Kolosii 3:5 - Dadiya NT

⁵ Gǝ na nyɔ bɛ jǝ́ jǝgǝm nǝl jenɔ a wɛl yooligɔ gǝm, bulon, jǝbɔ maajɨ kalalɨ, jǝbɔ wɛl bwɨla, jǝbɔ bwɨlang nǝlǝn, jǝbɔ konatǝm nu wʊnɨ tǝgǝn n bwangtǝm shomi.

Kolosii 3:5 ပူးပေါင်းရင်းမြစ်များ

Matta 15:19

Bʊʊlalɨ bwɨlagɔ gǝ jel a mʊgɔ nǝl, jǝbɔ jʌtǝm dul, jǝbɔ bulon, jǝbɔ bwɨlan, jǝbɔ kuul, jǝbɔ nǝtǝm nyiyo gabakɛl jǝbɔ kaltǝm dun nǝbɨɨ.

Roma 1:26

N jʊ a bwɨ Kwaama a bǝla ji maatǝm jǝ gunidul nɨ a bʊm bɔ kuwotǝmɨ. Nɔɔtǝlam jinɔ a fʌto daam fiyodaalɨgɔ jǝbɔ batǝmɔ jǝ daa a kang bʊtɔ jin.

Roma 1:29

Nǝl jinɔ a yii nǝn kanjǝl shil gwam, jǝbɔ maajɨ bwɨlan, jǝbɔ wɛl, jǝbɔ katǝm naa. Nǝl jinɔ a yii nǝn nungon, jǝbɔ jʌtǝm dul, jǝbɔ gʊbkatǝm, jǝbɔ swagkatǝm, jǝbɔ maatǝm kii. Kaamɨ n nǝb yʊʊlakatǝm,

Roma 6:13

Bɛ ka jǝ́ nǝ lɛ jinʌn bʊtɔ jenɔ a maatǝm bwɨlangkɛl, ja yǝlam na kanjǝl maatǝm shil. Bɛ jǝ́ nǝ dul jenɔ a daagɔ Kwaama woi, na nǝb nɨ ja bʊʊ nǝn ji a bwaa a yɔ nǝn a nyatǝm kʊlɨɨ. Bɛ jǝ́ nǝ jinʌn bʊtɔ jenɔ a daagɔ Kwaama woi, ja yǝlam na kanjǝl maatǝm jǝ dǝngdǝng.

Roma 6:6

Bǝ nyǝm ja kʊʊ kʊʊɨ bʊtɔ galɨ bǝnɔ jǝbɔ gɔ a dʌbʌl tɨya, sǝ a kǝl kwaan bwɨlangkɛlɔ a bʊtɔ bǝnɨ sǝ kǝngkɔ bǝ yǝlam bɔ jwaalɛb bwɨlangkɛlɨ.

Roma 7:23

N kuwo kaa diil maa maajɨ lɛ a jinʌn bʊtɔ mɨ, wʊnɨ ta kun nɛ jǝbɔ diil nɨ a bʊʊlalɨ mɨɨ, a dǝg ɨ a lɔsomii, diil bwɨlangkɛlɔ, wʊnɨ yǝm a jinʌn mɨɨ.

Roma 7:5

Nǝn galɨgǝn bǝ bwangtǝn bʊtɔ lɛɨ, wɛl bwɨlanɔ a gun a gola diil, n jʊ maa maajɨ lɛ a bʊtɔ bǝnɨ, n jʊ gʊ bǝm bwaa lɛɨ.

Roma 8:13

Na jǝ́ yɨ yɨm bwangtǝm bʊtɔɨ, jǝ́ bʊla bʊla. Na jǝ́ yɨ yɨm a kwaan Yʊwa jǝ́ jʌm maajɨ bwangtǝm bʊtɔgɨɨ, jǝ́ yɨ yɨ nǝn kʊlɨ mɨ dɨtǝm wo.

1 Korinti 5:1

Jǝ sʊwa lɛ gɔ maatǝm bulonɔ wo a kʊm jen, a wʊnɨ mɨ jǝ maa lɛ a kʊm nǝb nɨ ke bɔ nǝb bwangtǝmɨ. Kaa gǝ do do nwala tɛtɛ gɨɨ a daa nǝn.

1 Korinti 6:11

Kaam jenɔ jǝ́ na nyɔ galɨgǝn. Ja saal jen, jǝ́ sagsag. Ja dǝg jen jǝ́ yǝlam nǝb dǝngdǝng a dun Tɛlalɔ Yesu Kiristii, jǝbɔ Yʊwa Kwaama bǝnɨ.

1 Korinti 6:13

Jǝjalǝnɔ ja maam fʌl. Fʌlɔ ja maam jǝjalǝn.” Kwaama kal kal gwam jinɔ yo, wʊnɨ jǝbɔ a wuleni. Bʊtɔgɔ n ke bɔ a bulon, na a Tɛlalɔɨ, Tɛlalɔ nǝn gɔ dʌng bʊtɔgɔ lɛɨ.

1 Korinti 6:18

Jǝ́ mwal bulonɔ. Pʌd tangǝn bwɨlangkɛlɔ nǝl maa lɛɨ, a ke bɔ bʊtɔ gǝnɔ na maatǝm bulonɔ. Nʊ nɨ maa bulon nɛɨ, gǝ maa bwɨlangkɛl nɨ kal bʊtɔ gǝnɔ lɛɨ.

