Kolosii 1:6 - Dadiya NT

⁶ Fulon kɛl lǝmɨ nɨ a bɛ jemi, kanga a bɛm yooligɔ gǝm gwamɨ, a bwi, kwɨya tǝmɔ lɛ, kanga maam lɛ a kʊm jeni nǝn kum nɨ jǝ́ nyʊwamɨ, jǝ́ nyǝmǝm lǝma Kwaamaɨ, a mʊgɔ bɨlǝngkɛl gǝnɔ gǝmɨ.

Kolosii 1:6 ပူးပေါင်းရင်းမြစ်များ

Matta 24:14

Jǝ kiyo kiyo fulon kɛl lǝmɨ fɔlɔn lɔ Kwaamaɨ a tǝmɔ gǝm gwam, sǝ a yǝlam nǝtǝm nyiyo sǝla dɨltǝm yooligɔ a bɛ.

Matta 28:19

A dul kɛl nɨ ya jǝ́ sʊwa nǝbɔ tǝm yooli nɨ gwam ja yǝlam nǝb bwangtǝm mɨ, jǝ́ yʊ ji mwɛ sagsagɔ a mʊgɔ dun Tɛtɛɨ, jǝbɔ a Bwɛɨ, jǝbɔ a Yʊwa Kwaamaɨ.

Markus 16:15

Nǝngɔ a sʊwa ji gɔ, “Jǝ́ dɔ mʊgɔ yooligɔ gwam, jǝ́ kiyo nǝbɔ gǝm gwam fulon kɛl lǝmɨ nɨɨ.

Markus 4:8

Kaam dʊʊmɔ a yal a tǝm nya. Ja gii, nǝngɔ ja dʊʊla ja jel duli, kaamɨ dulɔ fʊtǝtaal taal, kaamɨ fʊltǝnukun nukun, kaamɨ fʊlkʊb fʊlkʊb.”

Yohana 15:16

“Ke bɔ jen jǝ́ jǝg ɨɨ. Nǝmǝ mǝ jǝgǝm jeni. Mǝ dǝg jen mǝʊ jǝ́ yɔ ya jǝ́ tʊʊ tʊʊl, tʊʊl nɨ mɨsɔ dɨ lɛ woi, sǝ Tɛtɛ a nɨ jen jʊ nɨ gwam jǝ́ kelaɨ a mʊgɔ dun mɨ.

Yohana 17:19

N kɛl dul jin, mǝ dǝg dul mǝndɨɨ, sǝ ji tʌji ja dǝg dul jinɔ a gola bɨlǝngkɛl.

Yohana 4:23

Kwamagɔ bɛ lɛ wo, a kwɛl a bɛ, wʊnɨ nǝb dʊʊltǝm Kwaamaɨ dǝngdǝngɨɨ jǝ dʊʊl gǝm a mʊgɔ yʊwa jǝbɔ bɨlǝngkɛl. Kwaama a saa nǝbɔ nyɔ sǝ ja dʊʊl gǝm.

Maajɨ Bɛtɔ Twamagɨɨ 11:18

Yahudawa nǝb bwangtǝmɔ a nyʊwa nyɨɨ, ja nyǝm bɔ jʊ jǝ sʊwa lɛɨ. Nǝngɔ ja bǝlá Kwaamagɔ jǝ sʊwa lɛ gɔ, “Kwaama a jǝla Bʌtʌbɔ gǝm tʌji ja yǝla ja bǝla bwɨlangkɛl jinɔ sǝ ja nya kʊlɨ.”

Maajɨ Bɛtɔ Twamagɨɨ 12:24

Kɛl Kwaamaɨ a sʊtǝn jatǝm kǝga. Nǝb bwangtǝmɔ sʊtǝn nɛ.

Maajɨ Bɛtɔ Twamagɨɨ 16:14

Kaa nɔɔlɨ wo dunɔ nǝn Lidiya, n nǝ bwangtǝm Kwaamaɨ, nyʊwa nǝn nɛ. N bwɛn tuulɔ Tayatiraɨ. Gǝ miyo dwang felʌng wʊnɨ kemʌn gǝnɔ a kwam nyɨɨ. Tɛlalɔ a wum nǝl gǝnɔ, nǝngɔ a ya nǝl gǝnɔ a nyʊwa jʊ Bulus a sʊwaɨ.

