Ibranii 2:11 - Dadiya NT

¹¹ Yesu nɨ saal nǝb lɛ sagsagɨ, jǝbɔ nǝb nɨ ga saalǝmɨ, gwam jinɔ dʊʊmɔ win. N jʊ a bwɨ mɨ nyʊwa gunidul jotǝm jinɔ lɛ gɔ kɛtǝlam gǝnɨ.

Ibranii 2:11 ပူးပေါင်းရင်းမြစ်များ

Matta 25:40

Fɔlɔgɔ jǝla ji gɔ, ‘Bɨlǝngǝn mǝ sʊwa jen nɛ, jʊ nɨ win a mʊgɔ kanjǝl nɨ jǝ́ maa kɛtǝlam mǝndɨ gǝmɨ, jǝ́ maam mǝ.’

Matta 28:10

Nǝngɔ Yesu a sʊwa ji gɔ, “Ka jǝ́ nyʊwa lɛ taal. Ya jǝ́ sʊwa kɛtǝlam mɨɨ ja shu a Galili, n daa gɔ ya jǝ kuwo i lɛ woi.”

Markus 3:34

A dʌng nǝbɔ yǝmam jǝbɔ gɨɨ, nǝngɔ a sʊwa ji gɔ, “Nɛnɛ mɨ n wɔ jǝbɔ kɛtǝlam mǝndɨ.

Markus 8:38

Nʊ nɨ nyʊwa gunidul mǝndɨ lɛɨ, a nyʊwa gunidul sʊwatǝm kɛl mǝndɨ a kal bwɨlan nɨɨ, Bʊla Nǝlɨ nyʊwa nyʊwa gunidul gǝnɔ a di bɛm lɛ a mʊgɔ dʊʊlǝn Tɛtɛ gɨɨ jǝbɔ bɛtɔ twama Kwaamaɨ sagsagɨ.”

Luka 9:26

Na nʊ nɨ a nyʊwa gunidul mɨɨ jǝbɔ kɛl mǝndɨ, Bʊla Nǝlɨ nyʊwa nyʊwa gunidul gǝnɔ tǝgǝn nǝn kwama nɨ yǝla bɛm lɛ nǝn dʊʊlǝn gǝnɨ, jǝbɔ dʊʊlǝn Tɛtɛ gɨɨ, jǝbɔ a bɛtɔ twama Kwaamaɨ sagsagɨ.

Yohana 17:19

N kɛl dul jin, mǝ dǝg dul mǝndɨɨ, sǝ ji tʌji ja dǝg dul jinɔ a gola bɨlǝngkɛl.

Yohana 17:21

Tɛtɛ, mǝ kela lɛ sǝ pʌd jinɔ ja yǝlam win, kanga mʊ yǝm a mʊgɔ mɨɨ, mǝ yǝm a mʊgɔ mʊnɨ, mǝ kela lɛ bɛ ja yɨ a mʊgɔ bǝn, sǝ nǝbɔ yooli nɨ a nǝ bɨlǝngkɛl gǝ nǝmɔ mʊ twam ɨɨ.

Yohana 20:17

Yesu a sʊwa gǝn gɔ, “Ka ń ta ɨ lɛ, jʊ a bwɨɨ mǝ gwi bɔ n yɔ a daa Tɛtɛ mɨ woi dɨn. Yɔ a daa kɛtǝlam mɨ woi ya ń sʊwa ji mɔʊ, ‘Mǝ yi a daa Tɛtɛ mɨ woi jǝbɔ Tɛtɛ jen, Kwaama mɨ jǝbɔ Kwaama jen.’ ”

Maajɨ Bɛtɔ Twamagɨɨ 17:26

Nǝn gɔ tag a fwal nǝbɔ gwam a daagɔ nʊ wini, sǝ ja yɨ a talɨ yooli nɨ. A fɛka jim kwamagɔ jǝ yɨm lɛ a yoolii, jǝbɔ daagɔ jǝ yɨm lɛɨ.

Maajɨ Bɛtɔ Twamagɨɨ 17:28

Kanga bɛtɔ nafɨ jenɔ a sʊwaɨ gɔ, ‘N daa gǝ woi bǝ yǝmɨ, bǝ mǝga lɛɨ, bǝ woi. Bɨlǝngǝn bǝn bǝ dʊʊm gǝn.’

Roma 8:29

Nǝb nɨ Kwaama a kwɛl a nyǝmɨ, n nǝbɔ ga jǝgǝmɨ, a jǝla jim gɔ ja do jelkalǝng Bʊla gɨɨ, sǝ bwɛ a yǝlam bwɛ tɨkǝga a kʊm kambɨɨ nɨ a ladaɨ.

Galatiya 4:4

Nǝn kwama nɨ kwamagɔ a la dangǝnɨ, nǝngɔ Kwaama a twam Bʊla gɔ wʊnɨ nɔɔlɨ a bʌi, bʌtʌm a mʊgɔ diil.

Ibranii 10:10

N jʊ a bwɨ Kiristi a maa jʊ Kwaama swɨ lɛ a maaɨ, Kwaama a saal bǝn sagsag a gola nǝtǝm bʊtɔ Yesu Kiristii naa win swar mɨ sʊtǝm wo.

Ibranii 10:14

Gǝ na a tǝlatǝm twama naa win, a yii nǝb nɨ ja buti ji sagsag mɨ dɨtǝm woi.

Ibranii 11:16

Jǝ ya nǝl lɛ a kaa tǝm nɨ a laa bʊmǝnɨ. Nǝn gɔ nʊ nɨ a dʌbʌl kwamaɨ. A dul kɛl nɨ, Kwaama mɨ nyʊwa gunidul lɛ ja jo gǝn gɔ Kwaama jin, jʊ a bwɨɨ, a fɛka jim tuulɔ.

Ibranii 13:12

A na nyɔ Yesu tǝgǝn a nɔɔ gaalan a gul tuulɔ, sǝ a dǝg nǝbɔ a yǝlam sagsag nǝn tʊʊm gǝnɔ.

Ibranii 2:14

Na nɨ bɛtɨ gwam nǝn nam jǝbɔ tʊʊmɨ, gǝ tǝgǝn a do jelkalǝng nyɔ, sǝ a gola bwaa gǝnɔ gǝm a kǝl kwaan nʊ nɨ a ta kwaan bwaagɨɨ, nǝn gɔ nǝn mammɨ.

Ibranii 3:1

A dul kɛl nɨ, kɛtǝlam sagsag, jen nɨ jǝ́ mʊrka dul jǝbɔ mǝ a jotǝm Kwaamaɨ, jǝ́ ya bʊʊlalɨ jenɔ win a daa Yesu woi, bwɛ twama jǝbɔ dalɨ nǝkǝla na nǝtǝm bɨlǝngkɛl nɨ bǝ yoi.