Luka 11:34 - Dadiya NT

³⁴ Nu jenɔ nǝn gɔ n nyalǝm bʊtɔ jeni. Na nu jenɔ ja lɛɨ, nyalǝmɔ a yii bʊtɔ jenɔ gwam. Na nu jenɔ mɨ ja lɛɨ, bʊtɔ jenɔ a yii nǝn kumtojili.

Luka 11:34 ပူးပေါင်းရင်းမြစ်များ

Markus 4:12

sǝ ya “ ‘Ja kuwo lɛ, ja nyǝm bɔ jʊ jǝ kuwo lɛɨ, sǝ ya ja nyʊwa lɛ, ja nyǝm bɔ, kage ja yǝla a daa Kwaama woi, sǝ a kǝlǝm jim bwɨlangkɛl jinɔ.’ ”

Markus 7:22

jǝbɔ wɛl, jǝbɔ shil, jǝbɔ swagkatǝm, jǝbɔ katǝm dagdag, jǝbɔ kulkotǝm, jǝbɔ kalkatǝm dun, jǝbɔ dʊʊlǝn dul, jǝbɔ fʌmʌn.

Markus 8:18

Jǝ́ nǝngǝn nǝn nutɨn, mɨ jǝ́ kuwo lɛ ka? Jǝ́ nǝngǝn nǝn lɔltɨn, mɨ jǝ́ nyʊwa lɛ ka? Mɨ jǝ́ bʊʊla lɛ ka?

Luka 11:35

Bɛ ń nyǝm, nyalǝm nɨ a bʊtɔ mʊnɨ n ke bɔ kumtojili.

Maajɨ Bɛtɔ Twamagɨɨ 13:11

N wɔ Tɛlalɔ maa kii lɛ jǝbɔ mɔ. Mʊ yǝlam kuli. Mʊ do do kumtɨnɔ a gǝlala, mɨsɔ mɔ kuwo nu kwama lɛ.” Tʌgo a kang, sɛyʊwagɔ jǝbɔ kumtojiligɔ a sɔm nu gǝnɔ. Saa nʊ nɨ lɛ ta gǝm kang lɛɨ.

Maajɨ Bɛtɔ Twamagɨɨ 2:46

Kwangkwang jǝ yɔ lɛ a Kan Kwaaman dakini, jǝ jabka jǝjalǝnɔ lɛ dakini a lɔtɨn jinɔ gǝm, jǝ ja lɛ, jǝ nɔɔ lɛ nǝn fulotǝm nǝl jǝbɔ maatǝm lǝma nǝn kwɨtǝm kang,

Maajɨ Bɛtɔ Twamagɨɨ 26:18

Mǝ maa nyɔ sǝ ń wum jim nu, ja yǝla a kumtojili ja bɛ a nyalǝm. Ja yǝla a daagɔ kwaan Mammɔ woi, ja bɛ a daagɔ Kwaama woi. N gola nɨ jǝ nya kǝlǝmtǝm bwɨlangkɛltɨn nɛɨ, sǝ ja nya kʊla kʊlɨ jǝbɔ nǝb nɨ gwam a yǝlam nǝb sagsagɨ, a gola nǝtǝm bɨlǝngkɛl a daa mǝ woi.’

2 Korinti 1:12

Lɨyal nǝnɔ nǝn gɔ, nǝl nǝnɔ a nʊng gɔ nǝn yɨ yɨm sagsag a yooli nɨ mɨ swɨtǝm dul wo, a bɛ a daagɔ Kwaama woi, a laa nyɔ jǝbɔ jen. Ke bɔ a yʊlan nǝfilii, n yɨm dul a lǝma Kwaamaɨ.

2 Korinti 11:3

Mǝ nyʊwa taal lɛ kage a yǝlam kanga sɔɔgɔ a swag Hawau nǝn yʊlan gǝnɨ, kaam nǝbɔ a dǝg jen jǝ́ yǝlam nǝn nǝl jenɔ sagsagɨɨ a daa Kiristi woi, wʊnɨ jǝ́ jǝla jǝ́ bwang gǝm lɛ nǝn nǝl jenɔ gwamɨ.

2 Korinti 4:4

Mammɔ wʊnɨ nǝn gɔ n fɔlɔ yooli nɨɨ, a kul nǝn bʊʊlalɨ nǝb nɨ a nǝ bɔ bɨlǝngkɛlɨ, kage ja kuwo nyalǝm fulon kɛl lǝmɨ dʊʊlǝn Kiristii, gǝ nɨ n jelkalǝng Kwaamaɨ.

Afisa 1:17

N tɨtǝn keltǝm Kwaama Tɛlalɔ bǝn Yesu Kiristii, Tɛtɛ Nǝ dʊʊlǝn, a nǝ jen Yʊwa nɨ nǝ yʊlan nɛ jǝbɔ nʊngtǝm a nyǝmtǝm Kwaamaɨ.

Afisa 6:5

Jǝ́ jwaalɛbɔ, jǝ́ bwang tɛlalɔtɨn jenɔ gǝm nǝn shigtǝm dul jǝbɔ taal, nǝn nǝl nyan, kanga jǝ́ bwang Kiristi gǝm lɛɨ.

Kolosii 3:22

Jǝ́ jwaalɛbɔ, bɛ jǝ́ bwangtǝn tɛlalɔtɨn jenɔ a yooli nɨɨ a kanjǝlɔ gǝm gwam, ke bɔ maajɨ kuwotǝm nu, na nǝb nɨ swɨ fulotǝm nǝbɔ gǝm nǝl lɛɨ. Jǝ́ maa maajɨ nǝlɔ win, jǝ́ nyʊwa taal Tɛlalɔɨ lɛ.