Luka 11:13 - Dadiya NT

¹³ Na jen jǝ́ nǝb bwɨlangkɛlɔ, jǝ́ nyǝm kanga jǝ́ nǝ bɛtɔ lɔ jeni kanjǝl nyan nɛɨ, Tɨya jen nɨ a kwamaɨ a nyǝm a laa jen, kanga nǝ Yʊwa Kwaamaɨ lɛ a nǝb nɨ a kela gǝnɨ!”

Luka 11:13 ပူးပေါင်းရင်းမြစ်များ

Matta 5:16

A dul kɛl nɨ, jǝ́ bǝla nyalǝm jenɔ ya beta lɛ a kǝga nǝbɨɨ, sǝ ja kuwo maajɨ nyan jenɔ, sǝ ja dʊʊl Tɛtɛ jen nɨ a dʌbʌli.

Matta 5:45

Jǝ́ maa nyɔ sǝ jǝ́ yǝlam bɛtɔ lɔ Tɨya jen nɨ a dʌbʌli, jʊ a bwɨɨ gǝ dǝg dǝg nu kwamagɔ a gwi a dul nǝb bwɨlamɔ gǝm jǝbɔ nǝb nyanɔ, gǝ swiyo swiyo nǝb dǝngdǝngɔ jǝbɔ nǝbɔ mɨ dǝngdǝngɨ gǝm mwɛ.

Matta 6:14

“Na jǝ́ kǝlǝm nǝb nɨ gǝm a maa jem bwɨlangkɛlɨ, Tɨya jen nɨ a kwamaɨ kǝlǝm jem kǝlǝm.

Matta 6:30

Na Kwaamagɔ a fɛ yǝlagɔ a bʊm nyɨɨ, dwiyen nǝn kʊlɨ, fʌng ja mal a gaakǝba, mɨsɔ nǝ jen dʊʊl nɨ lɛ a laa nyɨɨ ka? Jǝ́ nǝb nɨ nǝtǝm bɨlǝngkɛl jenɔ a lada bɨɨ.

Matta 6:32

Nǝb nɨ a nyǝm bɔ Kwaamaɨ, saa kanjǝl nɨ lɛ gwam. Tɨya jen nɨ a kwamaɨ a nyǝm komʌn jenɔ.

Matta 7:11

Na jen jǝ́ nǝb bwɨlangkɛlɔ, jǝ́ nyǝm kanga jǝ́ nǝ bɛtɔ lɔ jeni kanjǝl nyan nɛɨ, Tɨya jen nɨ a kwamaɨ a nyǝm a laa jen, kanga nǝ kanjǝl nyan nɛ, a nǝb nɨ a kela gǝnɨ!

Luka 11:12

Na bwɛ a kel gǝn kwatɨɨ, nǝ gǝn dǝna lɛɨ?

Luka 11:2

Nǝngɔ Yesu a sʊwa ji gɔ, “Na jǝ́ kel keli lɛɨ, jǝ́ sʊwa jengɔ, “ ‘Tɨya bǝn, bɛ dun mʊnɔ a nya dʊʊltǝm. Bɛ fɔlɔn mʊnɔ a bɛ.

Luka 18:7

Kwaama mɨsɔ bɛ lɛ nǝn bɨlǝngkɛl a nǝbɔ ga jǝgǝmɨ ka? A bɛ nǝn bɨlǝngkɛl a nǝbɔ kel gǝn nɛ kum jǝbɔ kɔkɔɨ ka? Mɨsɔ nyʊwa ji lɛ ka? Tɨla tɨla nǝn tɨkatǝm jinɔ ka?

Yohana 4:10

Nǝngɔ Yesu a jǝla gǝn gɔ. “Na ń nyǝm lǝma Kwaamaɨ, jǝbɔ nʊ nɨ a bʌ ń gɔ, ‘Ń nǝ mɨ mwɛmɔ wo mǝ nɔɔ nɔɔɨ,’ na ń kel gǝn, na nǝ ń nǝ ń mwɛ nɨ nǝ kʊlɨ lɛɨ.”

Maajɨ Bɛtɔ Twamagɨɨ 2:38

Nǝngɔ Bitrus a sʊwa ji gɔ, “Jǝ́ yǝla jǝ́ bǝla bwɨlangkɛl jenɔ, jǝ́ nya yʊtǝm mwɛ sagsag gwam jenɔ a mʊgɔ dun Yesu Kiristii, sǝ ja kǝlǝm jem bwɨlangkɛl jenɔ. Jǝ́ nya nya lǝma Yʊwa Kwaamaɨ.

Roma 5:17

Na n dul bwɨlangkɛl nʊ nɨ win bwaagɔ a wɔɔ nǝbɔ gwamɨ, la na nyǝn a nǝb nɨ a nya lǝma a lada, jǝbɔ nǝtǝm wʊnɨ n dǝngdǝng Kwaamaɨ? Jǝ maa fɔlɔn a mʊgɔ kʊlɨ, a gola nʊ nɨ wini, nǝn gɔ nǝn Yesu Kiristi.

Roma 7:18

N nyǝm mɨ jǝ nyan wo a mǝ gǝm, a bʊtɔ mɨ. Mǝ swɨ lɛ n maa jʊ nɨ a bʊm bʊmɨ sul, mǝ dwal bɔ n maa.

Roma 8:32

Kwaama a kɔ bɔ nǝtǝm bǝn bʊla gɨɨ, a nǝ bǝn pʌd bǝnɔ. Kwaama nɨ a kwɛl a nǝ bǝn Bʊla gɨɨ, mɨsɔ nǝ bǝn kanjǝlɔ lɛ gwam tag ka?

Titus 3:3

Bǝn tǝbǝn galɨgǝn bǝ swɛla swɛlaɨ. Bǝ bwangtǝn bɔ Kwaama. Ja swag bǝn. Bǝ yǝlam jwaalɛb maatǝm wɛl bwɨla jǝbɔ nyʊwatǝm lǝma nɨ mɨ dǝngdǝngɨ. Bǝ yǝlam nǝb shil. Bǝ yǝlam nǝb kiim. Bǝ yǝlam jǝ kɔtǝm, bǝn tǝbǝn bǝ kɔ kaam nǝbɔ lɛ.