Ibranii 2:16 - Dadiya NT

¹⁶ Bɨlǝngǝn ke bɔ bɛtɔ twama Kwaamaɨ gǝ tɨka ji lɛɨ. Mɨ nyɔ. N dʊʊm Ibrahimi gǝ tɨka ji lɛɨ.

Ibranii 2:16 ပူးပေါင်းရင်းမြစ်များ

Roma 2:25

Biyotǝm mwɛnɔ a bʊm, na mʊ bwangtǝn diilɔ lɛɨ. Na mɨ mʊ bwangtǝn lɛɨ, biyotǝm mwɛn mʊnɔ mɨ a nyiyo kaa jǝl.

Galatiya 3:16

Kwaama a maa swatǝm yaa jǝbɔ Ibrahim, jǝbɔ dʊʊm gǝnɔ. Kɛl Kwaamaɨ a sʊwa bɔ gɔ, “Kʌm dʊʊm” wʊnɨ nʊng lɛ gɔ a ladaɨ. Mɨ nyɔ. A sʊwa gɔ “Dʊʊm mʊnɔ” wʊnɨ a nʊng nʊ wini, nǝn gɔ nǝn Kiristi.

Galatiya 3:29

Na jǝ́ na a Kiristii, jǝ́ dʊʊm Ibrahimi. Jǝ́ yo yo kʊla nɨ Kwaama a maa swatǝm yaa gǝnɨ.

Ibranii 12:10

Ji ja mwɛ bǝn a kǝlɨ kwama nǝn dǝm nyɔ kanga ja kuwo a bʊmɨ. A Kwaamaɨ gǝ mwɛ bǝn a jʊ nɨ bʊm bǝm lɛɨ, sǝ bǝ mʊrka dul jǝbɔ gɔ a mʊgɔ sagsag gǝnɔ gǝm.

Ibranii 2:15

A jǝg nǝb nɨ gwam a bʌtʌm jinɔ gǝm jǝ na a yɨm jwaalɛn a kɛl taal bwaaɨ.

Ibranii 2:17

N jʊ a bwɨ a yǝlam nyɔ na kɛtǝlam gǝnɔ a golantɨnɔ gǝm gwamɨ, sǝ a yǝlam dalɨ nǝkǝla, nǝ jitǝm bʊnǝn jǝbɔ nǝ tatǝm swatǝm yaa a maajɨ Kwaamaɨ, sǝ ya tǝla twama kǝlǝmtǝm bwɨlangkɛl nǝbɨɨ lɛ.

Ibranii 6:16

N bɨlǝngǝn nǝbɔ gǝ wɛɛl nǝn nʊ nɨ a laa jii. Wɛɛlɨgɔ, nǝn gɔ gǝ nʊng bɨlǝngkɛlɔ lɛ a jʊ ja sʊwaɨ, sǝ a tɨ nǝn gʊbkatǝm kɛlɔ gwam.

1 Bitrus 1:20

Kwaama a jǝgǝm gǝn na lǝga bɔ a fwal yooligɔ. N kɛl dul jen ja nʊng gǝn a jol dɨltǝmɨ.