Ibranii 3:1 - Dadiya NT

¹ A dul kɛl nɨ, kɛtǝlam sagsag, jen nɨ jǝ́ mʊrka dul jǝbɔ mǝ a jotǝm Kwaamaɨ, jǝ́ ya bʊʊlalɨ jenɔ win a daa Yesu woi, bwɛ twama jǝbɔ dalɨ nǝkǝla na nǝtǝm bɨlǝngkɛl nɨ bǝ yoi.

Ibranii 3:1 ပူးပေါင်းရင်းမြစ်များ

Yohana 17:3

Kʊlɨ nɨ mɨ dɨtǝm woi sǝ nǝbɔ a nyǝm ń, nǝmɔ mʊ Kwaama mʊ nǝ bɨlǝngkɛl kwaamɔ wini, jǝbɔ Yesu Kiristi nɨ mʊ twamɨ.

Yohana 20:21

Nǝngɔ Yesu a yǝla sʊwa ji gɔ, “Bɛ yɨm kwamɨgǝnɔ a na jǝbɔ jen! Kanga Tɛ bwɛ nɨ a twam ɨɨ, mǝ tǝmɨ n twam jen.”

Yohana 20:27

Nǝngɔ a sʊwa Toma gɔ, “Dǝg bawuli kang mʊnɔ fɔ, dʌng kangtɨn mǝndɨ. Mal kang mʊnɔ ń dǝg ń tɛl baya mǝndɨ. Bǝla nyǝmatǝmɔ wo, nǝ bɨlǝngkɛl.”

Maajɨ Bɛtɔ Twamagɨɨ 1:15

Nǝn kumtɨn gɔ Bitrus a gun a tɨ a kʊm nǝb bwangtǝmɨ, (nǝbɔ a mʊrkaɨ a la fʊlkʊb jǝbɔ fʊltiyo). Nǝngɔ a sʊwa gɔ,

Roma 11:17

Na Kwaama a kǝlam kaam kang tɨyantɨnɨ, mɔ mʊ tɨya zaitun kuul nɨ a bwa mʊn naakan jǝbɔ gɨɨ, mʊ nyʊwa lǝma jʌng tɨyang zaitun nɨ lɛ dakini jǝbɔ tangǝn kang tɨyantɨnɨ,

Roma 15:27

Ja nyʊwa lǝma maatǝmɔ nyɔ, jʊ a bwɨɨ a yǝlam jim na naan a dul jin. Bʌtʌbɔ a tǝga bwili yʊwagɔ dakini jǝbɔ ji. A yǝlam nyɔ tʌji ja tǝga bwili yooligɔ jǝbɔ ji.

Roma 15:8

Mǝ sʊwa jen nɛ, Kiristi a yǝlam bwɛ jwaalɛ a daagɔ Yahudawagɔ woi, sǝ a nʊng bɨlǝngkɛl Kwaamaɨ, sǝ a yii swatǝm yaa Kwaamaɨ wʊnɨ a maa tʊgalam jinɔ gǝmɨ.

Roma 9:24

Bǝ nǝb nɨ ga joi, ke bɔ a kʊm Yahudawagɨɨ kwaaji, a jo nǝb nɨ n Bʌtʌbi tʌji.

1 Korinti 1:2

nǝn mʊla mʊrkalɨ nǝb bwangtǝm Kwaamaɨ nɨ gǝm lɛ a Korintii. Kwaama a jo jen sǝ jǝ́ yǝlam nǝb sagsag, a dǝg jen jǝ́ yǝlam nǝb sagsag a mʊgɔ Kiristi Yesui, kanga a maam nǝb bwangtǝmɔ gǝm gwam a daatɨnɔ gǝm gwamɨ, nʊ nɨ jo dun Tɛlalɔ bǝn Yesu Kiristii lɛɨ, Tɛlalɔ ji jǝbɔ a nǝnɔ.

