Kolosii 3:1 - Dadiya NT

¹ Kwaama a gung jen nǝn kʊlɨ jǝbɔ Kiristi. Na gǝ na nyɨɨ, bɛ jǝ́ saa kanjǝl nɨ a dʌbʌli, a daa nɨ Kiristi yǝm woi, a kang jajǝng Kwaamaɨ.

Kolosii 3:1 ပူးပေါင်းရင်းမြစ်များ

Matta 22:44

“ ‘Tɛlalɔ a sʊwa Tɛlalɔ mɨ gɔ, “Yɨ fɔ a kang jajǝng mɨ, ba la nǝn kwama nɨ mǝ ya ń nɛ a dul fatǝm kiim mʊnɨ.” ’

Matta 26:64

Nǝngɔ Yesu a jǝla gǝn gɔ, “Ɔɔ, nǝmǝ, kanga mʊ sʊwaɨ. Mɨsɔ kʊta lɛ jǝ́ kuwo kuwo Bʊla Nǝlɨ yǝm a kang jajǝng Nǝ Kwaan nɨɨ, bɛ lɛ a dʌbʌl a mʊgɔ lul.”

Matta 6:20

Yʊ shilo mʊnɔ a dʌbʌl a daa nɨ a bʊmɨ. A daa nɨ bʊntangɔ jǝbɔ bwatɛgɔ mɨsɔ kal lɛɨ, nǝbkuumɔ mɨsɔ dɔ lɛ a kuui.

Matta 6:33

Jʊ a laa jǝl gwamɨ, jǝ́ saa fɔlɔn lɔ Kwaamaɨ dɨn, jǝbɔ yɨm dǝngdǝng gǝnɔ. Na jǝ́ maa kanjǝl nɨ nyɨɨ, jǝ nǝ jen nǝ tangǝn kanjǝlɔ gwam.

Markus 12:36

Dauda nǝn kang gǝn, nǝn kwaan Yʊwa Kwaamaɨ a sʊwa gɔ, “ ‘Tɛlalɔ a sʊwa Tɛlalɔ mɨ gɔ, “Yɨ fɔ a kang jajǝng mɨ, ba la nǝn kwama nɨ mǝ ya ń nɛ a dul fatǝm kiim mʊnɨ.” ’

Markus 14:62

Yesu a jǝla gɔ, “Nǝmǝ. Jǝ́ kuwo kuwo Bʊla Nǝlɨ yǝm a kang jajǝng Kwaamaɨ, Nǝ kwaan, bɛ lɛ a mʊgɔ lul a dʌbʌl kwama.”

Markus 16:19

Kwama Tɛlalɔ Yesu a mal jim nyiyogɨɨ, nǝngɔ Kwaama a do gǝn a shu nǝn gɔ a dʌbʌli, yǝm a kang jajǝng Kwaamaɨ.

Luka 12:33

Jǝ́ miyo kanjǝl jenɔ, jǝ́ nǝ nǝb bʊnǝnɔ kemʌnɔ. Jǝ́ saa dul jenɔ gǝm bǝla kemʌn wʊnɨ mɨsɔ gʌlo lɛ woi, shilogɔ a dʌbʌli mɨsɔ dɨ lɛɨ. Nǝkuu mɨsɔ kuu lɛ wo. Bʊntangɔ mɨsɔ kʊm lɛɨ.

Luka 20:42

Dauda nǝn kang gǝn a sʊwa a langǝn bwangǝn Zaburaɨ gɔ, “ ‘Tɛlalɔ a sʊwa Tɛlalɔ mɨ gɔ, “Yɨ fɔ a kang jajǝng mɨ,

Luka 22:69

A kǝngkǝnɨ, Bʊla Nǝlɨ yɨ yɨ a kang jajǝng Kwaamaɨ, Nǝ kwaan.”

Maajɨ Bɛtɔ Twamagɨɨ 2:34

Ke bɔ Dauda a gwi dʌbʌl kwamaɨ, jʊ a sʊwa nǝn kang gǝnɨ n wɔ, “ ‘Tɛlalɔ a sʊwa Tɛlalɔ mɨ gɔ, “Yɨ fɔ a kang jajǝng mɨ,

Maajɨ Bɛtɔ Twamagɨɨ 7:55

Yʊwa Kwaamaɨ a kwɛl a yii bʊtɔ Istifanusi, a tal nu gǝnɔ dʌng dʌbʌlɔ lɛ. Kuwo dʊʊn Kwaamaɨ lɛ, jǝbɔ Yesu tɨm a kang jajǝng Kwaamaɨ.

