Ibranii 3:7 - Dadiya NT

⁷ N dul kɛl nɨ, kanga Yʊwa Kwaamaɨ a sʊwa gɔ, “Dwiyen na jǝ́ nyʊwa diil gǝnɨ,

Ibranii 3:7 ပူးပေါင်းရင်းမြစ်များ

Matta 17:5

Nǝn kwama Bitrus sʊwam kɛl nɨ lɛɨ, nǝngɔ kaa lul fulo ba sum jii. Tʌgo a kang, kaa diil a mʊgɔ lul gɔ, “Wʊnɨ nǝn Bʊla mɨ nɨ mǝ swɨ lɛɨ. Wʊnɨ nǝl mǝndɨ nyʊwa fulotǝm nǝl lɛ nǝn gǝ dangǝnɨ. Jǝ́ nyʊwa gǝn!”

Matta 22:43

Nǝngɔ Yesu a sʊwa ji gɔ, “Dauda nǝn kwaan Yʊwa Kwaamaɨ, a jo gǝn gɔ, ‘Tɛlalɔ,’ a maa nyǝn? Dauda gɔ,

Markus 12:36

Dauda nǝn kang gǝn, nǝn kwaan Yʊwa Kwaamaɨ a sʊwa gɔ, “ ‘Tɛlalɔ a sʊwa Tɛlalɔ mɨ gɔ, “Yɨ fɔ a kang jajǝng mɨ, ba la nǝn kwama nɨ mǝ ya ń nɛ a dul fatǝm kiim mʊnɨ.” ’

Yohana 10:16

Mǝ nǝn kaam kwamɨtɨn nɨ ke bɔ a mʊgɔ yaa mǝndɨɨ, mǝ bɛ bɛ nǝn ji. Jǝ nyʊwa nyʊwa diil mǝndɨ. Jǝ yǝlam kʌm kwamɨgɔ win, jǝ na na nǝn nǝ tɔɔtǝmɔ win.

Yohana 10:27

Kwamɨtɨn mɨɨ bwangtǝn jʊ nɨ lɛ mǝ sʊwa lɛɨ. N nyǝm ji, jǝ bwang mɨ lɛ tag.

Yohana 10:3

Nʊ nɨ dʌng nyangagɔ lɛɨ, gǝ wum gǝm wum nyangagɔ. Kwamɨtɨnɔ jǝ nyʊwa nyʊwa diil nǝ tɔɔtǝmɔ. Gǝ jo jo kwamɨtɨn gǝnɔ nǝn duntɨn jinɔ, a yɔ nǝn ji a yooli.

Yohana 5:25

Bɨlǝngǝn mǝ sʊwa jen nɛɨ, kwamagɔ bɛ lɛ wo, a kwɛl a bɛ bɛɨ, nǝb nɨ a bʊlalaɨ, jǝ nyʊwa nyʊwa diil Bʊla Kwaamaɨ. Nǝb nɨ a nyʊwaɨ, jǝ bʊʊ bʊʊ.

Maajɨ Bɛtɔ Twamagɨɨ 1:16

“Kambɔ, a yǝlam nyɔ ja yii kɛl Kwaamaɨ wʊnɨ Yʊwa Kwaamaɨ a sʊwa galɨgǝn a nyiyo Daudaɨ a dul Yahuzaɨ, nʊ nɨ a ja nǝb tatǝm Yesui gǝm kǝgaɨ.

Maajɨ Bɛtɔ Twamagɨɨ 28:25

Ja jǝlaka bɔ a dul kɛl. Ja bǝla bɔ daa gɔ, nǝngɔ Bulus a sʊwa kaa kɛl win gɔ, “Yʊwa Kwaamaɨ a sʊwa bɨlǝngkɛl. A sʊwa tʊgalam jenɔ kɛl a nyiyo Ishayaɨ nǝkuwotǝmkǝga gɔ,

Maajɨ Bɛtɔ Twamagɨɨ 8:29

Nǝngɔ Yʊwa Kwaamaɨ a sʊwa Filibus gɔ, “Yɔ bɨtʌgo a kʌntʌlʌn tʊwa kemʌn nɨ gǝm.”

Ibranii 10:15

Yʊwa Kwaamaɨ a nǝ nyiyo a dul bǝn nǝn tɨkǝga a sʊwa gɔ,

Ibranii 3:13

Ya jǝ́ kʊʊka nǝl lɛ kwangkwang, kanga kaa kwama wo jǝ jo lɛ gɔ, “Dwiyeni,” kage bwɨlangkɛlɔ a swag kaam jenɔ ja maa bǝngɨ lɔl.

Ibranii 3:15

Kanga ja sʊwa gɔ, “Dwiyen na jǝ́ nyʊwa diil gǝnɨ, ka jǝ́ maa lɛ bǝngɨ lɔl, kanga jǝ́ maam nǝn kwama jǝ́ kɔm bwangtǝm diil Kwaamaɨ.”

Ibranii 4:7

Nǝngɔ tag a yǝla a ya kaa kumi, a jo gɔ, “Dwiyen.” Joltɨnɔ a gǝlala a shui, a sʊwa kɛl a nyiyo Daudaɨ kanga ja kwɛl ja sʊwa gɔ, “Dwiyen, na jǝ́ nyʊwa diil gǝnɨ, ka jǝ́ maa lɛ bǝngɨ lɔl.”

Ibranii 9:8

A gola nɨ Yʊwa Kwaamaɨ gǝ nʊng gɔ ka ja wum lɛ Daagɔ a Laa Sagsagɨɨ dɨn, na kan na tɨkǝgagɔ maa maajɨ lɛɨ.

2 Bitrus 1:21

Jʊ a bwɨɨ mɨ kaa kɛl kuwotǝmkǝga nɨ wo a bɛ a bʊʊlalɨ nǝfilii. N Yʊwa Kwaamaɨ a dɔ nǝl nǝbɨɨ a dǝg ji sǝ ja sʊwa jʊ ja yo a daagɔ Kwaama woi.

Dʊgam Nyangnyang 3:20

Mǝ wɔ mǝ tɨm a nyanga kan, mǝ ga lɛ. Na nʊ nɨ a nyʊwa diil mǝndɨ a wum nyanga kanɨ, mǝ dɔ dɔ a daa gǝ woi, sǝ n ja nǝbɔ gɔ, ga ja jǝbɔ mǝ.