Ibranii 7:19 - Dadiya NT

¹⁹ Diilɔ a yii bɔ kaa jǝl. A kaa gola ja dɔ nǝn yatǝm nǝl nɨ a laa jǝlɨ, n gola daa gǝ woi a gʊ bǝn nǝn dɔɔm a daagɔ Kwaama woi.

Ibranii 7:19 ပူးပေါင်းရင်းမြစ်များ

Yohana 1:17

Kwaama a nǝ bǝn diilɔ a kang Musaɨ, a nǝ bǝn lǝmagɔ jǝbɔ bɨlǝngkɛlɔ a kang Yesu Kiristii.

Yohana 14:6

Yesu a jǝla gǝn gɔ, “Nǝmǝ mǝ golaɨ, nǝmǝ mǝ bɨlǝngkɛlɨ, nǝmǝ mǝ kʊlɨ tagɨ. Mɨ nʊ nɨ wo yɔ lɛ a daagɔ Tɛtɛ woi, na ke bɔ a gola mɨɨ.

Maajɨ Bɛtɔ Twamagɨɨ 13:39

N daa gǝ woi, nǝb nɨ a nǝ bɨlǝngkɛlɨ ja nya jǝgtǝmɨ, wʊnɨ diil Musaɨ a dwal bɔ a jǝg jii.

Roma 5:2

N daa gǝ woi bǝ nya lǝma nɨ bǝ yǝm woi, a gola nǝtǝm bɨlǝngkɛl. Bǝ maa lɨyal lɛ jǝbɔ yatǝm nǝl a dʊʊlǝn Kwaamaɨ.

Roma 7:7

N wɛ tag bǝ sʊwa lɛɨ? Diilɔ n bwɨlangkɛl ka? Ɔ ɔ, mɨ nyɔ! Na ke bɔ diili, mɨsɔ mǝ nyǝm bwɨlangkɛl lɛ. Na ke bɔ diil a sʊwa gɔ “Bɛ ka ń kona lɛ nu a jǝ nǝlɨ,” na mɨsɔ mǝ nyǝm jʊ nɨ lɛ jǝ jo lɛ gɔ konatǝm nui.

Roma 8:3

Jʊ nɨ mɨsɔ diilɔ dwal lɛ a maaɨ, jʊ a bwɨɨ n yɨm bwangtǝm bʊtɔ a dǝg diilɔ a gɨyaɨ, Kwaama a maa. A twam bʊla gɔ nǝn kang gǝn a jelkalǝng bʊtɔ bǝnɔ nɨ n bʊtɔ bwɨlangkɛlɨ, sǝ a yǝlam tǝlatǝm twama a dul bwɨlangkɛl, sǝ a kalǝm bwɨlangkɛlɔ a bʊtɔ bǝn.

Galatiya 2:16

Bǝ nyǝm tag mɨsɔ nǝfili yǝlam nǝ dǝngdǝng lɛ a kǝga Kwaamaɨ a gola bwangtǝm diil, gǝ yǝlam yǝlam nǝ dǝngdǝng a gola nǝtǝm bɨlǝngkɛl a gola Yesu Kiristii. Nǝn tǝnǝn nǝn ya nǝtǝm bɨlǝngkɛl nǝnɔ a daa Kiristi Yesu woi, sǝ nǝn nya dǝngdǝng Kwaamaɨ a gola nǝtǝm bɨlǝngkɛl a daa Kiristi woi, ke bɔ a gola bwangtǝm diil. Jʊ a bwɨɨ mɨ kaa nʊ nɨ wo yǝlam nǝ dǝngdǝng lɛ a gola bwangtǝm diili.

Galatiya 3:21

Diilɔ maa kii lɛ jǝbɔ swatǝm yaa Kwaamaɨ ka? Ɔ ɔ, mɨ nyɔ. Na na ja bɛ nǝn kaa diil wʊnɨ dǝg lɛ bǝ bʊʊɨ, na bǝ nya nya dǝngdǝng Kwaamaɨ, na bǝ bwangtǝn diili.

Galatiya 3:24

Diil nɨ a yǝlam bwaɨ bǝn, wʊnɨ a yɔ nǝn bǝn a kwama Kiristi a bɛmɨ, sǝ bǝ yǝlam nǝb dǝngdǝng a kǝga Kwaamaɨ a gola nǝtǝm bɨlǝngkɛl.

Afisa 3:12

N kɛl dul Kiristii jǝbɔ nǝtǝm bɨlǝngkɛl a daa gǝ woi, bǝ mwɨ bǝ bɛ lɛ a daa Kwaama woi, mɨ taal woi.

Kolosii 1:27

Kwaama a kuwo a bʊm gǝ sʊwa nǝbam gǝnɔ gɔ shilogɔ jǝbɔ dʊʊlǝn Kiristi Yesui na a jen jǝ́ Bʌtʌbɔ. Jǝ yʊtǝm nɨ nǝn Kiristi. Gǝ na a kʊm jen, wʊnɨ nǝn gɔ n yatǝm nǝl jeni gɔ jǝ́ nya nya dʊʊlǝn gǝnɨ.

