Nǝjen jǝ́ bɛtɔ lɔ nǝbkuwotǝmkǝga nɨɨ. Nǝjen tag jǝ́ yo swatǝm yaa nɨ lɛ Kwaama a maa tʊgalam jenɔ gǝmɨ. Nǝngɔ a sʊwa Ibrahim gɔ, ‘A mʊgɔ dʊʊm mʊn jǝ maa nyiyotɨn tǝm nɨ gǝm gwam bwili lɛɨ.’
Swatǝm yaa nɨ ja maa Ibrahim gǝm jǝbɔ dʊʊm gǝnɨ, sʊwa lɛ gɔ ja ja kʊla yooligɨɨ, a bɛ bɔ a gola diil. N gola dǝngdǝng nɨ jǝ nya lɛ a gola nǝtǝm bɨlǝngkɛlɨ.
Jǝ nǝbɔ Israilaɨ, n nǝbɔ Kwaama a dǝg ji ja yǝlam bɛtɔ lɔ gɨɨ, a nʊng ji dʊʊlǝn gǝnɨ, a maa jim swatǝm yaa gǝnɨ, a nǝ ji diil gǝnɨ, a nʊng ji gola bǝlátǝm gǝnɨ, a maa jim tangǝn swatǝm yaatɨnɔ, pʌd na a ji.
Nǝb nɨ gwam a bʊla a mʊgɔ nǝtǝm bɨlǝngkɛl jin. Ja nya bɔ kanjǝl nɨ ja maa jim swatǝm yaaɨ. Ja kuwo a daa kʊtangɨ, nǝngɔ ja maa fulotǝm nǝl nǝn kuwotǝm jini. Ja jǝla gɔ jǝ faabǝm, jǝ Bʌtʌb a yooli.
N gola nǝtǝm bɨlǝngkɛl Ibrahimi, nǝn kwama Kwaama a tɛl gǝn gɔ a twɨ yulʌn nǝn bʊla gɔ Ishakui, Ibrahim n nʊ nɨ a ta swatǝm yaa nɨɨ. A maa fɛkalɨ twɨtǝm bʊla gɨɨ nɨ win swarɨ.