Maajɨ Bɛtɔ Twamagɨɨ 26:18

Mǝ maa nyɔ sǝ ń wum jim nu, ja yǝla a kumtojili ja bɛ a nyalǝm. Ja yǝla a daagɔ kwaan Mammɔ woi, ja bɛ a daagɔ Kwaama woi. N gola nɨ jǝ nya kǝlǝmtǝm bwɨlangkɛltɨn nɛɨ, sǝ ja nya kʊla kʊlɨ jǝbɔ nǝb nɨ gwam a yǝlam nǝb sagsagɨ, a gola nǝtǝm bɨlǝngkɛl a daa mǝ woi.’

Roma 1:13

Kɛtǝlam mɨ, mǝ swɨ lɛ jǝ́ nyǝm kwangkwang mǝ maa fɛkalɨ yɔm lɛ a daa jen woi, ja nɨ ɨ bɔ gola dɨn. Mǝ swɨ lɛ n yɔ, sǝ n nya kaam nǝb bwangtǝm a daa jen woi, kanga mǝ nya a daagɔ kaam Bʌtʌbɔ woi.

Roma 15:19

Yʊwa Kwaamaɨ a nɨ ɨ kwaan maatǝm kanjǝl nʊngtǝm jǝbɔ kanjǝl tatǝm kang a nyiyo. Jʊ a ta a Urushalima a yɔ nǝn a Ilirikuni, n dɨɨ kiyotǝm fulon kɛl lǝmɨ Kiristii a daatɨn gɔ gǝm gwam.

Roma 15:28

Na kwama mǝ dɨ maajɨ nɨɨ, mǝ nǝ ji tɨkalɨ nɨ kwamɨgǝnɨ, mǝ tɨ tɨ n yal jen a gola yɔm mɨ a tǝm Asbaniya.

Roma 16:26

Jǝ yʊtǝm nɨ ja sʊwa Bʌtʌbɔ gwamɨ. Kwaama nɨ mɨ dɨtǝm woi, a nǝ nǝbkuwotǝmkǝgagɔ diil gɔ ja mʊla a dul fulon kɛl lǝmɨ nɨ, sǝ yooligɔ gwam a jǝla a bwangtǝn Kwaama sǝ ja nǝ bɨlǝngkɛl.

2 Korinti 10:14

Nǝn yab bɔ daa nɨ Kwaama a mwatɨ nǝmɨ, maamɔ jǝ́ na bɔ a daa nǝn woi. Nǝnǝn nǝn yɔ a daagɔ jen woi nǝn fulon kɛl lǝmɨ Kiristii nǝn tɨkǝgaɨ.

2 Korinti 6:1

Kanga nɨ nǝn maa maajɨ lɛ nǝbɔ Kwaamaɨ, nǝn kela jen nɛ ka jǝ́ yo lɛ lǝma Kwaamaɨ nǝn kwan.

Afisa 3:2

Mɨ nyǝmatǝm wo jǝ́ nyʊwa fulon kɛlɔ a dǝg ɨ mǝ yǝlam nǝ maajɨ fulon kɛl lǝma nɨ Kwaama a nɨ ɨ a kɛl dul jeni.

Afisa 4:21

Bɨlǝngǝn, jǝ́ nyʊwa fulon kɛl nɨ a dul Kiristi Yesui, jǝ́ mɛla kɛl bɨlǝngkɛlɔ a dul gǝn.

Afisa 4:23

Bɛ Yʊwagɔ a fʌto gola bʊʊlalɨ jenɔ.

Afisa 5:9

Jʊ a bwɨɨ nyalǝmɔ nǝn gɔ gǝ bʌ jʊ nɨ lɛ gwam na a nyanɨ, jǝbɔ jʊ nɨ dǝngdǝngɨ, jǝbɔ jʊ nɨ bɨlǝngkɛlɨ.

