Ibranii 2:18 - Dadiya NT

¹⁸ Kanga nɨ gǝ dul gǝn a nyʊwa gaalan a tɛltǝmɔ ja maa gǝm sǝ a maa bwɨlangkɛlɨ, dwal dwal a tɨka nǝb nɨ ja tɛl jii.

Ibranii 2:18 ပူးပေါင်းရင်းမြစ်များ

Luka 22:28

“Nǝjen jǝ́ tɨɨ a daa mɨ woi a gaalanɔ mǝ nɔɔɨ.

Luka 22:53

Kwangkwang mǝ dakini nǝbɔ jen a Kan Kwaaman, jǝ́ ta ɨ bɔ. Wʊnɨ n kwama jen, n kwama maajɨ fɔlɔn kumtojili.”

Yohana 10:29

Tɛtɛ mɨ nɨ a nɨ ɨ kwamɨtɨn nɨɨ, a laa ji dʊʊnɔ gwam. Mɨ nǝn nʊ nɨ wo dwal yem ji lɛ a kang Tɛtɛ mɨɨ.

1 Korinti 10:13

Mɨ kaa tɛltǝm nɨ a nya jen a wʊnɨ ja maa bɔ nǝfili gǝm woi. Kwaama n nǝ yiitǝm swatǝm yaa. Mɨsɔ bǝla lɛ ja tɛl jen nǝn jʊ nɨ laa kwaan jenɔ lɛɨ. A tɛltǝmɔ gǝmɨ, maa jem maa gola nɨ jǝ́ jelʌm lɛɨ, sǝ jǝ́ bwa nǝlɨ.

Filibii 3:21

Nǝn gɔ fʌto bʊtɔ bǝnɔ nɨ lɛ a gɨya gɨyaɨ, sǝ a fʌto nǝn bʊtɔ dʊʊlǝn na gǝnɔ. Maa nyɔ nǝn kwaan gǝnɔ wʊnɨ bɛ lɛ nǝn kanjǝlɔ gwam a fɔlɔn gǝnɨ.

2 Timoti 1:12

N dul kɛl nɨ mǝ nɔɔm gaalan kanga mǝ nɔɔm lɛ kǝngkɨɨ. Jʊ nɨ mǝ nyʊwa bɔ gunidul, jʊ a bwɨɨ, n nyǝm nʊ nɨ mǝ nǝ bɨlǝngkɛl a daa gǝ woi. Mɨ nyǝmatǝm wo dwal dwal a tɔɔ jʊ nɨ a nɨ ɨɨ, a yɔ nǝn a kɔkɔ bɛtǝm gǝn.

Ibranii 5:2

A yǝlam nʊ nɨ dwal lɛ a ji bʊnǝn nǝb nɨ a nyǝm bɔ jǝlɨ, jǝbɔ nǝbɔ a kwɛl a lɛla golaɨ, kanga gǝ tǝgǝn ga gɨya gɨyaɨ.

2 Bitrus 2:9

Mʊsǝn kɛl nɨ gǝ nʊng bǝn gɔ, Tɛlalɔ a nyǝm kanga gǝ jǝgǝm nǝb nɨ lɛ nyʊwa taal gǝnɔ lɛɨ a tɛltǝmɨ. A nyǝm kanga ta nǝb nɨ lɛ mɨ dǝngdǝngɨ sǝ a mwɛ ji nǝn kwama jǝ yam di mwatɨtǝm borangɔ lɛɨ.

Yahuza 1:24

Jǝ́ maa Kwaama Nǝbʊʊlɨ bǝnɔ gǝm bǝlátǝm, nʊ nɨ dwal lɛ a kɨla jen a fǝtǝm naa, a yɔ nǝn jen a kǝga dʊʊlǝn gǝnɔ gǝm mɨ nǝn kʊlanɨ, a yɔ nǝn jen nǝn gʌleng fulotǝm nǝl.

Dʊgam Nyangnyang 3:10

Ń kɨla kɛlɔ mǝ sʊwa ń a dul kʊtǝm nǝlɨ, n jʊ a bwɨ mǝ tǝmɨ mǝ kɨla ń nɛ a jʊ nɨ bwɨ lɛ a kwama tɛltǝmɨ, wʊnɨ gǝla lɛ a dul yooli nɨɨ, sǝ ja tɛl nǝb nɨ yǝm a yooli nɨɨ.