Ibranii 6:2 - Dadiya NT

² jǝbɔ mɛlalɨ a dul yʊtǝm mwɛ sagsag, jǝbɔ yatǝm kang bwili, jǝbɔ guntǝm a bwaa, jǝbɔ borang dɨltǝm yooligɔ.

Ibranii 6:2 ပူးပေါင်းရင်းမြစ်များ

Matta 28:19

A dul kɛl nɨ ya jǝ́ sʊwa nǝbɔ tǝm yooli nɨ gwam ja yǝlam nǝb bwangtǝm mɨ, jǝ́ yʊ ji mwɛ sagsagɔ a mʊgɔ dun Tɛtɛɨ, jǝbɔ a Bwɛɨ, jǝbɔ a Yʊwa Kwaamaɨ.

Matta 3:14

Yohana swɨ lɛ a kɔ, nǝngɔ a sʊwa gɔ, “Mǝ swɨ lɛ ń yʊ ɨ mwɛ sagsag. Maa nyǝn mʊ bɛ lɛ a daa mǝ woi?”

Markus 16:16

Na nʊ nɨ a nǝ bɨlǝngkɛl ja yʊ gǝn mwɛ sagsagɨ, gǝ bʊʊ bʊʊ. Na nʊ nɨ a kɔ nǝtǝm bɨlǝngkɛlɨ, jǝ mwatɨ gǝm mwatɨ borang.

Markus 7:4

Na ja yǝla ja bɛ a gamdʌboi, mɨ jǝ ja jǝjalǝn nɛ dɨn na ja saal bɔ bʊtɔ jini. Jǝ bwangtǝn bwang kaam mɛlalɨgɔ, bǝ saaltǝm bɛl kʌshi nɔɔmwɛn, jǝbɔ kʌshifǝlatɨn, jǝbɔ gobʌl.

Markus 7:8

Jǝ́ bǝla diil Kwaamaɨ, jǝ́ bwangtǝn jǝfʊlǝn nǝbɨɨ.”

Luka 11:38

Bwɛ Farisa nɨ a kuwo Yesu a tǝl jatǝm jǝjalǝnɔ a saal bɔ kangɨ, a yǝlam gǝm jǝ tatǝm kang a nyiyo.

Luka 12:50

Mǝ nǝn mwɛ sagsag nɨ jǝ yʊ ɨ lɛɨ. Mɨ mǝ nǝn fǝbtǝm na a dɨ bɨɨ.

Luka 14:14

Na ń maa nyɨɨ, mʊ nya nya bwili, jʊ a bwɨɨ nǝb nɨ mʊ joi mɨsɔ jǝ nya gola lɛ ja ywa ń naanɔ. Nǝn Kwaama ywa ń nɛ nǝn di guntǝm nǝb dǝngdǝngɔ a bwaagɔ gǝmɨ.”

Luka 3:16

Nǝngɔ Yohana a sʊwa ji gwam gɔ, “Mǝ, mǝ yʊ jen mwɛ sagsag nǝn mwɛ. A nʊ nɨ bɛ lɛɨ, wʊnɨ a laa ɨ dʊʊnɨ, mǝ la bɔ nyɔ n kwɨ dwang twam gǝnɔ. Nʊ gɔ yʊ jen mwɛ sagsag nǝn Yʊwa Kwaamaɨ jǝbɔ kǝla.

Yohana 1:33

A kwama gɔ mǝ nyǝm bɔ mǝʊ nǝn gɔ. Kwaama nɨ a twam mɨ gɔ n yʊ nǝbɔ mwɛ sagsagɨɨ, nǝngɔ a sʊwa ɨ gɔ, ‘Nʊ nɨ mʊ kuwo Yʊwa Kwaamaɨ a gǝla a yɨ a dul gǝnɨ, nǝn gɔ yʊ nǝbɔ mwɛ lɛ nǝn Yʊwa Kwaamaɨ.’

Yohana 5:29

ja jel. Nǝb nɨ a maa jǝ nyanɨ, jǝ gun gun nǝn kʊlɨ, ja bʊʊ. Nǝb nɨ a maa jǝ bwɨlaɨ, jǝ gun sǝ ja maa jim borang.

Maajɨ Bɛtɔ Twamagɨɨ 10:47

“Kaa nǝl wo kuwo lɛ gɔ ka ja yʊ lɛ nǝb nɨ mwɛ sagsag ka? Ji tʌji ja nya Yʊwa Kwaamaɨ kanga bǝn tǝbǝn bǝ nyaɨ.”

Maajɨ Bɛtɔ Twamagɨɨ 13:3

Nǝn kwama ja do diil mwɛmɔ ja maa kelii, nǝngɔ ja ya Barnaba jǝbɔ Shawulu gǝm kang a duli, nǝngɔ ja ywa jii.

