8 Gǝ Bwɛ sul, a mɛla shigtǝm dul a gaalan nɨ ga nɔɔɨ.
Nǝngɔ Yesu a jǝla gǝn gɔ, “Bɛ a yǝlam nyɔ kǝngkɔ. A bʊm nyɔ bǝ maa nyɔ sǝ bǝ yii kanjǝl dǝngdǝngɔ gwam Kwaama swɨ lɛɨ.” Nǝngɔ Yohana a jǝlaɨ.
Mɨ nʊ nɨ wo do mɨ kʊlɨ lɛɨ. Nǝmǝ nǝn kang mɨ mǝ nǝ lɛɨ. Mǝ nǝn fɔlɔn nɨ mǝ nǝ lɛɨ. Mǝ nǝn fɔlɔn nɨ mǝ do lɛ tagɨ. N diilɔ Tɛtɛ mɨ a sʊwa ɨ gɔ n maaɨ.”
Mǝ, n bwangtǝn diil Tɛtɛ mɨɨ. N yɨ a mʊgɔ swɨtǝm gǝn. Jen tʌjen, na jǝ́ bwangtǝn diil mǝndɨ, jǝ́ yɨ yɨ a mʊgɔ swɨtǝm mɨ.
Yesu gɔ, “Jǝjalǝn mǝndɨ nǝn gɔ sǝ n maa jʊ nɨ nʊ nɨ a twam ɨɨ swɨ lɛ gɔ n maaɨ, sǝ n tagǝm maatǝm maajɨ gǝnɔ.
Jʊ a bwɨɨ, mǝ gǝla bɔ a kwama sǝ ba n maa jʊ nɨ nǝl mǝndɨ swɨ lɛɨ. Mǝ gǝla sǝ ba n maa jʊ nʊ nɨ a twam ɨɨ swɨ lɛɨ.
A yǝlam nǝfili, a shig dul gǝnɔ. A bwangtǝn Kwaama. A yɔ nǝn gɔ a bwaa. A bʊla bwaa na nǝ bwɨlangkɛl a dʌbʌl tɨya kʊʊtǝm!
A kumtɨn dɨltǝmɔ gǝmɨ, nǝngɔ a sʊwa bǝn kɛl a daagɔ Bʊla gǝ woi, wʊnɨ a ya gǝn nǝn gɔ nǝ kʊla kanjǝlɔ gwamɨ, wʊnɨ n daa gǝ woi a fwal yooligɨɨ.
Nuwo a mʊgɔ bɛtɔ twama Kwaamaɨ, Kwaama a sʊwa gǝn wo gɔ, “Mɔ nǝn bʊla mɨɨ, dwiyen n yǝlam Tɛtɛ mʊɨ”? A yǝla a sʊwa wo tag gɔ, “N yǝlam Tɛtɛ mɔ, mɔ tǝmʊn ń yǝlam Bʊla mɨɨ”?
A dul Bwɛɨ, nǝngɔ a sʊwa gɔ, “Kwaama, kotere fɔlɔn mʊnɔ tɨ tɨ mɨ dɨtǝm wo. Dwam fɔlɔn mʊnɔ n dǝngdǝng dangǝn.
A Kiristii n nǝ yiitǝm swatǝm yaa, n bwɛ fɔlɔn a mʊgɔ lɔ Kwaamaɨ. Bǝn bǝ lɔ gɔ, na bǝ tɨɨ nǝn kwaan, bǝ dem bɔ yatǝm nǝlɨ.
