Luka 1:32 - Dadiya NT

³² Yǝlam gʌleng nǝlɨ, jǝ jo gǝn gɔ Bʊla nʊ nɨ a Laa Dʊʊlǝnɨ. Tɛlalɔ Kwaama nǝ gǝn nǝ kotere fɔlɔn tʊga gǝ Daudaɨ.

Luka 1:32 ပူးပေါင်းရင်းမြစ်များ

Matta 1:1

Wʊnɨ nǝn gɔ mʊlalɨgɔ a dul guu dʊʊm Yesu Kiristii, bʊla Daudaɨ, bʊla Ibrahimi:

Matta 12:42

Galɨgǝn Nɔɔfɔlɔ Sheba a bɛ a tǝm nɨ a kʊta kʊtaɨ sǝ a nyʊwa mɛlalɨ yʊlan nyan fɔlɔ Sulemanui. Kǝngkɔ nʊ nɨ a laa Sulemanui n wɔ sul, kal nɨ kǝngkɨɨ a kɔ nyʊwatǝm gǝnɔ. A dul kɛl nɨ, nǝn kɔkɔ borangɔ Nɔɔfɔlɔ Sheba gun gun tʌgo a kal nɨ gǝm sǝ a buulʌm jʊ ja maaɨ.

Matta 28:18

Nǝngɔ Yesu a yɔ nǝn dɔɔm a sʊwa ji woi gɔ, “Kwaama a nɨ ɨ fɔlɔnɔ gwam a dʌbʌl jǝbɔ tǝm.

Matta 3:11

“Mǝ yʊ jen mwɛ sagsagɔ nǝn mwɛ sǝ a nʊng jǝ́ yǝla jǝ́ bǝla bwɨlangkɛl jenɔ. Kaa nǝl bɛ lɛ a gul mɨ, a laa ɨ dʊʊn. Twam gǝnɔ mǝ la bɔ n do. Yʊ jen yʊ mwɛ sagsagɔ nǝn Yʊwa Kwaamaɨ jǝbɔ kǝla.

Markus 14:61

Nǝngɔ Yesu a yɨ shigi, a gar bɔ kɛl. Dalɨ nǝkǝlagɔ a bʌ gǝn tag gɔ, “Nǝmɔ mʊ Kiristi Bʊla Kwaama nǝ Bwilii ka?”

Markus 5:7

A ga kwaalɨ nǝn diil gɔ, “Wɛ a mʊrka ɨ jǝbɔ mʊɨ Yesu Bʊla Kwaamaɨ, Nǝ Dʊʊ? N mʊrka ń jǝbɔ Kwaama ka ń nɨ ɨ lɛ gaalan.”

Luka 1:15

Yǝlam nǝ dʊʊ a kǝga Kwaamaɨ. Mɨsɔ nɔɔ bʊgɛ lɛ jǝbɔ jʊ nɨ maa gǝn nɛɨ. Jʊ a ta nǝn kwama nɨ a fʌl nɛnɛ gɨɨ, Yʊwa Kwaamaɨ gǝ na jǝbɔ gɔ.

Luka 1:35

Nǝngɔ bwɛ twama Kwaamaɨ a jǝla gǝn gɔ, “Yʊwa Kwaamaɨ nǝn gɔ bɛ lɛ a daa mʊ woi. Kwaan nʊ nɨ a Laa Dʊʊlǝnɨ nǝn gɔ ba sum ń nɛɨ. Nǝ sagsag nɨ mʊ bʌ lɛɨ, jǝ jo dun gǝnɔ gɔ Bʊla Kwaamaɨ.

Luka 1:76

Mɔ, mʊ bʊla mɨ, jǝ jo ń jo ń gɔ nǝkuwotǝmkǝga nʊ a Laa Dʊʊlǝnɨ, nǝmɔ mʊ ja kǝga lɛ a Tɛlalɔ gǝmɨ, sǝ ń fɛka gǝm golagɨɨ,

Luka 3:16

Nǝngɔ Yohana a sʊwa ji gwam gɔ, “Mǝ, mǝ yʊ jen mwɛ sagsag nǝn mwɛ. A nʊ nɨ bɛ lɛɨ, wʊnɨ a laa ɨ dʊʊnɨ, mǝ la bɔ nyɔ n kwɨ dwang twam gǝnɔ. Nʊ gɔ yʊ jen mwɛ sagsag nǝn Yʊwa Kwaamaɨ jǝbɔ kǝla.

