Ibranii 6:10 - Dadiya NT

¹⁰ Kwaama n ke bɔ nʊ nɨ mɨ dǝngdǝngɨ, wʊnɨ kɔ dʌngtǝm maajɨ jenɔ lɛɨ, jǝbɔ swɨtǝm gǝnɔ nɨ jǝ́ nʊng lɛɨ, kanga jǝ́ tɨka nǝbam gǝnɔ lɛ ba la nǝn a di dwiyeni.

Ibranii 6:10 ပူးပေါင်းရင်းမြစ်များ

Matta 10:42

Nʊ nɨ a nǝ win a kʊm bɛtɔ twama nɨ mwɛ yʌbʌm nǝn bɛ kʌshii, jʊ a bwɨɨ n bwɛ mɛlalɨ mɨɨ, n bɨlǝngǝn mǝ sʊwa jen nɛɨ, mɨsɔ lɛ lǝma gǝnɔ lɛ wo.”

Matta 20:7

“Nǝngɔ ja sʊwa gɔ, ‘Mɨ nʊ nɨ wo a nǝ nǝn maajɨ maatǝmɨ.’ “Nǝngɔ a sʊwa ji gɔ, ‘Jen tʌjen jǝ́ yɔ a tɔtwam mɨ.’

Matta 25:17

Nʊ nɨ a yo sʊwagɔ yo tǝgǝnɨ, ya nya bwiligɔ sʊwagɔ yo.

Markus 9:41

N bɨlǝngkɛl mǝ sʊwa jen nɛɨ, nʊ nɨ a nǝ jen mwɛ nǝn kʌshi nɔɔmwɛnɔ win a kɛl dun mɨɨ gɔ, jǝ́ na a Kiristii, n bɨlǝngkɛl mǝ sʊwa jen nɛɨ, nya nya lǝma gǝnɔ.

Yohana 13:20

Bɨlǝngkɛl, mǝ sʊwa jen nɛɨ, nʊ nɨ a yo nʊ nɨ mǝ twamɨ, a yo i. Nʊ nɨ a yo ii, a yo nʊ nɨ a twam ɨɨ.”

Maajɨ Bɛtɔ Twamagɨɨ 10:31

Balɨgɔ a sʊwa gɔ, ‘Karniliyas, Kwaama a yo keli mʊnɔ. A bʊʊla nǝn tɨkalɨ nǝb bʊnǝnɔ mʊ maa lɛɨ.

Maajɨ Bɛtɔ Twamagɨɨ 10:4

A ya gǝm nu a mʊgɔ taal. Nǝngɔ a bʌ gɔ, “Tɛlalɔ, n wɛ nyɨɨ?” Bwɛ twama Kwaamaɨ a sʊwa gǝn gɔ, “Keli mʊnɔ jǝbɔ tɨkalɨgɔ mʊ maa nǝb bʊnǝnɔ gǝm lɛɨ a yɔ a kǝga Kwaamaɨ. N jǝ bʊʊlalɨ a daa gǝ woi.

Maajɨ Bɛtɔ Twamagɨɨ 11:29

Nǝngɔ bɛtɔ mɛlalɨgɔ a nǝbka nyiyo a kʊm jin gɔ jǝ twam twam nǝbam jinɔ nɨ a mʊgɔ Yahudiyaɨ gǝm tɨkalɨ a kwaan nyatǝm jinɔ gǝm.

Roma 12:13

Bɛ jǝ́ tɨka nǝb sagsag nɨ mɨ nǝngǝnɨ. Bɛ ya jǝ́ yo faabǝmɔ lɛ nǝn fulotǝm nǝl.

2 Korinti 9:1

A yǝlam bɔ nyɔ n yǝla n mʊla jem kɛl tɨkalɨ a dul nǝb sagsagɨɨ tag.