Filibii 1:11

Jǝ́ yii tag nǝn maajɨ dǝngdǝng wʊnɨ jǝ́ nya lɛ a gola Yesu Kiristii. Wʊnɨ nǝn gɔ bɛ lɛ nǝn dʊʊlǝn Kwaamaɨ jǝbɔ bǝlátǝm gǝnɨ.

Filibii 4:17

Mǝ sʊwa bɔ mǝʊ mǝ saa lǝma a daa jen woi. Mɨ nyɔ. Mǝ swɨ lɛ jǝ́ nya jʊ nɨ sʊ jem bwili lɛ a nǝtǝmɔ jǝ́ maa lɛɨ.

Kolosii 1:10

Nǝn kela Kwaama lɛ nyɔ sǝ jǝ́ yɨ yɨm nɨ a daa tʌgo a bwangtǝm Tɛlalɔɨ. Jǝ́ fulo gǝm nǝl lɛ a golantɨnɔ gǝm gwam. Jǝ́ maa maajɨ nyan nɛ nǝn dʌmʌn. Jǝ́ sʊ lɛ nǝn nyǝmtǝm Kwaamaɨ.

Kolosii 1:23

Yǝlam yǝlam nyɔ na jǝ́ ja kǝga a nǝtǝm bɨlǝngkɛl jenɔ gǝmɨ, na jǝ́ tɨ nǝn kwaan a bɨlǝngkɛl nɨ gǝmɨ, na jǝ́ kʌlʌm bɔ a yatǝm nǝl jenɔ a fulon kɛl lǝmɨ nɨ jǝ́ nyʊwaɨ. Fulon kɛl lǝmɨ nɨ ja kiyo nǝbɔ gǝm gwam a yooli nɨɨ, wʊnɨ mǝ Bulus, mǝ yǝlam nǝ maajɨ gǝnɨ.

1 Tasalonikaɨ 1:5

Jʊ a bwɨ nǝn nyǝm nyɨɨ, fulon kɛl lǝmɨ nǝnɔ n ke bɔ kɛl kwaagɔ a bɛ jemi, a bɛ nǝn kwaan fɔlɔn jǝbɔ Yʊwa Kwaamaɨ, jǝbɔ jǝlatǝm nɨ mɨsɔ dɨ lɛ woi. Jǝ́ nyǝm yɨm nɨ nǝn yɨ a kʊm jeni, n kɛl dul jen, sǝ a tɨka jen.

1 Tasalonikaɨ 2:13

Nǝn buu Kwaama gǝm kang lɛ kwangkwang jʊ a bwɨɨ, nǝn kwama jǝ́ yem kɛl Kwaamaɨ, wʊnɨ jǝ́ nyʊwa a daa nǝn woi, jǝ́ yo bɔ na kɛl nǝfilii, jǝ́ yo gǝn kanga a namɨ. Kɛl Kwaamaɨ n bɨlǝngǝn, wʊnɨ maa maajɨ lɛ a mʊgɔ nǝl jen jǝ́ nǝb nǝtǝm bɨlǝngkɛlɨ.

2 Tasalonikaɨ 2:13

Jǝ́ kɛtǝlam mɨɨ, nǝbɔ Tɛlalɔ swɨ lɛɨ, a yǝlam nyɔ nǝn buu Kwaama gǝm kang a dul jen, jʊ a bwɨɨ Kwaama a jǝgam jen nǝn tɨkǝga sǝ jǝ́ nya bʊʊtǝm a gola butitǝm Yʊwa Kwaamaɨ, a gola nǝtǝm bɨlǝngkɛl bɨlǝngǝn.

1 Bitrus 5:12

N mʊla jem nǝn kʌb nyɔ nǝn tɨkalɨ Silaɨ, wʊnɨ a kuwotǝm mǝndɨ a la nyɔ jǝ jo gǝn nɛ gɔ kɛ nʊ nɨ a ta swatǝm yaa gǝnɨ. Mǝ mʊla sǝ n sʊ jem kwaan, sǝ n sʊwa jen a talɨ kanga jʊ nɨ mǝ mʊla a lǝma Kwaamaɨ n bɨlǝngǝn. A dul kɛl nɨɨ, bɛ jǝ́ tɨ nǝn kwaan a lǝma Kwaamaɨ.