Ibranii 7:18 - Dadiya NT

¹⁸ N gola nɨ ja fʌtom diil galɨgɨɨ, wʊnɨ a kwam bɨɨ, mɨ nǝn kaa tɨkalɨ.

Ibranii 7:18 ပူးပေါင်းရင်းမြစ်များ

Maajɨ Bɛtɔ Twamagɨɨ 13:39

N daa gǝ woi, nǝb nɨ a nǝ bɨlǝngkɛlɨ ja nya jǝgtǝmɨ, wʊnɨ diil Musaɨ a dwal bɔ a jǝg jii.

Roma 3:31

Bǝ kalǝm diilɔ a gola nǝtǝm bɨlǝngkɛl nɨ ka? Ɔ ɔ, mɨ nyɔ! N jǝlatǝm nǝn bǝ maaɨ.

Roma 8:3

Jʊ nɨ mɨsɔ diilɔ dwal lɛ a maaɨ, jʊ a bwɨɨ n yɨm bwangtǝm bʊtɔ a dǝg diilɔ a gɨyaɨ, Kwaama a maa. A twam bʊla gɔ nǝn kang gǝn a jelkalǝng bʊtɔ bǝnɔ nɨ n bʊtɔ bwɨlangkɛlɨ, sǝ a yǝlam tǝlatǝm twama a dul bwɨlangkɛl, sǝ a kalǝm bwɨlangkɛlɔ a bʊtɔ bǝn.

Galatiya 3:15

Kambɔ, mǝ yǝla mǝ nʊng jen kaa gola. Na nǝbɔ yo a swa yaaɨ, nǝngɔ ja dǝg kangɨ, mɨ nǝn nʊ nɨ buul lɛɨ, mɨ nǝn nʊ nɨ sʊ jǝl lɛ wo a mʊgɔ gǝn tagɨ.

Galatiya 3:17

Jʊ mǝ swɨ lɛ n sʊwaɨ, nǝn gɔ diil nɨ ja bɛ nǝn a gul jolɔ fʊlkʊb naal jǝbɔ fʊtǝtaalɨ, mɨsɔ fʌto swatǝm yaa nɨ lɛ Kwaama a maaɨ a kala nǝn kwan.

Galatiya 3:21

Diilɔ maa kii lɛ jǝbɔ swatǝm yaa Kwaamaɨ ka? Ɔ ɔ, mɨ nyɔ. Na na ja bɛ nǝn kaa diil wʊnɨ dǝg lɛ bǝ bʊʊɨ, na bǝ nya nya dǝngdǝng Kwaamaɨ, na bǝ bwangtǝn diili.

Galatiya 4:21

Bɛ jǝ́ sʊwa ɨ, jen nɨ jǝ́ swɨ lɛ jǝ́ bwangtǝn diil Musaɨ, jǝ́ nyʊwa bɔ jʊ diil Musaɨ a sʊwaɨ ka?

Galatiya 4:9

Kǝngkɔ jǝ́ nyǝm Kwaamaɨ, mǝ sʊwa sʊwa mǝʊ Kwaama a nyǝm jen, n wɛ a bwɨ jǝ́ yǝla lɛ a jǝfʊlǝn nɨ mɨsɔ sɔl jem bʊnǝn nɛɨ, jǝ́ swɨ lɛ jǝ́ yǝlam bɛtɔ jwaalɛn jin tag ka?

1 Timoti 4:8

Mwɛl bʊtɔgɔ nǝn bʊmǝn gǝnɔ, bwangtǝm Kwaamaɨ a bʊm a shu a golantɨnɔ a gǝlala, jʊ a bwɨɨ nǝn gɔ bɛ lɛ nǝn bwili kʊlɨ a golantɨnɔ gǝmɨ, a wʊnɨ kǝngkɨɨ, jǝbɔ nʊ nɨ bɛ lɛ a kǝgaɨ.

Ibranii 13:9

Bɛ ka kaam mɛlalɨ fɨ ya dem lɛ nǝl jenɔ. A bʊm nyɔ lǝma Kwaamaɨ nǝn gɔ yǝlam jʊ ya kʊʊ bǝm nǝl lɛɨ, ke bɔ diil a kɛl jǝjalǝn, wʊnɨ mɨ nǝn tɨkalɨ wo a nǝb nɨ a ya nǝl jinɔ tʌgoi.

Ibranii 7:19

Diilɔ a yii bɔ kaa jǝl. A kaa gola ja dɔ nǝn yatǝm nǝl nɨ a laa jǝlɨ, n gola daa gǝ woi a gʊ bǝn nǝn dɔɔm a daagɔ Kwaama woi.