Roma 8:34

Nuwo a la nyɔ nǝ bǝn bwɨlangkɛl lɛɨ? Mɨ wo! Kiristi Yesu a bʊla, a gun nǝn kʊlɨ, yǝm a daa yɨm dʊʊn a kang jajǝng Kwaamaɨ, kela Kwaama lɛ a kɛl dul bǝn.

Roma 8:6

Nǝl nɨ gǝ na a kanjǝl bʊtɔɨ, gǝ bɛ bɛ nǝn bwaa. Nǝl nɨ gǝ na a kanjǝl Yʊwaɨ, gǝ bɛ bɛ nǝn kʊlɨ jǝbɔ yɨm kwamɨgǝn.

2 Korinti 4:18

N ke bɔ kanjǝl nɨ nugɔ kuwo lɛ nǝn dʌng lɛɨ. Nǝn dʌng kanjǝl nɨ mɨ nugɔ kuwo lɛɨ. Kanjǝl nɨ nugɔ kuwo lɛɨ, n kanjǝl nɨ mɨsɔ tɨm shutǝm lɛɨ. Kanjǝl nɨ mɨ nugɔ kuwo lɛɨ, n kanjǝlɔ mɨ dɨtǝm woi.

Afisa 4:10

Nʊ gɔ a gǝlaɨ, nǝn gɔ a gwi fʌlen a dʌbʌl kwama tagɨ, dɨsɔ a yii dʌbʌlɔ jǝbɔ tǝmɔ gwam.)

Afisa 5:22

Jǝ́ nɔɔtǝm naatǝmɔ jǝ́ nǝ batǝlam jenɔ dul jenɔ, kanga jǝ́ maam Tɛlalɔ gǝm lɛɨ.

Kolosii 2:20

Na bwaa jenɔ jǝbɔ Kiristii a jǝg jen a jǝfʊlǝn yooli nɨɨ, n wɛ a bwɨ jǝ́ yɨ yɨm lɛ maamɔ jǝ́ na a yooli tagɨ? N wɛ a bwɨ jǝ́ bwangtǝn diiltɨn nɨ lɛ sʊwa lɛ gɔ,

Kolosii 3:2

Bɛ jǝ́ ya bʊʊlalɨ jenɔ a kanjǝl nɨ a dʌbʌli, ke bɔ kanjǝl nɨ a tǝmɨ.

Ibranii 1:13

A kʊm bɛtɔ twama Kwaamaɨ, nuwo Kwaama a sʊwa wo gɔ, “Yɨ fɔ a kang jajǝng mɨ, ba la nǝn kwama nɨ mǝ dǝg nǝb kiim mʊnɔ lɛ ja yǝlam daa fatǝm naa mʊnɨ”?

Ibranii 1:3

Bwɛ nǝn gɔ nyalǝm dʊʊlǝn Kwaamaɨ, n jelkalǝng gǝn dangǝn, nǝn gɔ a ta kanjǝlɔ gwam nǝn kwaan sʊwatǝm gǝnɨ. A saalǝm bwɨlangkɛl bǝnɨ, nǝngɔ a yɨ a kang jajǝng Nǝ dʊʊgɨɨ a fɔlɔn dʌbʌli.

Ibranii 10:12

A Kiristii a tǝla twama kǝlǝmtǝm bwɨlangkɛlɔ naa win swar mɨ sʊtǝm wo. Nǝngɔ a yɨ a kang jajǝng Kwaamaɨ.

Ibranii 12:2

Bǝ ya nu bǝnɔ a daagɔ Yesu woi, gǝ nɨ n dʊʊ nǝb nǝtǝm bɨlǝngkɛlɨ, nǝn gɔ n nǝ yiitǝm gǝnɨ. Wʊnɨ n kɛl fulotǝm nǝl nɨ Kwaama a ya a kǝga gǝnɨ, a kʊ nǝl nǝn tɨya kʊʊtǝmɔ, n jǝ gunidul, a do bɔ nyɔ a dul gǝn. Kǝngkǝnɨ yǝm a kang jajǝng kotere fɔlɔn Kwaamaɨ.

Ibranii 8:1

Kɛl nɨ gǝ nʊng gɔ, bǝ nǝngǝn nǝn dalɨ nǝkǝla nyɔ, wʊnɨ a yɨ a kang jajǝng kotere fɔlɔn nǝ Dʊʊ nɨ a dʌbʌl kwamaɨ.

1 Bitrus 3:22

Yesu Kiristi a shu a dʌbʌl, yǝm a kang jajǝng Kwaamaɨ, nǝn gɔ a dul bɛtɔ twama Kwaamaɨ jǝbɔ yʊwatɨn kwaanɔ jǝbɔ yʊwa dʊʊntɨnɔ.