Luka 6:35

Jǝ́ swɨ nǝb kiim jenɔ, jǝ́ maa jim jǝ nya. Jǝ́ nǝ nǝbɔ naan ka jǝ́ bʊʊla lɛ ywatǝmɔ. Maatǝmɔ nyɨɨ jǝ́ nya nya bwili nɨ a ladaɨ a dʌbʌl. Jǝ́ yǝlam yǝlam bɛtɔ lɔ nʊ nɨ a Laa Dʊʊlǝnɨ. Nǝn gɔ maa jǝ nya lɛ a nǝb nɨ mɨ buu kang lɛɨ jǝbɔ nǝb bwɨlamɨ.

Yohana 12:34

Nǝngɔ nǝbɔ a sʊwa Yesu gɔ, “Diilɔ a sʊwa nǝn gɔ Kiristi nǝngǝn nǝn kʊlɨ mɨ dɨtǝm wo. N wɛ bwɨ mʊ sʊwa mɔʊ jǝ gung gung Bʊla Nǝlɨ a dʌbʌl tɨyaɨ? Nuwo nyɨ nǝn Bʊla Nǝlɨ?”

Yohana 6:69

Nǝn, nǝn nǝ bɨlǝngkɛl, nǝn nyǝm, mɔ Nǝ Sagsag Kwaamaɨ.”

Maajɨ Bɛtɔ Twamagɨɨ 16:17

Nǝngɔ a tɨtǝn bwangtǝm Bulusi jǝbɔ tangǝn nǝnɔ, gaba kwaalɨ lɛ sʊwa lɛ gɔ, “Nǝb nɨ n bɛtɔ jwaalɛn Kwaamaɨ, Nǝ Dʊʊ. Jǝ sʊwa jen gola nyatǝm bʊʊtǝm.”

Maajɨ Bɛtɔ Twamagɨɨ 2:30

Gɔ n nǝkuwotǝmkǝga. A nyǝm Kwaama a maa gǝm swatǝm yaa jǝbɔ wɛɛlɨ, gɔ kaa nǝl win a mʊgɔ dʊʊm gǝnɔ gǝm, gwi gwi kotere fɔlɔn gǝnɔ.

Maajɨ Bɛtɔ Twamagɨɨ 2:36

“A dul kɛl nɨɨ, mɨ nyǝmatǝm wo bɛ nǝbɔ Israilaɨ gwam a nyǝm, Yesu nɨ jǝ́ kʊʊ gǝnɨ, Kwaama a dǝg gǝn a yǝlam Tɛlalɔ jǝbɔ Kiristi.”

Maajɨ Bɛtɔ Twamagɨɨ 7:48

“Dalɨ nǝ Dʊʊ mɨ yɨ lɛ a lɔtɨn nɨ nǝfili a mɔɨ, kanga nǝkuwotǝmkǝgagɔ a sʊwaɨ gɔ,

Roma 1:4

A yʊwa gǝnɔ nɨ sagsagɨ, Kwaama a jǝg gǝn nǝn kwaan gǝn a yǝlam Bʊla gɔ a gola gungtǝm gǝn a bwaa, nǝn gɔ nǝn Yesu Kiristi Tɛlalɔ bǝn.

Dʊgam Nyangnyang 3:7

“Bɛ ń mʊla bwɛ twama Kwaamaɨ nɨ gǝm a mʊrkalɨ nǝb bwangtǝm Kwaamaɨ nɨ a Filadalfiyaɨ gǝm nyɔ, “Kɛl nɨ nǝn gɔ n twamagɔ a daagɔ Nǝ Sagsag nɨ woi, Nǝ bɨlǝngkɛl, wʊnɨ nǝn jǝ wumtǝm nyanga kan Daudaɨ, wʊnɨ na a wumi, mɨ nʊ nɨ wo kubʌl lɛɨ, na a kubʌl tagɨ, mɨ nʊ nɨ wo wum lɛɨ.