Ibranii 8:8 - Dadiya NT

⁸ Kwaama a kuwo bwɨlangkɛl jinɔ a sʊwa ji gɔ, “Kwamagɔ bɛ lɛ wo, a sʊwatǝm Tɛlalɔɨ, mǝ fɛka fɛka swatǝm yaa fɨgɔ jǝbɔ nǝbɔ Israilaɨ, jǝbɔ nǝbɔ Yahudaɨ.

Ibranii 8:8 ပူးပေါင်းရင်းမြစ်များ

Matta 26:28

Wʊnɨ n tʊʊm swatǝm yaa mǝndɨ, wʊnɨ ja tǝla nǝbɔ gǝm lɛ a lada a kɛl kǝlǝmtǝm bwɨlangkɛl jini.

Markus 14:24

Nǝngɔ a sʊwa ji gɔ, “Wʊnɨ nǝn gɔ tʊʊm swatǝm yaa mǝndɨ, wʊnɨ mǝ tǝla lɛ a kɛl dul nǝbɨɨ a ladaɨ.

Luka 17:22

Nǝngɔ a sʊwa bɛtɔ mɛlalɨ gǝnɨ gɔ, “Kɔkɔgɔ bɛ lɛ wo wʊnɨ jǝ́ swɨ lɛ jǝ́ kuwo Bʊla Nǝlɨ maa fɔlɔn nɛɨ, mɨsɔ jǝ́ kuwo lɛ.

Luka 22:20

A gul jatǝm jǝjalǝnɔ gǝm, nǝngɔ a do kʌshigɔ a sʊwa gɔ, “N swatǝm yaa tʊʊm mǝndɨ wʊnɨ ja tǝla a kɛl dul jeni.

Luka 5:38

Bʊgɛ fɨgɔ jǝ tal a sʊwa fɨ!

1 Korinti 11:25

A gul jǝjalǝnɔ gǝmɨ, nǝngɔ a do kʌshigɔ a sʊwa gɔ, “Kʌshi nɨ n swatǝm yaa fɨ, a wʊnɨ ja swa nǝn tʊʊm mɨɨ. Kwama nɨ gwam jǝ́ nɔɔm lɛ a kʌshi nɨɨ, bɛ jǝ́ nɔɔ sǝ jǝ́ bʊʊla nǝn mǝ.”

2 Korinti 3:6

Nǝn gɔ a nǝ nǝn kwaan nǝn yǝlam nǝb maajɨ swatǝm yaa fɨgɨɨ, wʊnɨ a bɛ a daagɔ Yʊwa Kwaamaɨ woi, ke bɔ a mʊlalɨ diil. Jʊ a bwɨɨ mʊlalɨ diilɔ gǝ bɛ nǝn jʌtǝm. Yʊwagɔ gǝ bɛ nǝn kʊlɨ.

Ibranii 12:24

Jǝ́ la daagɔ Yesu woi, nʊ nɨ a tɨbǝl swatǝm yaa fɨɨ. Jǝ́ la daa tǝlatǝm tʊʊm nɨ sʊwa kɛl bʊmǝn nɛɨ, wʊnɨ a laa tʊʊm Habilaɨ.

Ibranii 7:22

N gola wɛɛlɨ nɨ Yesu a do tuulo swatǝm yaa nyan nɨ a tɨbǝl bǝn jǝbɔ Kwaamaɨ.

Ibranii 8:13

Nǝn kwama a sʊwa kɛl a dul swatǝm yaa fɨɨ, a nʊng na tɨkǝgagɔ a yǝlam a galɨ dangǝn, jʊ nɨ gʌlo lɛɨ, sʊ gʌlonɔ lɛ. Ya la dɨltǝm lɛ dangǝn.

Ibranii 8:6

Bɨlǝngǝnɔ n wɔ, Yesu a nya maajɨ nǝkǝla nɨ a laa a nǝbkǝlamɨɨ, kanga swatǝm yaa nɨ a yǝlam a tɨbǝl bǝnɨ a laa a galɨgɨɨ, wʊnɨ ja yo gǝn a dul swatǝm yaatɨn nɨ a laa a galɨgɨɨ.

Ibranii 9:15

Kiristi a bʊla sǝ a jǝg ji a bwɨlangkɛl nɨ ja maa a swatǝm yaa tɨkǝgagɔ gǝmɨ. A dul bwaa gǝnɔ gǝm, nǝn gɔ a tɨbǝl swatǝm yaa fɨgɔ gǝmɨ, sǝ nǝb nɨ ja jo jii, ja yo kʊla nɨ mɨ dɨltǝm woi, wʊnɨ ja swam jim yaaɨ.