Ibranii 5:7 - Dadiya NT

⁷ Yesu nǝn kwama yɨm gǝnɔ a yoolii, a maa kelitɨn jǝbɔ jitǝm wi nǝn kwaan nǝn mwɛ num. A maa nyɔ a nʊ nɨ nǝn fɔlɔn bʊʊ lɛ nǝn gɔ a bwaaɨ. A nyʊwa keli nɨ ga maa nǝn shigtǝm duli.

Ibranii 5:7 ပူးပေါင်းရင်းမြစ်များ

Matta 27:46

Kemʌnɔ taal nǝngɔ Yesu a gung diilɔ nǝn kwaan a sʊwa gɔ, “Eloi, Eloi, lama sabaktani?” Wʊnɨ gǝ nʊng gɔ, “Kwaama mɨ Kwaama mɨ, n wɛ a bwɨ mʊ bǝla ɨɨ?”

Matta 27:50

Nǝngɔ Yesu a yǝla gung diilɔ nǝn kwaan, nǝngɔ a dem kang a kʊlɨ gǝnɔ gǝmɨ.

Markus 15:34

Kemʌnɔ taal, nǝngɔ Yesu a gung diilɔ nǝn kwaan a sʊwa gɔ, “Eloi, Eloi, lama sabaktani?” Wʊnɨ gǝ nʊng gɔ, “Kwaama mɨ Kwaama mɨ, n wɛ a bwɨ mʊ bǝla ɨɨ?”

Markus 15:37

Nǝngɔ Yesu a gung diilɔ nǝn kwaan, nǝngɔ a bʊlaɨ.

Luka 23:46

Nǝngɔ Yesu a jo jangajǝl nǝn diil gɔ, “Tɛtɛ, mǝ bǝla kʊlɨ mǝndɨ a kang mʊn.” Kwama nɨ ga sʊwam kɛl nɨɨ, nǝngɔ a bʊlaɨ.

Yohana 1:14

Kɛl nɨ a yǝlam nǝfili, a yɨɨ jǝbɔ nǝn. Nǝn kuwo dʊʊlǝn gǝnɔ, dʊʊlǝn nɨ ja maa Bwɛ gǝm win swarɨ, a jel a daagɔ Tɛ bwɛ woi, wʊnɨ a yii nǝn lǝma jǝbɔ bɨlǝngkɛlɨ.

Yohana 11:35

Yesu a ji wi.

Yohana 11:42

N nyǝm nyǝmɨ mʊ nyʊwa ɨ lɛ. Mǝ sʊwa jʊ nɨ, sǝ nǝb nɨ tɨlam fǝɨ, ja nǝ bɨlǝngkɛl gɔ nǝmɔ mʊ twam ɨɨ.”

Yohana 17:1

Nǝn kwama Yesu a sʊwam kanjǝl nɨɨ, nǝngɔ a gung dul gǝnɔ a dʌbʌl a maa keligɨɨ gɔ, “Tɛtɛ, kwamagɔ a la. Dʊʊl Bʊla mɔ, sǝ Bʊla mɔ a dʊʊl ń tǝgǝn.

Roma 8:3

Jʊ nɨ mɨsɔ diilɔ dwal lɛ a maaɨ, jʊ a bwɨɨ n yɨm bwangtǝm bʊtɔ a dǝg diilɔ a gɨyaɨ, Kwaama a maa. A twam bʊla gɔ nǝn kang gǝn a jelkalǝng bʊtɔ bǝnɔ nɨ n bʊtɔ bwɨlangkɛlɨ, sǝ a yǝlam tǝlatǝm twama a dul bwɨlangkɛl, sǝ a kalǝm bwɨlangkɛlɔ a bʊtɔ bǝn.

Galatiya 4:4

Nǝn kwama nɨ kwamagɔ a la dangǝnɨ, nǝngɔ Kwaama a twam Bʊla gɔ wʊnɨ nɔɔlɨ a bʌi, bʌtʌm a mʊgɔ diil.