1 Korinti 10:17

Kʊkkʊmɔ wo win, bǝn nɨ bǝ lada nyɨɨ, bǝ bʊtɔgɔ win, jʊ a bwɨɨ gwam bǝnɔ n kʊkkʊm nɨ win bǝ ja lɛɨ.

1 Korinti 9:23

Mǝ maa nyɔ gwam a dul fulon kɛl lǝmɨ nɨ sǝ n nya a mǝndɨ lǝmagɔ a mʊgɔ bwiligɔ gǝm.

2 Korinti 1:7

Yatǝm nǝl nǝnɔ a daa jen woi, a kwam, jʊ a bwɨɨ nǝn nyǝm kanga jǝ́ mʊrka dul jǝbɔ nǝn a mʊgɔ nɔɔtǝm gaalanɨ, yǝlam nyɔ jǝ́ mʊrka mʊrka dul jǝbɔ nǝn a mʊgɔ yʌbtǝm nǝl.

2 Korinti 9:13

Maajɨ nǝtǝm jenɔ nɨ gǝ nʊng jǝ́ nǝb bwangtǝm bɨlǝngǝn. N gola nɨ nǝbɔ gung dʊʊlǝn Kwaamaɨ lɛɨ, jʊ a bwɨɨ jǝ́ jǝla nǝn fulon kɛl lǝmɨ Kiristii, jǝ́ bwangtǝn. Nǝbɔ gung gung dʊʊlǝn Kwaamaɨ a tɨkalɨ nɨ jǝ́ maa jim jǝbɔ tangǝn nǝbɔ nǝlɔ wini.

Afisa 3:6

Jʊ nɨ ja yʊ yʊɨ gǝ nʊng gɔ Bʌtʌbɔ fatǝm jatǝm kʊla jǝbɔ Yahudawagɔ. Jǝ jinʌn bʊtɔgɔ win. Jǝ fatǝm mʊrkalɨ tag a swatǝm yaa nɨ a mʊgɔ Kiristi Yesui a gola fulon kɛl lǝmɨ nɨɨ.

Afisa 4:1

Na bwɛ lɔsomi a dul Tɛlalɔɨ, mǝ kel jen nɛ jǝ́ yɨ yɨm nɨ yɔ lɛ dǝngdǝng kanga Kwaama a jom jeni.

Afisa 4:4

Bʊtɔgɔ win, Yʊwagɔ win, kanga a jo jen a dul yatǝm nǝl nɨ win kwama a jom jeni.

Filibii 3:14

Mǝ sɨn nɛ n ja kǝga sǝ n yo lǝma. Lǝma nɨ Kwaama a jo i a dʌbʌl kwamaɨ, a kɛl dul Kiristi Yesui.

Kolosii 1:12

Bɛ jǝ́ buu Tɛtɛ gǝm kang, wʊnɨ a dǝg jen jǝ́ nya kʊla nǝb sagsag nɨ a mʊgɔ fɔlɔn nyalǝmɨ.

Kolosii 1:22

Kǝngkɔ Kwaama a dɔ kʊm jenɔ a fɛka jen a gola Kiristii a mʊgɔ bʊtɔ nǝfilii a gola bwaa gǝnɔ gǝm. A maa nyɔ sǝ a nʊng jen a kǝga Kwaamaɨ jǝ́ yǝlam nǝb sagsag, mɨ jen nǝn bwɨlangkɛl, mɨ nǝn jǝ tuwol tag a kǝga gǝn.

Kolosii 3:12

Gǝ na nyɔ, bɛ jǝ́ do nǝl bʊnatǝm, jǝbɔ maatǝm jǝ nya, jǝbɔ shigtǝm dul, jǝbɔ yʌbtǝm dul, jǝbɔ kʊtǝm nǝl, kanga jǝ́ nǝbɔ Kwaama a jǝgamɨ, nǝb sagsag, nǝbɔ Kwaama swɨ lɛɨ.

