Ibranii 2:10 - Dadiya NT

¹⁰ Kwaama nǝn gɔ a fwal kanjǝlɔ gwamɨ, kanjǝlɔ gwam n dʊʊlǝn gǝn. Swɨ lɛ gǝ nya bɛtɨ a lada a nya dʊʊlǝn gǝnɔ, a bʊm a fɛ nʊ nɨ win bwangtǝn nɛ nǝn nǝbɔ a nya bʊʊtǝm nyan a gola gaalan gǝnɨ.

Ibranii 2:10 ပူးပေါင်းရင်းမြစ်များ

Luka 13:32

Nǝngɔ a jǝla ji gɔ, “Ya jǝ́ sʊwa fʌlʌmɔ jengɔ, ‘Mǝ ja ja kǝga nǝn jǝgtǝm nǝblaamɔ a bʊtɔ nǝbɨɨ. Mǝ gung gung nǝb bɔɔlamɔ dwiyen, jǝbɔ fʌng, a kum na taalɔ gǝm n dɨ maajɨ mǝndɨ.’

Luka 2:14

“Dʊʊlǝnɔ na a Kwaama nɨ a dʌbʌli, yɨm kwamɨgǝnɔ na a nǝb nɨ Kwaama a nyʊwa lǝma nǝn ji a yooli nɨɨ.”

Luka 24:26

A yǝlam nyɔ Kiristi a nyʊwa gaalan jʊtǝb nɨ sǝla a dɔ mʊgɔ dʊʊlǝn gǝnɔ.”

Luka 24:46

Nǝngɔ a sʊwa ji gɔ, “Jʊ nɨ nǝn gɔ jʊ ja mʊlaɨ, Kiristi nɔɔ nɔɔ gaalan sǝ a gun a bwaagɔ gǝm a kum na taal.

Yohana 11:52

Yesu mɨsɔ bʊla lɛ a dul Yahudawagɨɨ kwaaji. Bʊla bʊla tag, sǝ a mʊr bɛtɔ lɔ Kwaamaɨ wʊnɨ ja kwɨya tǝmɔ nǝn kwanɨ, sǝ ja yǝlam win.

Yohana 19:30

Yesu a twɨ mwɛ fwalɨ nɨ nyɨɨ, nǝngɔ a sʊwa gɔ, “A dɨɨ.” Nǝngɔ a sul dul gǝnɔ a dem kang a dʊʊmɨ gǝnɔ gǝmɨ.

Maajɨ Bɛtɔ Twamagɨɨ 3:15

Nǝngɔ jǝ́ jʌ nʊ nɨ nǝn gɔ jʌng kʊlɨgɨɨ. Kwaama a gung gǝn a bwaagɔ gǝm. Nǝn nǝ yǝlam nǝb nɨ a kuwo kanjǝl nɨɨ.

Maajɨ Bɛtɔ Twamagɨɨ 5:31

Nǝngɔ Kwaama a gung gǝn a kang jajǝng gǝnɨ, a yǝlam Dʊʊ jǝbɔ Nǝbʊʊlɨ, sǝ a wum nǝbɔ Israilaɨ gǝm gola ja yǝla ja bǝla bwɨlangkɛl jinɔ, sǝ ja nya kǝlǝmtǝm bwɨlangkɛl jinɔ.

Roma 11:36

Kanjǝlɔ gwam a bɛ a daa gǝ woi, n gola gǝn ja fɛ kanjǝlɔ gwamɨ, n daa gǝ woi jǝ yǝla lɛɨ. Bɛ nǝtǝm dʊʊlǝnɔ a ta tʌgo gwanggwang a daa gǝ woi mɨ dɨtǝm wo. A daa nyɔ.

Roma 9:23

N jǝlatǝm gǝn a nǝ shilo dʊʊlǝn gǝnɔ a nǝb nɨ ga ji bʊnǝn jini, nǝb nɨ ga maa jim gola nyatǝm dʊʊlǝn nǝn tɨkǝgaɨ.

1 Korinti 2:7

Nǝn sʊwa kɛlɔ a yʊlan Kwaamaɨ nɨ a bwa bwaɨ, wʊnɨ galɨgǝn a yʊm yʊmɨ, yʊlan nɨ Kwaama a ya a kɛl dʊʊlǝn bǝnɨ, na lǝga bɔ a fwal yooligɨɨ.