Maajɨ Bɛtɔ Twamagɨɨ 16:15

Nǝn kwama a yʊ mwɛ sagsagɔ jǝbɔ nǝbɔ lɔ gɨɨ, nǝngɔ a jo nǝn a lɔ gɨɨ. A sʊwa gɔ, “Na jǝ́ jǝla mǝ nǝ nǝtǝm bɨlǝngkɛl a daagɔ Tɛlalɔ woi, jǝ́ bɛ ba jǝ́ yɨ a lɔ mɨ.” A kela nǝn nyɔ, nǝngɔ nǝn jǝlaɨ.

Maajɨ Bɛtɔ Twamagɨɨ 16:33

Tʌgo a kang nǝn kum gɔ a wɔɔ ji ya saalǝm jim dɛɛbǝlɔ. Tʌgo a kang nǝngɔ ja yʊ gǝn mwɛ sagsagɔ jǝbɔ nǝbam gǝnɨ.

Maajɨ Bɛtɔ Twamagɨɨ 17:18

Nǝb nyǝmtǝm nɨ a bel gol lɔngɔ yoi, n nǝbɔ Abikuriyaɨ jǝbɔ nǝbɔ Sitokiyaɨ. Nǝb nyǝmtǝm nɨ a maa gʊbkatǝm jǝbɔ gɔ. Kaamɨ gɔ, “N wɛ nǝ kɛlɨ kɛlɨ nɨ sʊwa lɛɨ?” Kaamɨ gɔ, “Gǝ sʊwa kɛl a dul shomtɨn wʊnɨ ke bɔ a daa nɨɨ.” Ja sʊwa nyɔ jʊ a bwɨɨ gǝ sʊwa fulon kɛl lǝmɨ Yesui jǝbɔ guntǝm gǝnɔ a bwaaɨ.

Maajɨ Bɛtɔ Twamagɨɨ 2:38

Nǝngɔ Bitrus a sʊwa ji gɔ, “Jǝ́ yǝla jǝ́ bǝla bwɨlangkɛl jenɔ, jǝ́ nya yʊtǝm mwɛ sagsag gwam jenɔ a mʊgɔ dun Yesu Kiristii, sǝ ja kǝlǝm jem bwɨlangkɛl jenɔ. Jǝ́ nya nya lǝma Yʊwa Kwaamaɨ.

Maajɨ Bɛtɔ Twamagɨɨ 2:41

Nǝb nɨ a jǝla nǝn kɛl Bitrusi, nǝngɔ ja yʊ ji mwɛ sagsagɨɨ. A di gɔ, ja nya nǝb bwangtǝmɔ a sʊ nǝbɔ fʊlkʊblǝn taal.

Maajɨ Bɛtɔ Twamagɨɨ 23:6

Bulus a fɛ a dʌngi, kaamɨ n nǝbɔ Sadukiyaɨ, kaamɨ n nǝbɔ Farisaɨ. Nǝngɔ a gung diilɔ a jo nǝb dʊʊm koteregɨɨ a sʊwa gɔ, “Kambɔ, mǝ bwɛ Farisa, tɛtǝlam mǝndɨ nǝbɔ Farisaɨ. Jʊ a bwɨ jǝ maa mɨ borang lɛɨ, n yatǝm nǝlɔ mǝ ya a guntǝm a bwaaɨ.”

Maajɨ Bɛtɔ Twamagɨɨ 24:15

Mǝ ya nǝl lɛ a daa Kwaama woi kanga nǝb nɨ ja yam tʌji gɔ guntǝm wo a nǝb nɨ a bʊlala bʊlalaɨ, nǝb dǝngdǝngɔ jǝbɔ nǝb bwɨlamɔ.

Maajɨ Bɛtɔ Twamagɨɨ 24:21

Na jǝ tuwo i tuwo i a dul jʊ win mǝ sʊwa nǝn kwama mǝ tɨm a kǝga jini mǝ gung diilɔ mǝʊ, ‘N kɛl dul guntǝm a bwaa jǝ maa mɨ borang lɛ a kǝga jen dwiyeni.’ ”

Maajɨ Bɛtɔ Twamagɨɨ 24:25

Nǝngɔ la Bulus a tǝl sʊwa ji kɛlɔ lɛ a dul yɨm dǝngdǝngɨ, jǝbɔ tatǝm dul, jǝbɔ kumɔ borang nɨ bɛm lɛɨ. Nyʊwatǝmɔ nyɨɨ, taalɔ a ta Filikus. Nǝngɔ a sʊwa Bulus gɔ, “Yǝla kǝngkɔ. Na n nya golaɨ, mǝ jo ń jo ń.”

