Luka 11:31 - Dadiya NT

³¹ Galɨgǝn Nɔɔfɔlɔ Sheba a bɛ a tǝm nɨ a kʊta kʊtaɨ sǝ a nyʊwa mɛlalɨ yʊlan nyan fɔlɔ Sulemanui. Kǝngkɔ nʊ nɨ a laa Sulemanui n wɔ sul, kal nɨ kǝngkɨɨ a kɔ nyʊwatǝm gǝnɔ. A dul kɛl nɨ, nǝn kɔkɔ borangɔ Nɔɔfɔlɔ Sheba gun gun tʌgo a kal nɨ gǝm sǝ a buulʌm jʊ ja maaɨ.

Luka 11:31 ပူးပေါင်းရင်းမြစ်များ

Matta 12:42

Galɨgǝn Nɔɔfɔlɔ Sheba a bɛ a tǝm nɨ a kʊta kʊtaɨ sǝ a nyʊwa mɛlalɨ yʊlan nyan fɔlɔ Sulemanui. Kǝngkɔ nʊ nɨ a laa Sulemanui n wɔ sul, kal nɨ kǝngkɨɨ a kɔ nyʊwatǝm gǝnɔ. A dul kɛl nɨ, nǝn kɔkɔ borangɔ Nɔɔfɔlɔ Sheba gun gun tʌgo a kal nɨ gǝm sǝ a buulʌm jʊ ja maaɨ.

Luka 3:22

Yʊwa Kwaamaɨ a gǝla a dul gǝnɔ gǝm nǝn kaa jelkalǝng na kumfiyo. Nǝngɔ ja nyʊwa diilɔ a dʌbʌl gɔ, “Mʊ nǝn Bʊla mɨ nɨ mǝ swɨ lɛɨ. Mǝ nyʊwa lǝma lɛ nǝn mɔ dangǝn.”

Luka 9:35

Nǝngɔ ja nyʊwa kaa diil a mʊgɔ luli gɔ, “Nʊ nɨ nǝn Bʊla mɨ mǝ jǝgǝmɨ. Jǝ́ nyʊwa gǝn.”

Roma 2:27

Nʊ nɨ biyotǝm mwɛnɔ ke bɔ jǝfʊlǝn gǝnɨ, n wɔ bwangtǝn diilɔ lɛ dǝngdǝng, mwatɨ mʊn mwatɨ borang mʊ nʊ nɨ mʊ nǝngǝn nǝn diilɔ a mʊla mʊlaɨ jǝbɔ biyotǝm mwɛnɨ, mɨ mʊ bwangtǝn nɛɨ.

Ibranii 11:7

N gola nǝtǝm bɨlǝngkɛl Nuhui, nǝn kwama nɨ Kwaama a gʊ gǝm lɔl a dul kanjǝl nɨ ja kuwo bɔ dɨnɨ, nyʊwa taal Kwaamaɨ lɛ. Nǝngɔ a swiyo gʌleng tɨyamwɛngɔ sǝ a bʊʊ nǝn nǝbɔ lɔ gɨɨ. N gola nǝtǝm bɨlǝngkɛl tag a nʊng yooligɔ bwɨlangkɛl gǝnɨ, a yǝlam nǝ dǝngdǝng a kǝga Kwaamaɨ wʊnɨ nyatǝm gǝnɔ gǝ na a gola nǝtǝm bɨlǝngkɛlɨ.