Ibranii 3:12 - Dadiya NT

¹² Kambɔ, bɛ jǝ́ nyǝm kage bwɨlang bʊʊlalɨ jǝbɔ nǝl nɨ a nǝ bɔ bɨlǝngkɛlɨ a yǝlam nǝn kaa nǝl a kʊm jen a daa Kwaama kʊlɨ woi.

Ibranii 3:12 ပူးပေါင်းရင်းမြစ်များ

Matta 16:16

Nǝngɔ Saminu Bitrus a jǝla gɔ, “Mʊ nǝn Kiristi, Bʊla Kwaamaɨ, Nǝ kʊlɨ.”

Matta 24:4

Nǝngɔ Yesu a jǝla ji gɔ, “Bɛ jǝ́ nyǝm kage kaa nǝl a swag jen.

Markus 13:23

A dul kɛl nɨɨ, bɛ jǝ́ nyǝm! N kwɛl n sʊwa jen sǝla kanjǝl nɨ a bwɨ.

Markus 13:33

Bɛ jǝ́ nyǝm! Bɛ jǝ́ yɨ nǝn fɛkalɨ! Jʊ a bwɨɨ mɨ nǝn nʊ nɨ a nyǝm kwamagɔ jǝbɔ kemʌnɔ jʊ nɨ bwɨm lɛɨ.

Markus 13:9

“Bɛ jǝ́ ta dul jenɔ. Jǝ yɔ yɔ nǝn jen a kǝga nǝb dʊʊm koteregɨɨ. Jǝ bʊg jen bʊg a kantɨn mɛlalɨ. Jǝ yɔ yɔ nǝn jen a kǝga bǝ gwamnaɨ jǝbɔ fɔlɔlɔmɔ a kɛl dul mɨ, sǝ jǝ́ nǝ nyiyo a dul mɨ a kǝga jin.

Luka 21:8

Nǝngɔ Yesu a sʊwa ji gɔ, “Bɛ jǝ́ nyǝm ka kaa nǝl a swag jen. Nǝbɔ a lada na jǝ bɛ lɛ a mʊgɔ dun mɨɨ. Jǝ sʊwa lɛ gɔ nǝji ji nǝn mɨɨ, dɨltǝm yooligɔ a dwama! Ka jǝ́ bwang jim lɛ.

Roma 11:21

Na Kwaama a bǝla bɔ kang tɨyantɨn galɨgɨɨ, mʊ tǝmʊn mɨsɔ bǝla ń nɛ.

1 Korinti 10:12

Na gǝ na nyɨɨ, nʊ nɨ kuwo lɛ gɔ gǝ tɨɨ, bɛ ga nyǝm, kage ga yala.

Kolosii 2:8

Ka jǝ́ jǝla lɛ kaa nǝl a swag jen a gola mɛlalɨ nǝn kwan, a jǝfʊlǝn nǝbɨɨ, wʊnɨ n jǝfʊlǝn yoolii, n ke bɔ a Kiristii.

1 Tasalonikaɨ 1:9

Nǝji nǝn kang ji ja nǝ fulon fɔla nɨ nǝn maa a kʊm jeni, kanga jǝ́ bǝlam shomɔ, jǝ́ yǝla jǝ́ bwangtǝn Kwaama kʊlɨgɨɨ jǝbɔ a bɨlǝngkɛlɨ.

Ibranii 10:31

N jǝ taal na nǝl a yal a nabwɨl Kwaama kʊlɨɨ.

Ibranii 10:38

Nǝ mǝndɨ nɨ maa jʊ nɨ lɛ dǝngdǝngɨ, yɨ yɨ nǝn kʊlɨ a gola nǝtǝm bɨlǝngkɛl. Na ga yǝla ga gʊ nǝn guli, mɨsɔ mǝ maa fulotǝm nǝl lɛ nǝn gɔ.”

Ibranii 12:15

Bɛ jǝ́ fɛ jǝ́ dʌng, mɨ nʊ nɨ wo lɛ nyatǝm lǝma Kwaamaɨ lɛɨ, kage kaa nǝ nʌl tuuli a na a kʊm jen, a bɛ nǝn kutʌm jǝbɔ kaltǝm nǝbɨɨ a lada.

Ibranii 12:22

A jenɔ jǝ́ bɛ, jǝ́ la Yem Sihiyonagɔ jǝbɔ Urushalima dʌbʌl kwamagɔ, tuulɔ Kwaama kʊlɨɨ. Jǝ́ bɛ a daagɔ bɛtɔ twama Kwaamaɨ, fʊlkʊblǝntɨn a mʊrka a mʊgɔ nyʊwatǝm fulotǝm nǝlɨ.

Ibranii 12:25

Jǝ́ fɛ jǝ́ dʌng kage jǝ́ kɔ Kwaama nɨ sʊwa kɛl nɨ lɛɨ. Na nǝb nɨ a kɔ nyʊwatǝm nʊ nɨ gʊ jim lɔl lɛ a yooli nɨɨ ja bʊʊ bɨɨ, la maa nyǝn bǝ bʊʊ lɛɨ, na bǝ kɔ nʊ nɨ gʊ lɔl bǝnɔ lɛ a dʌbʌl kwamaɨ?

Ibranii 3:1

A dul kɛl nɨ, kɛtǝlam sagsag, jen nɨ jǝ́ mʊrka dul jǝbɔ mǝ a jotǝm Kwaamaɨ, jǝ́ ya bʊʊlalɨ jenɔ win a daa Yesu woi, bwɛ twama jǝbɔ dalɨ nǝkǝla na nǝtǝm bɨlǝngkɛl nɨ bǝ yoi.

Ibranii 3:10

N dul kɛl nɨ mǝ maa nabwɨl jǝbɔ kal gɨɨ, mǝ sʊwa mǝʊ, ‘Kwangkwang nǝl jinɔ a tangǝm tangǝmɨ, ja nyǝm bɔ golantɨn mǝndɨ.’

Ibranii 3:19

Nǝngɔ bǝ kuwo bǝngɔ n kɔtǝm nǝtǝm bɨlǝngkɛl jinɔ ja gaa dɔtǝmɨ.

Ibranii 9:14

Na nyǝn a tʊʊm Kiristii wʊnɨ a nǝ dul gǝnɔ nɨ mɨ nǝn duto a daa Kwaama woi, a gola Yʊwa Kwaamaɨ nɨ mɨ dɨltǝm woi. A saalǝm nǝl bǝnɔ a maatǝm kanjǝl jǝfʊlǝn nɨ yɔ lɛ nǝn bǝn a bwaaɨ. Sǝ bǝ bǝlá Kwaama nɨ nǝn kʊlɨɨ.