2 Korinti 12:21

Mǝ nyʊwa taal lɛ mǝʊ kage na n yǝla n yɔɨ, Kwaama mǝndɨ shig shig dul mǝndɨ a kǝga jen. N maa fitǝm nǝl a dul kaamɨ a lada, wʊnɨ kwama gɔ ja maa bwɨlangkɛl galɨgǝnɨ, ja yǝla bɔ ja bǝla maatǝm bulonɔ, jǝbɔ kanjǝl bwɨlan jinɔ nɨ ja maaɨ.

Galatiya 5:24

Nǝb nɨ na a Kiristi Yesui, ja kwɛl ja kʊʊ kʊʊɨ bʊʊlalɨ bwɨlagɔ jǝbɔ kanjǝl bwɨlantɨn nɨ jǝ swɨ lɛ ja maaɨ.

Afisa 4:19

Mɨ ji nǝn gunidul. Ja nǝ dul jinɔ a swɨtǝm kanjǝl nɨ a bʊm bɔ kuwotǝmɨ. Ja ya nu a maatǝm jʊ nɨ bɛ lɛ nǝn wɛl bwɨlaɨ.

Kolosii 2:11

N mʊgɔ gǝn tag a biyo jem mwɛnɨ, ke bɔ biyotǝm mwɛn nǝn kang nǝfilii. Kiristi a maa nyɔ sǝ a dem bʊtɔ bwɨlangkɛl jenɔ.

1 Tasalonikaɨ 4:3

Wʊnɨ nǝn gɔ n jǝlatǝm Kwaamaɨ gɔ, bɛ jǝ́ yɨ yɨm sagsag, jǝ́ kɨla yɨm bulonɔ.

1 Tasalonikaɨ 4:5

ke bɔ a gola bulon kanga Bʌtʌbɔ gǝ maam lɛɨ, nǝb nɨ a nyǝm bɔ Kwaamaɨ.

1 Timoti 6:10

Swɨtǝm kemʌnɔ nǝn gɔ n jʌng kanjǝl bwɨlanɔ gwamɨ. N swɨtǝm nyatǝm shilo dǝbǝr kaam nǝbɔ a bǝla nǝtǝm bɨlǝngkɛl jinɔ a guli, ja gʊ dul jinɔ gǝm fitǝm nǝl nǝn dʌmʌni.

Ibranii 12:16

Ka kaa nǝl ya yǝlam lɛ nǝ bulon jǝbɔ nǝ kɔtǝm Kwaamaɨ na Isuwa, wʊnɨ n kɛl jatǝm jǝjalǝn naagɔ win a miyo dʊʊn bʌtʌm gǝnɨ.

Ibranii 13:4

Bɛ naakanɔ a nya nǝtǝm dʊʊn, fiyodaalɨ naakanɔ a na sagsag. Nǝb bwɨlanɔ jǝbɔ nǝb bulonɔ Kwaama maa jim maa borang.

Ibranii 13:5

Bɛ ka bʊʊlalɨ jenɔ ya yǝlam lɛ na swɨtǝm kemʌn. Bɛ jǝ́ maa fulotǝm nǝl nǝn jʊ jǝ́ nǝnɨ, jʊ a bwɨɨ Kwaama a sʊwa gɔ, “Mɨsɔ mǝ bǝla ń nɛ wo. Mɨsɔ mǝ kɔ ń nɛ wo.”

Yakubu 4:1

N wɛ bɛ lɛ nǝn kɨlan jǝbɔ gʊbkatǝm a kʊm jeni? Mɨ nyǝmatǝm wo, jʊ bɛ lɛ nǝn kanjǝl nɨɨ n wɛltɨn nɨ ta kun nɛ a kʊm jeni.

1 Bitrus 2:11

Fatǝm nyan mǝndɨ, jǝ́ faabǝm, jǝ́ Bʌtʌb a yooli nɨ. Mǝ kela jen nɛ, jǝ́ bǝla swɨtǝm bʊʊlalɨ mʊgɔ nǝl nǝfilii wo, wʊnɨ ta kun nɛ jǝbɔ nǝl jeni.

Dʊgam Nyangnyang 21:8

Nǝb taalɔ, jǝbɔ nǝb nɨ kǝl swatǝm yaa lɛɨ, jǝbɔ nǝb nɨ mɨ maa maajɨ bʊmɨ lɛɨ, jǝbɔ nǝb jʌtǝm dul, jǝbɔ nǝb swɨtǝm maatǝm bulon, jǝbɔ feyilʌmɔ, jǝbɔ nǝb bwangtǝm shom, jǝbɔ nǝb gabatǝm kɛl gwam, jʊ jǝ nya lɛɨ n gʌto nɨ ja kǝla lɛɨ, a fo a shii, wʊnɨ nǝn gɔ bwaa na yogɨɨ.”

Dʊgam Nyangnyang 22:15

Nǝbɔ a gul tuulɔ nɨɨ, n nǝb bwɨlan, jǝbɔ nǝb nɨ maa maajɨ feyi lɛɨ, jǝbɔ nǝb maajɨ bulon, jǝbɔ nǝb jʌtǝm dul, jǝbɔ nǝb bwangtǝm shom, jǝbɔ nǝbɔ swɨ maatǝm gabakɛl lɛ a mʊgɔ kɛltɨn jinɔ gǝm gwamɨ, jǝbɔ maajɨtɨn jinɔ.