Kolosii 4:1 - Dadiya NT

¹ Tɛlalɔtɨnɔ, bɛ jǝ́ ta jwaalɛb jenɔ nǝn bɨlǝngǝn a bʊm bʊmɨ, jʊ a bwɨɨ jǝ́ nyǝm tʌjen jǝ́ nǝngǝn nǝn Tɛlalɔ a dʌbʌl.

Kolosii 4:1 ပူးပေါင်းရင်းမြစ်များ

Matta 20:4

Nǝngɔ a sʊwa ji gɔ, ‘Jǝ́ yɔ tʌjen a tɔtwam mɨ ya jǝ́ maa maajɨgɔ, mǝ ywa jen ywa dǝngdǝng jʊ jǝ ywa lɛɨ.’

Luka 19:15

“Jǝ daamɨ, nǝngɔ a nya fɔlɔnɔ a yǝla bɛɨ. A dǝg ja jo bɛtɔ jwaalɛn gǝnɔ wʊnɨ ga nǝ ji kemʌni, sǝ gǝ kuwo jʊ ja nya a mʊgɔ dʌbo jini.

Yakubu 2:13

Jʊ a bwɨɨ nǝn kwama mwɛlɔ, Kwaama mɨsɔ ji bʊnǝn nʊ nɨ lɛ mɨ nǝn bʊnatǝmɨ. Jʊ a bwɨɨ bʊnatǝmɔ laa laa kwaan mwɛlɔ.

Yakubu 5:4

Wi naan nǝb maajɨ nɨ a maa maajɨ a twam jen jǝ́ kɔ ywatǝm jini, a yɔ a daa Kwaama woi. Wi nǝb nɨ kʌso jem twam jenɔ lɛɨ, a la a daa Kwaama woi, Tɛlalɔ Nǝ Kwaan.

Dʊgam Nyangnyang 17:14

Jǝ ta ta kun jǝbɔ Bɛ Gal nɨ. Bɛ Gal nɨ ja ji ja, jʊ a bwɨɨ nǝn gɔ Tɛlalɔ tɛlalɔtɨnɨ, nǝn gɔ Fɔlɔ fɔlɔlɔmɨ. Gɔ jǝbɔ nǝb nɨ jǝ dakinii, nǝji jǝ nǝb jotǝmɔ, jǝbɔ nǝb jǝgamtǝmɔ, jǝbɔ nǝb tatǝm swatǝm yaagɨɨ.”

Dʊgam Nyangnyang 19:16

Ja mʊla kaa dun a bɛllɛ gǝnɔ gǝm jǝbɔ kulong gǝnɔ gɔ, “FƆLƆ FƆLƆLƆMƗ JƏBƆ TƐLALƆ TƐLALƆTƗNƗ.”