Luka 12:19 - Dadiya NT

¹⁹ Sǝ n sʊwa dul mǝndɨ mǝʊ, “Mʊ nǝn kanjǝl nyanɔ a lada, daam na joltɨn. Fǝb fǝbɨ, ya ń ja lɛ, ya ń nɔɔ lɛ, ya ń nyʊwa lǝma mʊnɔ lɛ.” ’

Luka 12:19 ပူးပေါင်းရင်းမြစ်များ

Luka 12:18

“Nǝngɔ a sʊwa gɔ, ‘Jʊ mǝ maa lɛɨ, mǝ kʌb kʌb bʌnitɨn mǝndɨ sǝ n mɔ a dʊʊlantɨn sǝ n tal jǝjalǝn mǝndɨ wo jǝbɔ kanjǝl nyan mǝndɨ gwam.

Luka 16:19

Yesu a sʊwa ji gɔ, “Kaa nǝ shilo wo, gǝ dʊʊ dwang nyantɨn kwangkwang, gǝ ja jǝjalǝn nyan kwangkwang.

Luka 21:34

“Jǝ́ yɨ nǝn fɛkalɨ. Bɛ ka jǝ́ jǝla lɛ jatǝmɔ, jǝbɔ nɔɔtǝmɔ, jǝbɔ komʌn kanjǝl yooli nɨ a tangǝm nǝn jen a bwangtǝm mɨ, kage kɔkɔgɔ ba do jen nǝn dul

1 Korinti 15:32

Na mǝ losam jǝbɔ namɔ kuuli a Afisa a kɛl dul nyatǝm nǝfilii, n bwili wɛ mǝ nyaɨ? Na na ja gung bɔ bwaagɨɨ, na “Ya bǝ ja lɛ, ya bǝ nɔɔ lɛ, kanga bǝ nyǝm fʌng bǝ bʊla bʊlaɨ.”

Filibii 3:19

Dɨltǝm jinɔ n bwaa, kwaama jinɔ n fʌl. Jǝ maa sʊtɔ jinɔ nǝn jǝ gunidul. Ja ya nǝl jinɔ a kanjǝl yooli nɨ.

1 Timoti 5:6

Nɔɔkʊla nɨ nyʊwa lǝma yɨm dul gǝn nɛɨ, win jǝbɔ nʊ nɨ a bʊla bʊlaɨ.

1 Timoti 6:17

Nǝb shilo yooli nɨ kǝngkɨɨ, bɛ ń gʊ jim lɔl, ka ja gung lɛ dul, ka ja ya lɛ nǝl a shilo nɨ mɨsɔ tɨ lɛ a kʊtaɨ. Bɛ ja ya nǝl jinɔ a daa Kwaama woi, wʊnɨ nǝ bǝn kanjǝlɔ lɛ gwam na nyʊwatǝm lǝma bǝnɨ.

2 Timoti 3:4

jǝbɔ nǝb katǝm naa, jǝbɔ nǝbɔ mɨ nǝn bʊʊlalɨɨ, jǝbɔ nǝb sogan, jǝbɔ nǝbɔ swɨ lǝma lɛ a laa jim swɨtǝm Kwaamaɨ.

Yakubu 5:5

Jǝ́ yɨ yɨm a mʊgɔ lǝma a yooli. Jǝ́ ja lɛ jǝ́ nɔɔ lɛ kanga jǝ́ swɨ lɛɨ. Jǝ́ dʊʊla na yʊwaltɨn nɨ yam kum biyotǝm jinɔ lɛɨ.

1 Bitrus 4:3

Jǝ́ kwɛl jǝ́ tɨla dangǝn a yɨm nɨ jǝ́ yɨ galɨgǝnɨ, wʊnɨ Bʌtʌbɔ swɨ maatǝm lɛɨ, a wʊlam nyɔ. Kanjǝl nɨ nǝn gɔ maatǝm bulon, jǝbɔ maatǝm wɛl, jǝbɔ yǝlatǝm dul, jǝbɔ nɔɔlatǝm jǝl ya maa jen nɛ, jǝbɔ jalatǝm kanjǝl bwɨlan nɨ a bʊm bɨɨ, jǝbɔ boga fʌl, jǝbɔ bwangtǝm bwɨlang shomtɨn.

Dʊgam Nyangnyang 18:7

Gǝ gung dul gǝnɔ, gǝ nyʊwa lǝma lɛ. Jen tʌjen bɛ jǝ́ ywa gǝn nǝn gaalan jǝbɔ fitǝm nǝl sǝ a yɔ dǝngdǝng. Sʊwa lɛ a mʊgɔ nǝl gǝn gɔ, ‘Mǝ nɔɔfɔlɔ. Mǝ yǝm a dʌbʌl kotere fɔlɔn. Mǝ ke bɔ nɔɔkʊla, mɨsɔ mǝ ji wi bwaa lɛ.’ ”