1 Timoti 1:1

Nǝmǝ mǝ Bulus bwɛ twama Kiristi Yesui a diil Kwaama Nǝbʊʊlɨ bǝnɨ jǝbɔ a Kiristi Yesui, nʊ bǝ ya nǝl a daa gǝ woi.

Ibranii 10:1

Diil Musaɨ n duuli a dul kanjǝl bʊmɨ nɨ bɛ lɛ a kǝgaɨ. Duuli nɨ n ke bɔ kanjǝl bʊmɨ dul jin, jʊ a bwɨɨ mɨsɔ jǝg nǝbɔ lɛ a mʊgɔ bwɨlangkɛl a dul twamagɔ jǝ tǝla lɛ jol jǝbɔ joli.

Ibranii 11:40

Jʊ a bwɨɨ Kwaama a fɛka bǝm kaa jʊ nɨ a bʊm bʊmɨ. Jǝ yii yii nyɔ na bǝ dakini bǝnɔ jii.

Ibranii 11:6

Na ke bɔ gola nǝtǝm bɨlǝngkɛlɨ, mɨsɔ nǝfili fulo Kwaama gǝm nǝl lɛ. Jʊ a bwɨɨ nʊ nɨ swɨ lɛ a bɛ nǝn dɔɔm a daagɔ Kwaama woi, bɛ ga nǝ bɨlǝngkɛl gɔ Kwaama wo, bɛ ga nǝ bɨlǝngkɛl gɔ Kwaama tal tal bwili a nǝb nɨ saa gǝn nɛɨ.

Ibranii 3:6

A Kiristii n nǝ yiitǝm swatǝm yaa, n bwɛ fɔlɔn a mʊgɔ lɔ Kwaamaɨ. Bǝn bǝ lɔ gɔ, na bǝ tɨɨ nǝn kwaan, bǝ dem bɔ yatǝm nǝlɨ.

Ibranii 4:16

A dul kɛl nɨɨ, bɛ bǝ bɛ nǝn dɔɔm a kotere fɔlɔn lǝma Kwaamaɨ, nǝn kwaan bʊtɔ, sǝ a ji bʊnǝn bǝnɔ, sǝ a maa bǝm lǝma nɨ tɨka bǝn nɛɨ a kwama nɨ bǝ saa tɨkalɨ lɛɨ.

Ibranii 6:18

Kanjǝl nɨ yoi mɨsɔ fʌto lɛ wo, swatǝm yaa jǝbɔ wɛɛlɨ nɨ Kwaama a maaɨ. Mɨsɔ bwɨ lɛ Kwaama a maa gabakɛl. A dul kɛl nɨ, bǝn nɨ bǝ mwala bǝ nya daa wuutǝmɨ bǝ nya kwaan dangǝn, bǝ ta jʊ nɨ bǝ ya nǝl wo a dul gǝn dangǝnɨ.

Ibranii 7:11

Na na maajɨ nǝbkǝlamɔ a dʊʊm Lawii gǝ dǝg dǝg nǝbɔ a yii dǝngdǝngɨ, (ji nɨ ja yo diilɔ a kang jini), na la n wɛ bǝ saa lɛ tagɨ, kaa nǝkǝla jelkalǝng Malkisadiki, wʊnɨ jǝ nʊng lɛ a yɔ bɔ dǝngdǝng jǝbɔ dʊʊm Harunaɨ?

Ibranii 7:20

Kwaama a maa gǝn a gola wɛɛlɨ! Kaamɨ a yǝlam nǝbkǝlam ke bɔ a gola wɛɛlɨ.

Ibranii 7:25

Gǝ na nyɔ nǝn kwaan bʊʊtǝm nǝn nǝb nɨ bɛ lɛ nǝn dɔɔm a daagɔ Kwaama woi a gola gǝn, bʊʊtǝm nɨ mɨ dɨtǝm woi, kanga nɨ kwangkwang nǝn kʊlɨɨ, kela Kwaama lɛ a kɛl dul jin.

Ibranii 8:6

Bɨlǝngǝnɔ n wɔ, Yesu a nya maajɨ nǝkǝla nɨ a laa a nǝbkǝlamɨɨ, kanga swatǝm yaa nɨ a yǝlam a tɨbǝl bǝnɨ a laa a galɨgɨɨ, wʊnɨ ja yo gǝn a dul swatǝm yaatɨn nɨ a laa a galɨgɨɨ.

Ibranii 9:9

Wʊnɨ nǝn gɔ jʊ nʊng lɛ a kwama nɨ kǝngkɨɨ. Nǝtǝm kanjǝlɔ jǝbɔ tǝlatǝm twamagɔ mɨsɔ saal nǝl nǝb bwangtǝmɨ lɛ sagsag.

Yakubu 4:8

Jǝ́ bɨtǝn a daagɔ Kwaama woi. Gǝ tǝgǝn bɨtǝn bɨ tʌgo a jen gǝm. Jǝ́ nǝb bwɨlangkɛlɔ, jǝ́ saalǝm kang jenɔ. Jǝ́ nǝb fentogɔ, jǝ́ saalǝm nǝl jenɔ.