Ibranii 9:27 - Dadiya NT

²⁷ Ja ya nǝfili gǝm bwaagɔ naa win swar. A gulɔ gǝmɨ n borang.

Ibranii 9:27 ပူးပေါင်းရင်းမြစ်များ

Luka 20:32

A gulɔ gǝm, nǝngɔ nɔɔlɨ nɨ a bʊlaɨ.

Maajɨ Bɛtɔ Twamagɨɨ 17:31

A ya kum nɨ ba gǝ maam yooligɔ gǝm borang bɨlǝngkɛl lɛɨ, a daagɔ nʊ nɨ ga jǝgǝmɨ. Kwaama a nʊng nǝbɔ gwam jʊ nɨ a daagɔ nʊ nɨ a gung a bwaaɨ.”

Roma 2:5

N wɔ bǝngɨ lɔl mʊnɔ jǝbɔ nǝl mʊnɔ nɨ a jǝla bɔ fɛkalɨɨ, mʊ sʊ dul mʊnɔ gǝm nabwɨl Kwaamaɨ lɛ nǝn kɔkɔ nɨ ja nʊng gɔ borang Kwaamaɨ nɨ n dǝngdǝngɨ.

Roma 5:12

Kanga bwɨlangkɛlɔ a dɔ yooligɔ a gola nǝl wini, bwɨlangkɛl nɨ nǝn gɔ a bɛ nǝn bwaaɨ, n jʊ a bwɨ bwaagɔ a yǝlam kʊla nǝbɨɨ gwamɨ, jʊ a bwɨɨ pʌd bǝ maa bwɨlangkɛl.

1 Korinti 4:5

A dul kɛl nɨɨ, ka jǝ́ biyo lɛ kaa borang kwama gǝnɔ a lǝga bɔ a la. Ka jǝ́ biyo lɛ borang sǝla Tɛlalɔ a bɛ, nʊ nɨ wʊ kanjǝl nɨ lɛ ja yʊ yʊɨ a mʊgɔ duddugi, sǝ a nʊng jʊ nǝlɔ swɨ lɛɨ. Nǝn kwama gɨɨ, Kwaama maa maa bǝlátǝm jinɔ gwam dǝngdǝng.

2 Korinti 5:10

Gwam bǝnɔ bǝ tɨ tɨ a kǝga Kiristii sǝ a maa bǝm borang, sǝ bǝ nya ywatǝm maajɨgɔ bǝ maaɨ, nǝn kwama bǝn a mʊgɔ bʊtɔ nɨɨ, kɛna na a nyaɨ, kɛna ke bɔ a nyaɨ.

2 Timoti 4:1

N mʊrka ń jǝbɔ Kwaama, jǝbɔ Kiristi Yesu nʊ nɨ maa borang lɛ a dul nǝb nɨ nǝn kʊlɨɨ jǝbɔ nǝbɔ a bʊla bʊlaɨ. N mʊrka ń jǝbɔ yǝlatǝm gǝnɔ jǝbɔ fɔlɔn gǝnɔ.

Ibranii 10:27

N gʌleng jǝ yaltǝm kuli a borang nɨ bɛ lɛɨ, jǝbɔ kǝla nɨ a shilo shiloi, wʊnɨ twɨ nǝb kiim Kwaamaɨ lɛɨ.

Ibranii 6:2

jǝbɔ mɛlalɨ a dul yʊtǝm mwɛ sagsag, jǝbɔ yatǝm kang bwili, jǝbɔ guntǝm a bwaa, jǝbɔ borang dɨltǝm yooligɔ.

1 Yohana 4:17

N gola nɨ swɨkanɔ a yii dǝngdǝng a kʊm bǝnɨ, sǝ kage bǝ nyʊwa taal nǝn di kɔkɔ borangɔ, jʊ a bwɨɨ kanga yɨm gǝnɔ, bǝn tǝbǝn bǝ na nyɔ a yooli nɨ.

Yahuza 1:15

sǝ a biyo borang a dul nǝbɨɨ gwam. Mwɛ mwɛ nǝb nɨ mɨ bwangtǝn Kwaama lɛɨ a dul bwɨlang kanjǝlɔ ja maaɨ. Mwɛ mwɛ nǝb nɨ mɨ bwangtǝn Kwaama lɛɨ a dul bwɨlang katɨ nɨ ja sʊwa a dul gǝnɨ.”

Dʊgam Nyangnyang 20:11

Nǝngɔ mǝ kuwo kaa gʌleng kotere fɔlɔn fulo jǝbɔ nʊ nɨ yǝm a dul gǝnɨ. Nǝngɔ tǝmɔ jǝbɔ dʌbʌlɔ ja mwalam a kǝga gǝnɨ, mɨ ji nǝn daa wo.