1 Tasalonikaɨ 2:12

Nǝn kʊʊ jem nǝl lɛ, nǝn yʌb jem nǝl lɛ, nǝn kel jen nɛ jǝ́ yɨ yɨm nɨ a daa tʌgo a bǝlátǝm Kwaamaɨ, wʊnɨ a jo jen a fɔlɔn gǝnɨ, jǝbɔ dʊʊlǝn gǝnɨ.

1 Tasalonikaɨ 5:27

N kel jen a kǝga Tɛlalɔɨ, jǝ́ kiyo langǝn bwangǝn nɨ a kǝga kambɨɨ gwam.

2 Tasalonikaɨ 1:11

N kɛl nɨ kwangkwang nǝn maa jem keli lɛɨ. Bɛ Kwaama bǝnɔ a dǝg jǝ́ yii jotǝm gǝnɔ. Bɛ kwaan gǝnɔ a tɨka jen jǝ́ maa kanjǝl nyanɔ gwam wʊnɨ jǝ́ ya nǝl maatǝmɔ lɛɨ. Bɛ ga tɨka jen jǝ́ maa jʊ nǝtǝm bɨlǝngkɛl jenɔ dǝg jen nɛɨ, jǝ́ maa jʊ jǝ́ swɨ lɛ jǝ́ maaɨ.

2 Tasalonikaɨ 2:14

N kɛl dul jʊ nɨ a jo jeni, a gola fulon kɛl lǝmɨ nɨ nǝn sʊwa jeni, sǝ jǝ́ nya dʊʊlǝn Tɛlalɔ bǝn Yesu Kiristii.

1 Timoti 6:12

Bɛ ń maa kɨlan, kɨlan nya a dul nǝtǝm bɨlǝngkɛl. Bɛ ń kwal kʊlɨ nɨ mɨ dɨtǝm woi, wʊnɨ ja jo ń a dul gǝnɨ, nǝn kwama mʊ nǝm nyiyo a kǝga mʊrkalɨ nǝbɨɨ.

1 Timoti 6:2

Jwaalɛb nɨ tɛlalɔ jinɔ n nǝb nǝtǝm bɨlǝngkɛlɨ, ka ja soga ji lɛ, jʊ a bwɨɨ jǝ kɛtǝlam a daa jen woi. Bɛ ja sʊtǝn maatǝm jwaalɛnɔ, jʊ a bwɨɨ nǝb nɨ nya bwili lɛ a maajɨ jinɔ gǝmɨ, n nǝb bwangtǝm, n nǝb nɨ jǝ swɨ lɛɨ. Bɛ ń mɛla jim, kʊʊ jim nǝl a dul kanjǝl nɨ.

2 Timoti 1:9

Nʊ nɨ a bʊʊ nǝn bǝn, a jo bǝn sǝ bǝ yǝlam nǝb sagsagɨ, ke bɔ a dul maajɨ nya nɨ bǝ maaɨ, n fɛkalɨ gǝn jǝbɔ lǝma gǝnɔ a maa bǝmɨ, lǝma nɨ a nǝ bǝn a mʊgɔ Kiristi Yesui na lǝga bɔ ja fwal yooligɔ.

2 Timoti 2:7

Bɛ ń maa bʊʊlalɨ a dul jʊ nɨ mǝ sʊwa ń nɛɨ. Tɛlalɔ nǝ ń nǝ ń nyǝmtǝm kanjǝlɔ pʌd.

Ibranii 10:19

Na gǝ na nyɨɨ, kɛtǝlam mɨ, tʊʊm Yesui a nǝ bǝn bɨtǝm nǝl nɨ bǝ dɔ Daa nɨ a Laa Sagsagɨ.

Ibranii 10:21

Na nɨ bǝ nǝngǝn nǝn gʌleng nǝkǝla nɨ a dul nǝbɔ a lɔ Kwaamaɨ,

Ibranii 10:23

Bɛ bǝ ta yatǝm nǝl nɨ bǝ sʊwa lɛ bǝngɔ bǝ nǝnɨ gwanggwang, jʊ a bwɨɨ nʊ nɨ a maa swatǝm yaa nɨɨ, n nǝ yiitǝm swatǝm yaa.

