Ibranii 3:5 - Dadiya NT

⁵ Musa n nǝ tatǝm swatǝm yaa na bwɛ jwaalɛ a mʊgɔ lɔ Kwaamaɨ gwam. N nǝ nǝtǝm nyiyo a dul jʊtǝb nɨ jǝ sʊwa kɛl jinɔ lɛ a kǝgaɨ.

Ibranii 3:5 ပူးပေါင်းရင်းမြစ်များ

Matta 24:45

“Nuwo n bwɛ jwaalɛ, n nǝ tatǝm swatǝm yaa jǝbɔ nǝ yʊlanɨ? N nʊ nɨ tɛlalɔ gǝnɔ a ya gǝn dʌngtǝm lɔ gǝnɨ, ya nǝ ji jǝjalǝnɔ lɛ nǝn kwama jǝ jam lɛɨ.

Matta 25:21

Nǝngɔ tɛlalɔ gǝnɔ a sʊwa gǝn gɔ, ‘A bʊmbʊr, mʊ nǝ tatǝm swatǝm yaa, bwɛ jwaalɛ nyan! Ń ta swatǝm yaa a kǝlɨ jǝl, mǝ nǝ ń nǝ ń maajɨ nɨ a laa a wʊnɨɨ. Ba maa bǝlátǝm jǝbɔ mǝ.’

Luka 12:42

Nǝngɔ Tɛlalɔ a jǝla gǝn gɔ, “Nuwo nyɨ n nǝ tatǝm swatǝm yaa jǝbɔ yʊlan tɔɔtǝm nǝbɨɨ? N nʊ nɨ tɛlalɔ gǝnɔ a ya gǝn dʌngtǝm kɛtǝlam gǝnɔ jwaalɛbɨɨ, ya nǝ ji jǝjalǝnɔ lɛ dǝngdǝng na kwama nǝtǝmɔ a laɨ.

Luka 24:27

Nǝngɔ a nʊng ji jʊ ja sʊwa a mʊgɔ mʊlalɨ kɛl Kwaamaɨ gǝm a dul gǝnɨ, jʊ a tǝl a mɛlalɨ Musaɨ a yɔ nǝn a nǝbkuwotǝmkǝgagɔ gwamɨ.

Luka 24:44

Nǝngɔ a sʊwa ji gɔ, “Jʊ nɨ n jʊ mǝ sʊwa jen kwama nɨ bǝ dakinii, jǝ yii yii kɛl nɨ ja sʊwa a dul mɨɨ a mʊgɔ diil Musaɨ, jǝbɔ a nǝbkuwotǝmkǝgagɨɨ, jǝbɔ nafɨ Zaburaɨ.”

Yohana 5:39

Jǝ́ tɨtǝn kiyotǝm mʊlalɨ kɛl Kwaamaɨ, jʊ a bwɨɨ a kuwotǝm jenɔ gǝmɨ, jǝ́ nya nya kʊlɨ nɨ mɨ dɨtǝm woi a daa ji woi. Kɛl mʊlalɨtɨn Kwaamaɨ nɨ, nǝji jǝ sʊwa kɛl lɛ a dul mɨɨ.

Maajɨ Bɛtɔ Twamagɨɨ 28:23

Ja ya kumɔ ba jǝ mʊrkam lɛɨ, nǝngɔ ja bɛ a daa nɨ ga shigʌmi, ja bɛ a lada dangǝn. Jʊ a ta a kumsʌl a yɔ nǝn a kwaamɨɨ, fɛta ji kɛlɔ lɛ a dul fɔlɔn lɔ Kwaamaɨ, swɨ lɛ a gʊ ji a daa Yesu woi a gola diil Musaɨ jǝbɔ a langǝn bwangǝn nǝbkuwotǝmkǝgagɨɨ.

Maajɨ Bɛtɔ Twamagɨɨ 7:37

“N Musa nɨ a sʊwa nǝbɔ Israilaɨ gɔ, ‘Kwaama tʊng jem tʊng kaa nǝkuwotǝmkǝga na mǝ a kʊm kɛtǝlam jeni.’

Roma 3:21

Kǝngkǝnɨ, kaa gola nyatǝm dǝngdǝng Kwaamaɨ wo, ke bɔ a gola diil, wʊnɨ langǝn bwangǝntɨn Musaɨ jǝbɔ a nǝbkuwotǝmkǝgagɨɨ a nǝ nyiyo a dul gǝnɨ.

1 Korinti 4:2

Jʊ jǝ swɨ lɛ nǝn nǝb nɨ ja jǝla nǝn jii, bɛ ja yǝlam nǝb tatǝm swatǝm yaa.

1 Timoti 1:12

N buu Kiristi Yesu Tɛlalɔ bǝn gǝm kang, wʊnɨ a nɨ ɨ kwaanɨ, jʊ a bwɨɨ a do i mǝ nǝ tatǝm swatǝm yaa, a ya ɨ sǝ n maa maajɨ gǝnɨ.

Ibranii 1:1

Nǝn galɨgǝn, Kwaama a sʊwa tʊgam tʊgalam bǝnɨ kɛl naagɔ a gǝlala, a golantɨnɔ gǝm a lada nǝn dʌmʌn a nyiyo nǝbkuwotǝmkǝgagɨɨ.

Ibranii 3:2

Gǝ nɨ n nǝ tatǝm swatǝm yaa a nʊ nɨ a ya gǝnɨ, kanga Musa a ta swatǝm yaa Kwaamaɨ a nǝb gǝnɔ gǝm gwamɨ.

Ibranii 3:4

Gwam lɔtɨnɔ nǝn nǝbɔ a mɔba ji. Nǝ mɔtǝm kanjǝlɔ gwam nǝn Kwaama.

Ibranii 8:5

Jǝ maa maajɨgɔ a lɔ tǝlatǝm twama nɨ n jelkalǝng lɔ nɨ a dʌbʌli. N jʊ a bwɨ Kwaama a gʊ lɔl Musaɨ nǝn kwamagɔ maam fɛkalɨ mɔtǝm lɔ tǝlatǝm twamagɔ lɛɨ, a sʊwa gɔ, “Bɛ ń kaa lɔl mʊnɔ. Bɛ ń fɛka kanjǝlɔ a yɔ tʌgo kanga mǝ sʊwa ń a dʌbʌl yemi.”

Ibranii 9:24

Jʊ a bwɨɨ, Kiristi a dɔ bɔ kaa lɔ tǝlatǝm twama wʊnɨ nǝfili a mɔɨ, wʊnɨ nǝn gɔ n jelkalǝng lɔ dʌbʌli. A dɔ dʌbʌlɔ tǝgǝn sǝ a nʊng dul gǝnɔ a kǝga Kwaamaɨ a kɛl dul bǝn.

Dʊgam Nyangnyang 15:3

Jǝ ma nafɨ nɨ lɛ Musa bwɛ jwaalɛ Kwaamaɨ a maɨ, jǝbɔ nafɨ Bɛ Galɔ, “Maajɨtɨn mʊnɔ na a dʊʊntɨn, n jǝ tatǝm kang a nyiyo, Tɛlalɔ Kwaama Nǝ kwaan! Golantɨn mʊnɔ na dǝngdǝng, n bɨlǝngkɛl tag, Fɔlɔ bǝlǝntǝmɔ gwam.