.’

Luka 10:15

Jǝ́ nǝbɔ Kafarnahumi jǝ́ kuwo lɛ jǝ gung jen a dʌbʌl ka? Ɔ ɔ, jǝ gǝla nǝn jen a daa yamtǝm borang.

Luka 14:15

Nyʊwatǝm kɛl nɨ nyɨɨ, nǝngɔ kaa win a mʊgɔ fatǝm jatǝm jǝjalǝnɔ jǝbɔ Yesui a sʊwa gǝn gɔ, “Bwiligɔ na a nʊ nɨ ja jǝjalǝn nɨ lɛ a fɔlɔn lɔ Kwaamaɨ.”

Luka 16:23

Nǝngɔ nǝ shilo nɨ a dɔ mʊgɔ lɔ kǝlagɨɨ, a tǝl gʌtǝmɨ, a gung nu gǝnɨ, nǝngɔ a kuwo Ibrahim a kʊta nyɨɨ, jǝbɔ Liazaru a daalɨ gǝn.

2 Tasalonikaɨ 1:5

Jʊ nɨ gwam gǝ nʊng gɔ borang Kwaamaɨ n dǝngdǝng, n gola nɨ jǝ kiyo jen nɛ a mʊgɔ nǝb nɨ a daa tʌgo a fɔlɔn lɔ Kwaamaɨ, wʊnɨ jǝ́ nɔɔ gaalan nɛ a dul gǝnɨ.

2 Bitrus 1:11

Maatǝmɔ nyɨɨ Kwaama yo jen yo nǝn fulotǝm nǝl a dɔtǝm fɔlɔn lɔ Tɛlalɔ bǝn Yesu Kiristii, Nǝbʊʊlɨ, fɔlɔn lɔ nɨ mɨ dɨtǝm woi.

Dʊgam Nyangnyang 21:8

Nǝb taalɔ, jǝbɔ nǝb nɨ kǝl swatǝm yaa lɛɨ, jǝbɔ nǝb nɨ mɨ maa maajɨ bʊmɨ lɛɨ, jǝbɔ nǝb jʌtǝm dul, jǝbɔ nǝb swɨtǝm maatǝm bulon, jǝbɔ feyilʌmɔ, jǝbɔ nǝb bwangtǝm shom, jǝbɔ nǝb gabatǝm kɛl gwam, jʊ jǝ nya lɛɨ n gʌto nɨ ja kǝla lɛɨ, a fo a shii, wʊnɨ nǝn gɔ bwaa na yogɨɨ.”

Dʊgam Nyangnyang 22:15

Nǝbɔ a gul tuulɔ nɨɨ, n nǝb bwɨlan, jǝbɔ nǝb nɨ maa maajɨ feyi lɛɨ, jǝbɔ nǝb maajɨ bulon, jǝbɔ nǝb jʌtǝm dul, jǝbɔ nǝb bwangtǝm shom, jǝbɔ nǝbɔ swɨ maatǝm gabakɛl lɛ a mʊgɔ kɛltɨn jinɔ gǝm gwamɨ, jǝbɔ maajɨtɨn jinɔ.