1 Timoti 3:16

Mɨ nyǝmatǝm wo, kanjǝl nɨ ja yʊ yʊɨ a kɛl nǝtǝm bɨlǝngkɛl bǝnɨ a tushi, Kiristi a jel nǝn bʊtɔ nǝfilii. Yʊwa Kwaamaɨ a nʊng gǝn n nǝ bɨlǝngkɛl. Bɛtɔ twama Kwaamaɨ a kuwo gǝn. Ja kiyo fulon kɛl gǝnɔ a daagɔ Bʌtʌbɔ woi. Ja nǝ bɨlǝngkɛl a daa gǝ woi a yooli nɨ. Ja do gǝn a dʌbʌl a mʊgɔ dʊʊlǝn.

Ibranii 10:10

N jʊ a bwɨ Kiristi a maa jʊ Kwaama swɨ lɛ a maaɨ, Kwaama a saal bǝn sagsag a gola nǝtǝm bʊtɔ Yesu Kiristii naa win swar mɨ sʊtǝm wo.

Ibranii 10:5

N jʊ a bwɨ, nǝn kwama Kiristi a dɔm yooligɨɨ a sʊwa gɔ, “Twɨtǝm yulʌn jǝbɔ tǝlatǝm twama mʊ swɨ bɔ. N bʊtɔ mʊ nɨ ɨ sǝ n tǝlam twama,

Ibranii 11:7

N gola nǝtǝm bɨlǝngkɛl Nuhui, nǝn kwama nɨ Kwaama a gʊ gǝm lɔl a dul kanjǝl nɨ ja kuwo bɔ dɨnɨ, nyʊwa taal Kwaamaɨ lɛ. Nǝngɔ a swiyo gʌleng tɨyamwɛngɔ sǝ a bʊʊ nǝn nǝbɔ lɔ gɨɨ. N gola nǝtǝm bɨlǝngkɛl tag a nʊng yooligɔ bwɨlangkɛl gǝnɨ, a yǝlam nǝ dǝngdǝng a kǝga Kwaamaɨ wʊnɨ nyatǝm gǝnɔ gǝ na a gola nǝtǝm bɨlǝngkɛlɨ.

Ibranii 12:28

A dul kɛl nɨ, bɛ bǝ buu kang, jʊ a bwɨɨ bǝ nya nya fɔlɔn nɨ mɨ mǝgatǝm woi. A na nyɔ tag bǝ maa Kwaama gǝm bǝlátǝm, jǝ yotǝm, nǝn taal jǝbɔ nǝtǝm dʊʊn nyan.

Ibranii 13:20

Bɛ Kwaama nɨ nǝ yɨm kwamɨgǝn nɛɨ, wʊnɨ a gung Tɛlalɔ bǝn Yesu a bwaaɨ, gʌleng nǝ tɔɔtǝm kwamɨ nɨ a gola tʊʊm nɨ nʊng swatǝm yaa nɨ lɛ mɨ dɨtǝm woi,

Ibranii 2:14

Na nɨ bɛtɨ gwam nǝn nam jǝbɔ tʊʊmɨ, gǝ tǝgǝn a do jelkalǝng nyɔ, sǝ a gola bwaa gǝnɔ gǝm a kǝl kwaan nʊ nɨ a ta kwaan bwaagɨɨ, nǝn gɔ nǝn mammɨ.

1 Yohana 4:3

Nʊ nɨ gwam a jǝla bɔ nǝn Yesui, mɨ nǝn Yʊwa Kwaamaɨ. Nʊ gɔ nǝngǝn nǝn yʊwa nɨ kɔ Kiristi lɛɨ, wʊnɨ jǝ́ nyʊwa gɔ bɛ lɛɨ, kǝngkɔ nyɔ a kwɛl a bɛ bɛɨ a yooli.

2 Yohana 1:7

Mǝ sʊwa nyɔ jʊ a bwɨɨ, nǝb swagtǝmɔ a jel a yooli nɨ a lada, wʊnɨ ja jǝla bɔ gɔ Yesu Kiristi a jel a bʊtɔɨ. Nǝb gɔ n nǝb swagtǝm jǝbɔ nǝb kiim Kiristii.