Ibranii 13:22

Mǝ kel jen nɛ kambɔ, jǝ́ kʊ nǝl nǝn gʊtǝm lɔl mǝndɨ, jʊ a bwɨɨ mǝ mʊla jem nǝn kʌb nyɔ.

Ibranii 2:11

Yesu nɨ saal nǝb lɛ sagsagɨ, jǝbɔ nǝb nɨ ga saalǝmɨ, gwam jinɔ dʊʊmɔ win. N jʊ a bwɨ mɨ nyʊwa gunidul jotǝm jinɔ lɛ gɔ kɛtǝlam gǝnɨ.

Ibranii 2:17

N jʊ a bwɨ a yǝlam nyɔ na kɛtǝlam gǝnɔ a golantɨnɔ gǝm gwamɨ, sǝ a yǝlam dalɨ nǝkǝla, nǝ jitǝm bʊnǝn jǝbɔ nǝ tatǝm swatǝm yaa a maajɨ Kwaamaɨ, sǝ ya tǝla twama kǝlǝmtǝm bwɨlangkɛl nǝbɨɨ lɛ.

Ibranii 3:12

Kambɔ, bɛ jǝ́ nyǝm kage bwɨlang bʊʊlalɨ jǝbɔ nǝl nɨ a nǝ bɔ bɨlǝngkɛlɨ a yǝlam nǝn kaa nǝl a kʊm jen a daa Kwaama kʊlɨ woi.

Ibranii 3:14

Bǝ yǝlam nǝb mʊrkatǝm dul jǝbɔ Kiristi, na bǝ tɨ nǝn kwaan a yotǝm nɨ bǝ maa nǝn tɨkǝgaɨ, a yɔ nǝn a dɨltǝmɨ.

Ibranii 6:20

N daa nɨ a kɛl dul bǝn Yesu a laa bǝn dɔtǝmɨ, a yǝlam dalɨ nǝkǝla nɨ mɨ dɨtǝm woi, jelkalǝng Malkisadiki.

Ibranii 7:26

Nǝn gɔ n dalɨ nǝkǝlagɔ bǝ saa lɛɨ, nǝ sagsag, mɨ nǝn bwɨlangkɛl, mɨ nǝn jǝ tuwol, wʊnɨ ja wʊlaka gǝn jǝbɔ nǝb bwɨlangkɛlɨ, nǝ gungtǝm a kanjǝlɔ gwam a dʌbʌli.

Ibranii 7:28

Diilɔ gǝ dǝg dǝg nǝbɔ a yǝlam daltɔ nǝbkǝlam a gɨyatǝm jinɔ gǝm. A kɛl wɛɛlɨ nɨ a gǝla a gul diilɔ gǝmɨ, a dǝg Bwɛ a yii dǝngdǝng mɨ dɨtǝm wo.

Ibranii 9:11

A Kiristii a bɛ kǝngkɨɨ, n dalɨ nǝkǝla na kanjǝl nyan nɨ woi. A dɔ lɔ tǝlatǝm twama wʊnɨ a laa bʊmǝnɨ, wʊnɨ n ke bɔ maatǝm nǝfilii, n ke bɔ jǝ fwaltǝm na yooli nɨ.

Ibranii 9:15

Kiristi a bʊla sǝ a jǝg ji a bwɨlangkɛl nɨ ja maa a swatǝm yaa tɨkǝgagɔ gǝmɨ. A dul bwaa gǝnɔ gǝm, nǝn gɔ a tɨbǝl swatǝm yaa fɨgɔ gǝmɨ, sǝ nǝb nɨ ja jo jii, ja yo kʊla nɨ mɨ dɨltǝm woi, wʊnɨ ja swam jim yaaɨ.

