Ibranii 8:6 - Dadiya NT

⁶ Bɨlǝngǝnɔ n wɔ, Yesu a nya maajɨ nǝkǝla nɨ a laa a nǝbkǝlamɨɨ, kanga swatǝm yaa nɨ a yǝlam a tɨbǝl bǝnɨ a laa a galɨgɨɨ, wʊnɨ ja yo gǝn a dul swatǝm yaatɨn nɨ a laa a galɨgɨɨ.

Ibranii 8:6 ပူးပေါင်းရင်းမြစ်များ

Luka 22:20

A gul jatǝm jǝjalǝnɔ gǝm, nǝngɔ a do kʌshigɔ a sʊwa gɔ, “N swatǝm yaa tʊʊm mǝndɨ wʊnɨ ja tǝla a kɛl dul jeni.

Roma 9:4

Jǝ nǝbɔ Israilaɨ, n nǝbɔ Kwaama a dǝg ji ja yǝlam bɛtɔ lɔ gɨɨ, a nʊng ji dʊʊlǝn gǝnɨ, a maa jim swatǝm yaa gǝnɨ, a nǝ ji diil gǝnɨ, a nʊng ji gola bǝlátǝm gǝnɨ, a maa jim tangǝn swatǝm yaatɨnɔ, pʌd na a ji.

Afisa 2:12

Bɛ jǝ́ bʊʊla galɨgǝn jǝ́ nyǝm bɔ Kiristi. Jǝ́ Bʌtʌb a daagɔ nǝbɔ Israilaɨ. Jǝ́ faabǝm a swatǝm yaa nɨ Kwaama a maa jimi. Jǝ́ yǝm a yooli nɨ mɨ jen nǝn yatǝm nǝl. Mɨ jen nǝn Kwaama.

1 Timoti 2:5

Kwaama win, nʊ a tɨbǝl bǝn jǝbɔ Kwaamaɨ win. Nǝfili nɨ nǝn Kiristi Yesu,

Titus 1:2

N gola nɨ jǝ́ ya nǝl lɛ a kʊlɨ nɨ mɨ dɨtǝm woi, wʊnɨ Kwaama a maa swatǝm yaa galɨgǝnɨ, gǝ nɨ mɨ gabakɛl wo a daa gǝ woi.

Ibranii 12:24

Jǝ́ la daagɔ Yesu woi, nʊ nɨ a tɨbǝl swatǝm yaa fɨɨ. Jǝ́ la daa tǝlatǝm tʊʊm nɨ sʊwa kɛl bʊmǝn nɛɨ, wʊnɨ a laa tʊʊm Habilaɨ.

Ibranii 7:22

N gola wɛɛlɨ nɨ Yesu a do tuulo swatǝm yaa nyan nɨ a tɨbǝl bǝn jǝbɔ Kwaamaɨ.

2 Bitrus 1:4

N gola jʊtǝb nɨ a nǝ bǝn daltɔ swatǝm yaatɨn bʊmɨ gǝnɨ. N daa ji woi jǝ́ yǝlam nǝb nɨ a jelka Kwaamaɨ, jǝ́ bʊʊ a bwɨlan nɨ yooli nɨ gǝmɨ, wʊnɨ wɛl bwɨlantɨn nɨ bɛ lɛ nǝnɨ.