Maajɨ Bɛtɔ Twamagɨɨ 26:8

N wɛ a bwɨ jǝ́ jǝla bɔ n bɨlǝngkɛl Kwaama gung gung nǝbɔ a bwaaɨ?

Maajɨ Bɛtɔ Twamagɨɨ 4:2

Ja mɔ nabwɨl, jʊ a bwɨɨ, jǝ mɛla nǝbɔ gǝm lɛ gɔ nǝb nɨ a bʊlaɨ guntǝm wo nǝn kʊlɨ kanga Yesu a gunʌmi.

Maajɨ Bɛtɔ Twamagɨɨ 6:6

Nǝb nɨ n nǝbɔ ja nʊng ji a kǝga bɛtɔ twamagɨɨ. Nǝngɔ ja maa keligɨɨ, ja ya jim kang bwiligɨɨ.

Roma 2:16

Jʊ nɨ bwɨ nǝn kumɔ Kwaama maa nǝfitʌmɔ gǝm borang lɛ a gola Yesu Kiristii, a jʊ nɨ jǝ maa lɛ daddadɨ, kanga fulon kɛl lǝmɨ nɨ mǝ kiyo lɛɨ a sʊwaɨ.

1 Korinti 10:2

Gwam jinɔ ja yʊ ji mwɛ sagsag a lul jǝbɔ wɨma, ja yǝlam nǝb bwangtǝm Musaɨ.

1 Korinti 12:13

Yʊwagɔ win a yʊ bǝn mwɛ sagsagɔ gwamɨ, bǝ yǝlam bʊtɔgɔ win, Yahudawagɔ jǝbɔ nǝbɔ Girikaɨ, jwaalɛb jǝbɔ bɛtɨ. Gwam bǝnɔ Kwaama a nǝ bǝn Yʊwagɔ win wʊnɨ a mʊgɔ bǝnɨ.

2 Korinti 5:10

Gwam bǝnɔ bǝ tɨ tɨ a kǝga Kiristii sǝ a maa bǝm borang, sǝ bǝ nya ywatǝm maajɨgɔ bǝ maaɨ, nǝn kwama bǝn a mʊgɔ bʊtɔ nɨɨ, kɛna na a nyaɨ, kɛna ke bɔ a nyaɨ.

Filibii 3:21

Nǝn gɔ fʌto bʊtɔ bǝnɔ nɨ lɛ a gɨya gɨyaɨ, sǝ a fʌto nǝn bʊtɔ dʊʊlǝn na gǝnɔ. Maa nyɔ nǝn kwaan gǝnɔ wʊnɨ bɛ lɛ nǝn kanjǝlɔ gwam a fɔlɔn gǝnɨ.

Kolosii 2:12

Ja fʌl jen jǝbɔ gɔ a gola yʊtǝm mwɛ sagsag, ja gung jen jǝbɔ gɔ a gola nǝtǝm bɨlǝngkɛl a kwaan Kwaamaɨ, wʊnɨ a gung gǝn a bwaaɨ.

2 Timoti 2:18

nǝbɔ a tangǝm a gul bɨlǝngkɛlɨ. Jǝ sʊwa lɛ gɔ guntǝmɔ a bwaaɨ a kwɛl a shu shui. Jǝ kal nǝtǝm bɨlǝngkɛl kaamɨ lɛ.

Ibranii 11:35

Ja yǝla ja nǝ kaam nɔɔtǝmɔ batǝlam jinɔ nɨ a bʊlalaɨ wʊnɨ ja gung ji nǝn kʊlɨ tagɨ. Kaam nǝbɔ ja nǝ ji gaalan nɨ a yǝlam jim bwaaɨ, ja kɔ kanatǝm nǝtǝm bɨlǝngkɛl jinɔ sǝ ja jǝg ji, jʊ a bwɨɨ sǝ ja nya guntǝm nyan a bwaa.

Ibranii 9:10

Diiltɨn nɨ gǝ nʊng jatǝm jǝjalǝn, jǝbɔ jǝ nɔɔlǝng, jǝbɔ kanjǝl saaltǝm bʊtɔ jǝ maa lɛ kwaagɨɨ. Diiltɨn nɨ n maajɨ bʊtɔɨ, dɨ maajɨgɔ nǝn kwama nɨ diil fɨgɔ a jeli.

2 Bitrus 3:7

N gola sʊwatǝm kɛl Kwaama a ya dʌbʌlɔ jǝbɔ tǝmɔ kǝngkǝnɨ sǝ kǝlagɔ ba twɨ jii. Kwaama a ya ji, sǝ a la nǝn a di kɔkɔ nɨ gǝ maa nǝb nɨ gǝm mɨ nyʊwa taal gǝnɔ lɛɨ gǝm biyotǝm borangɨ, sǝ gǝ kal ji.