1 Bitrus 2:9

A jenɔ jǝ́ dʊʊm jǝgamtǝm, jǝbɔ nya nǝbkǝlam fɔlɔgɨɨ, jǝbɔ nǝbɔ sagsagɨɨ, jǝbɔ nǝbam Kwaamaɨ, sǝ jǝ́ kiyo maajɨ nya a nʊ nɨ a jo jeni nǝn kwama jen a kumtojilii, jǝ́ dɔ bǝlátǝm nyalǝm nyan gǝnɨ.

1 Bitrus 3:5

Galɨgǝn nɔɔtǝm sagsag nɨ a ya nǝl jinɔ a daagɔ Kwaama woi, jǝ fɛ bʊtɔ jinɔ lɛ a bʊm. Jǝ shig dul jinɔ nyɔ a daagɔ batǝlam jinɔ woi,

1 Bitrus 5:1

Mǝ kel jen nɛ jǝ́ nǝb dʊʊm bwangtǝmɔ a kʊm jeni, mǝ nɨ mǝ nǝ dʊʊ bwangtǝm na jeni, nǝ kuwotǝm nɔɔtǝm gaalan Kiristii, nʊ nɨ mʊrka dul gǝnɔ lɛ a dʊʊlǝn nɨ Kwaama nǝ bǝn nɛɨ. Mǝ nǝn jʊ nɨ mǝ sʊwa jen nɛɨ.

1 Bitrus 5:10

Na nǝn kwama nɨ jǝ́ nɔɔm gaalan nǝn dǝm nyɨɨ, Kwaama nǝ nǝtǝm lǝma pʌd, wʊnɨ a jo jen a gola Yesu Kiristii a yɔ nǝn a yɨm dʊʊn gǝnɔ jǝbɔ gɔ, mɨ dɨtǝm woi, nǝn gɔ dǝg jen nɛ jǝ́ yii dǝngdǝngɨ, nǝn gɔ fǝka jen nɛɨ, sǝ a sʊ jem kʊʊtǝm nǝl tag.

1 Yohana 1:3

Nǝn sʊwa jen tʌjen jʊ nǝn kuwoi, nǝn nyʊwaɨ, sǝ jǝ́ yɨ yɨm dakini jǝbɔ nǝn. Yɨm bǝnɔ dakinii, gǝ na jǝbɔ Tɛtɛ jǝbɔ bʊla gɔ Yesu Kiristi.

Yahuza 1:1

Nǝmǝ mǝ Yahuza, bwɛ jwaalɛ Yesu Kiristii, kɨla Yakubui. Mǝ mʊla nǝb nɨ gǝm lɛ Kwaama Tɛtɛ a jo ji swɨ lɛɨ, nǝbɔ Yesu Kiristi kɨla ji lɛɨ.

Dʊgam Nyangnyang 17:14

Jǝ ta ta kun jǝbɔ Bɛ Gal nɨ. Bɛ Gal nɨ ja ji ja, jʊ a bwɨɨ nǝn gɔ Tɛlalɔ tɛlalɔtɨnɨ, nǝn gɔ Fɔlɔ fɔlɔlɔmɨ. Gɔ jǝbɔ nǝb nɨ jǝ dakinii, nǝji jǝ nǝb jotǝmɔ, jǝbɔ nǝb jǝgamtǝmɔ, jǝbɔ nǝb tatǝm swatǝm yaagɨɨ.”

Dʊgam Nyangnyang 18:20

Jǝ́ maa fulotǝm nǝl a dul gǝn, jen nɨ jǝ́ yǝm a dʌbʌl kwamaɨ! Jǝ́ maa fulotǝm nǝl a dul gǝn, jǝ́ nǝb sagsagɔ jǝbɔ bɛtɔ twamagɔ, jǝbɔ nǝbkuwotǝmkǝgagɔ! Jʊ a bwɨɨ Kwaamagɔ a mwɛ Babilagɔ a dul jʊ nɨ ga maa jemi!”