Galatiya 5:13

Jǝ́ kɛtǝlam mɨɨ, ja jo jen a nyatǝm demtǝm kang. Bɛ ka jǝ́ do lɛ demtǝm kang jenɔ a yǝlam jem gola maatǝm bʊʊlalɨ bwɨla. Bɛ ya jǝ́ tɨkaka lɛ a kʊm jen nǝn swɨkan.

Galatiya 5:6

Na bǝ na a daagɔ Yesu Kiristi woi, biyotǝm mwɛn jǝbɔ mɨ biyotǝm mwɛn wo, mɨ a nyiyo kaa jǝl. Nǝtǝm bɨlǝngkɛl jenɔ nɨ maa maajɨ swɨkan nɛɨ, nǝn gɔ a laa jǝlɨ.

Galatiya 6:10

Gǝ na nyɔ, nǝn kwama nɨ bǝ nya golaɨ, bɛ bǝ maa nǝbɔ gǝm pʌd jǝ nya, bɛ bǝ fɛ bǝ maa nǝb bwangtǝm nɨ gǝm a nǝ bɨlǝngkɛlɨ.

Kolosii 3:17

Jʊ nɨ jǝ́ maa lɛ gwamɨ, a dul kɛl jǝbɔ maajɨɨ, bɛ jǝ́ maa gwam a mʊgɔ dun Tɛlalɔ Yesui, jǝ́ buu Kwaama Tɛtɛ gǝm kang lɛ a gola gǝn.

1 Tasalonikaɨ 1:3

Nǝn bʊʊla lɛ nǝn jen a keli nǝnɔ gǝm a kǝga Kwaama Tɛtɛ bǝnɨ a maajɨ nɨ jǝ́ maa lɛ a gola nǝtǝm bɨlǝngkɛlɨ, jǝbɔ gaalan maajɨgɔ jǝ́ nɔɔ lɛ a gola swɨtǝmɨ, jǝbɔ bwatǝm nǝlɔ jǝ́ maa lɛ nǝn yatǝm nǝl a mʊgɔ Tɛlalɔ bǝn Yesu Kiristii.

1 Timoti 6:18

Bɛ ń sʊwa ji ja maa jǝ nya, ja sʊtǝn maatǝm maajɨ nyan, bɛ ya ja maa lǝma lɛ, ya ja tɨka kaam nǝbɔ lɛ.

2 Timoti 4:8

Tangǝnɔ a bǝlaɨ n nyatǝm dwang dul maajɨ dǝngdǝng, wʊnɨ ja fɛka mɨɨ, wʊnɨ Tɛlalɔ, nǝ maatǝm borang dǝngdǝngɔ nɨ ɨ lɛ nǝn kɔkɔ dɨltǝmɨ. Ke bɔ mǝ kwaamɨ, pʌd jǝbɔ nǝb nɨ ya nǝl lɛ a bɛtǝm gǝnɔ gǝmɨ.

Ibranii 10:32

Bɛ jǝ́ bʊʊla, nǝn joltɨn nɨ a shui, nǝn kwama jǝ́ yem bɨlǝngkɛlɨ, jǝ́ kʊ nǝl nǝn gaalanɔ jǝbɔ gʌtǝmɨ.

Ibranii 13:16

Ka jǝ́ bǝla lɛ maatǝm jǝ nyan jǝbɔ tǝgatǝm kanjǝlɔ jǝbɔ ji. Jʊtǝb nɨ a maa na tǝlatǝm twama wʊnɨ fulo Kwaama gǝm nǝl lɛɨ.

1 Yohana 1:9

Na bǝ sʊwa bwɨlangkɛl bǝnɨ, gɔ, n nǝ yiitǝm swatǝm yaa, n nǝ dǝngdǝng, kǝlǝm bǝm kǝlǝm bwɨlangkɛl bǝnɔ, sǝ a saalǝm bǝn a jʊ nɨ bǝ maa lɛ gwam n ke bɔ dǝngdǝngɨ.