Ibranii 8:10 - Dadiya NT

¹⁰ Mǝ Tɛlalɔ, n sʊwa mǝʊ, wʊnɨ nǝn gɔ swatǝm yaagɔ mǝ maa lɛ jǝbɔ nǝbɔ Israilaɨ a gul kumtɨn nɨɨ. Mǝ dǝg dǝg diil mǝndɨ a mʊgɔ nǝl jinɔ gǝm, sǝ n mʊla jim a nǝl jinɔ gǝm. Mǝ yǝlam yǝlam Kwaama jin. Ji tʌji jǝ yǝlam yǝlam nǝbam mɨ.

Ibranii 8:10 ပူးပေါင်းရင်းမြစ်များ

Matta 22:32

‘Nǝmǝ mǝ Kwaama Ibrahimi, Kwaama Ishakui, jǝbɔ Kwaama Yakubui.’ Nǝn gɔ Kwaama nǝb nɨ nǝn kʊlɨɨ, n ke bɔ a nǝb nɨ mɨ nǝn kʊlɨɨ.”

Roma 11:27

Wʊnɨ nǝn gɔ n yiitǝm swatǝm yaa mǝndɨ a daa ji woi, na n dem bwɨlangkɛltɨn jini.”

1 Korinti 6:16

Jǝ́ nyǝm bɔ nʊ nɨ pʌd a mʊrka bʊtɔ jǝbɔ nɔɔlɨ kalalɨɨ, ja yǝlam bʊtɔgɔ wini ka? A mʊla mʊlaɨ sʊwa lɛ gɔ, “Jǝ yo nɨ ja yǝlam bʊtɔgɔ win.”

2 Korinti 3:3

Jen, jǝ́ nʊng jǝ́ langǝn bwangǝnɔ a jel a daa Kiristi woi a gola maajɨ nǝn. Langǝn bwangǝn nɨ ke bɔ mʊlatǝm mwɛ. Ja mʊla nǝn Yʊwa Kwaama kʊlɨɨ. Ja mʊla bɔ a jǝ mʊlalɨ tɛl. Ja mʊla a mʊgɔ nǝl nǝbɨɨ.

Titus 2:14

Wʊnɨ a nǝ dul gǝnɔ a kɛl dul bǝnɨ, sǝ a jǝg bǝn a mʊgɔ bwɨlang maajɨ gwamɨ, sǝ a saalǝm ji ja yǝlam nǝb gǝnɔ nɨ nǝn nǝl maatǝm maajɨ nyaɨ.

Ibranii 11:16

Jǝ ya nǝl lɛ a kaa tǝm nɨ a laa bʊmǝnɨ. Nǝn gɔ nʊ nɨ a dʌbʌl kwamaɨ. A dul kɛl nɨ, Kwaama mɨ nyʊwa gunidul lɛ ja jo gǝn gɔ Kwaama jin, jʊ a bwɨɨ, a fɛka jim tuulɔ.

Yakubu 1:18

Kwaama a do a mʊgɔ nǝl gǝn gɔ gǝ dǝg bǝn bǝ yǝlam bɛtɔ lɔ gɨɨ a gola nǝtǝm bǝn kɛl bɨlǝngkɛl gǝnɔ, sǝ a dǝg bǝn bǝ yǝlam nǝb dʊʊm a kanjǝl nɨ ga fwalɨ.

Yakubu 1:21

Bɛ jǝ́ tǝlam bʊʊlalɨ bwɨla nɨ n bwɨlangkɛl jǝbɔ kanjǝl shili. Jǝ́ yo kɛl nɨ ja kwal a nǝl jeni a mʊgɔ shigtǝm dul, wʊnɨ yɔ lɛ nǝn jen a nyatǝm bʊʊtǝmɨ.

1 Bitrus 1:23

Ja yǝla ja bʌ jen tag nǝn bʌtʌm fɨ. Kʊlɨ fɨ nɨ na a jeni, a jel bɔ a daa nɨ kala lɛɨ, a jel a daa nɨ mɨ kalatǝm woi, n kɛl Kwaamaɨ wʊnɨ nǝn kʊlɨ nɨ mɨsɔ dɨ lɛ woi.

1 Bitrus 2:9

A jenɔ jǝ́ dʊʊm jǝgamtǝm, jǝbɔ nya nǝbkǝlam fɔlɔgɨɨ, jǝbɔ nǝbɔ sagsagɨɨ, jǝbɔ nǝbam Kwaamaɨ, sǝ jǝ́ kiyo maajɨ nya a nʊ nɨ a jo jeni nǝn kwama jen a kumtojilii, jǝ́ dɔ bǝlátǝm nyalǝm nyan gǝnɨ.