1 Korinti 8:6

Gǝ na nyɔ tag, a daa bǝn woi, Kwaamagɔ win, nǝn gɔ nǝn Tɛtɛɨ, wʊnɨ kanjǝlɔ gwam a bɛ a daa gǝ woi, wʊnɨ bǝn tǝbǝn n yɨm gǝn bǝ maa lɛɨ. Tɛlalɔ win, Yesu Kiristi, wʊnɨ n daa gǝ woi kanjǝlɔ gwam a yǝlamɨ, wʊnɨ n daa gǝ woi bǝ nya kʊlɨɨ.

2 Korinti 3:18

Gwam bǝnɔ kǝga bǝnɔ mɨ dwang kwabtǝm wo, bǝ nʊng dʊʊlǝn Tɛlalɔɨ maa na bwaalaɨ, ja fʌto bǝn bǝ do jelkalǝng gǝnɔ lɛ a dʊʊlǝn nɨ a sʊ sʊɨ. Tɛlalɔ nɨ n Yʊwaɨ, nǝn gɔ a maa maajɨ nɨɨ.

2 Korinti 4:17

Gaalan nǝnɔ nɨ dǝmɨ, mɨsɔ tɨm dɨtǝm lɛ. Nǝn gɔ fɛka nǝm dʊʊlǝn nɨ lɛ mɨ dɨtǝm woi, wʊnɨ a laa kwaan jǝ nʊngtǝmɨ.

2 Korinti 5:18

Jʊ nɨ gwam n maatǝm Kwaamaɨ, nʊ nɨ a dɔ kʊm bǝnɔ nǝn kang gǝn a gola Kiristii, a nǝ nǝn maajɨ dɔtǝm kʊm nǝbɨɨ jǝbɔ Kwaama.

2 Korinti 6:18

Mǝ yǝlam yǝlam Tɛ a daa jen woi. Jen tʌjen jǝ́ yǝlam yǝlam bɛtɔ lɔ mɨɨ, batǝm jǝbɔ nɔɔtǝm, N sʊwatǝm Tɛlalɔ Nǝ Kwaanɨ.”

Galatiya 3:26

Jʊ a bwɨɨ gwam jǝ́ bɛtɔ lɔ Kwaamaɨ a gola nǝtǝm bɨlǝngkɛl a daa Kiristi Yesu woi.

Afisa 2:7

Kwaama a maa jʊ nɨ sǝ joltɨn nɨ bɛ lɛ a kǝgaɨ sǝ a nʊng shilo lǝma gǝnɔ nɨ mɨ dɨtǝm woi jǝbɔ jǝ nya a daa bǝn woi, a mʊgɔ Kiristi Yesui.

Afisa 3:10

Kwaama a maa jʊ nɨ kǝngkɔ sǝ a nʊng yʊlan gǝnɔ nǝn dʌmʌn a daagɔ nʊ nɨ maa fɔlɔn nɛɨ, jǝbɔ nǝblaamɔ a dʌbʌli, a gola mʊrkalɨ nǝb bwangtǝm Kwaamaɨ.

Kolosii 3:4

Na Kiristi wʊnɨ nǝn gɔ n kʊlɨ jeni, na a bɛɨ, jǝ́ bɛ bɛ dakini jǝbɔ gɔ a mʊgɔ dʊʊlǝn gǝn.

2 Timoti 2:10

A dul kɛl nɨ mǝ kʊ nǝl lɛ a kanjǝlɔ gǝm gwam a kɛl dul nǝb nɨ ja jǝgamɨ sǝ ji tʌji ja nya bʊʊtǝm a mʊgɔ Kiristi Yesui, sǝ ja nya dɔtǝm dʊʊlǝn nɨ mɨ dɨtǝm woi.

Ibranii 12:2

Bǝ ya nu bǝnɔ a daagɔ Yesu woi, gǝ nɨ n dʊʊ nǝb nǝtǝm bɨlǝngkɛlɨ, nǝn gɔ n nǝ yiitǝm gǝnɨ. Wʊnɨ n kɛl fulotǝm nǝl nɨ Kwaama a ya a kǝga gǝnɨ, a kʊ nǝl nǝn tɨya kʊʊtǝmɔ, n jǝ gunidul, a do bɔ nyɔ a dul gǝn. Kǝngkǝnɨ yǝm a kang jajǝng kotere fɔlɔn Kwaamaɨ.

Ibranii 6:20

N daa nɨ a kɛl dul bǝn Yesu a laa bǝn dɔtǝmɨ, a yǝlam dalɨ nǝkǝla nɨ mɨ dɨtǝm woi, jelkalǝng Malkisadiki.

Ibranii 7:26

Nǝn gɔ n dalɨ nǝkǝlagɔ bǝ saa lɛɨ, nǝ sagsag, mɨ nǝn bwɨlangkɛl, mɨ nǝn jǝ tuwol, wʊnɨ ja wʊlaka gǝn jǝbɔ nǝb bwɨlangkɛlɨ, nǝ gungtǝm a kanjǝlɔ gwam a dʌbʌli.

Ibranii 7:28

Diilɔ gǝ dǝg dǝg nǝbɔ a yǝlam daltɔ nǝbkǝlam a gɨyatǝm jinɔ gǝm. A kɛl wɛɛlɨ nɨ a gǝla a gul diilɔ gǝmɨ, a dǝg Bwɛ a yii dǝngdǝng mɨ dɨtǝm wo.

1 Bitrus 1:12

Kwaama a kwɛl a nʊng ji gɔ, maajɨ nɨ jǝ maa lɛɨ ke bɔ a kɛl dul nyatǝm jin, n kɛl dul nyatǝm jen. Kanjǝl nɨ ja sʊwaɨ, kǝngkɔ kaam nǝbɔ kiyo jem fulon kɛl lǝmɨ nɨ lɛ nǝn kwaan Yʊwa Kwaamaɨ a twam a dʌbʌli. N kanjǝlɔ bɛtɔ twama Kwaamaɨ ya nǝl lɛ sǝ jǝ nyǝmɨ.

1 Bitrus 5:1

Mǝ kel jen nɛ jǝ́ nǝb dʊʊm bwangtǝmɔ a kʊm jeni, mǝ nɨ mǝ nǝ dʊʊ bwangtǝm na jeni, nǝ kuwotǝm nɔɔtǝm gaalan Kiristii, nʊ nɨ mʊrka dul gǝnɔ lɛ a dʊʊlǝn nɨ Kwaama nǝ bǝn nɛɨ. Mǝ nǝn jʊ nɨ mǝ sʊwa jen nɛɨ.

1 Bitrus 5:10

Na nǝn kwama nɨ jǝ́ nɔɔm gaalan nǝn dǝm nyɨɨ, Kwaama nǝ nǝtǝm lǝma pʌd, wʊnɨ a jo jen a gola Yesu Kiristii a yɔ nǝn a yɨm dʊʊn gǝnɔ jǝbɔ gɔ, mɨ dɨtǝm woi, nǝn gɔ dǝg jen nɛ jǝ́ yii dǝngdǝngɨ, nǝn gɔ fǝka jen nɛɨ, sǝ a sʊ jem kʊʊtǝm nǝl tag.

Dʊgam Nyangnyang 4:11

“Ń la nyɔ, Kwaama Tɛlalɔ bǝn, ń nya bǝlátǝm jǝbɔ dʊʊlǝn jǝbɔ kwaan maatǝm fɔlɔn. Jʊ a bwɨɨ nǝmɔ mʊ fwal kanjǝlɔ gwamɨ, n swɨtǝm mʊn ja yǝlam nyɔ, mʊ fwal ji nyɨɨ.”

Dʊgam Nyangnyang 7:9

A gul jʊ nɨ mǝ dʌngi, n kuwo kaa kʌm mʊrkalɨ nǝbɨɨ, wʊnɨ a shu kwaan kiyotǝmɨ. Ja bɛ a bǝlǝntǝmɔ gǝm gwam, jǝbɔ Bʌtʌbɔ gwam, jǝbɔ nyiyotɨnɔ gwam, jǝbɔ nǝbɔ gwam. Jǝ tɨlam a kǝga kotere fɔlɔn nɨ jǝbɔ kǝga Bɛ Gal nɨ. Jǝ tɨlam nǝn dwang malǝng fulontɨn. Ja ta langǝn kutʌshelʌnɔ a kangtɨn jinɔ gǝm.