Ibranii 13:9 - Dadiya NT

⁹ Bɛ ka kaam mɛlalɨ fɨ ya dem lɛ nǝl jenɔ. A bʊm nyɔ lǝma Kwaamaɨ nǝn gɔ yǝlam jʊ ya kʊʊ bǝm nǝl lɛɨ, ke bɔ diil a kɛl jǝjalǝn, wʊnɨ mɨ nǝn tɨkalɨ wo a nǝb nɨ a ya nǝl jinɔ tʌgoi.

Ibranii 13:9 ပူးပေါင်းရင်းမြစ်များ

Matta 24:24

Kiristitɨn gabakɛlɔ, jǝbɔ nǝbkuwotǝmkǝga gabakɛlɔ jela jela, jǝ maa maa gʌleng kanjǝl laatǝm kang jǝbɔ jǝ nʊngtǝm, sǝ ja swag nǝbɔ, jǝbɔ nǝb nɨ ja jǝgamɨ na jǝ nya nya golaɨ.

Matta 24:4

Nǝngɔ Yesu a jǝla ji gɔ, “Bɛ jǝ́ nyǝm kage kaa nǝl a swag jen.

Luka 5:38

Bʊgɛ fɨgɔ jǝ tal a sʊwa fɨ!

Maajɨ Bɛtɔ Twamagɨɨ 20:30

A kʊm jen kaamɨ gun gun a sʊwala gabakɛl, sǝ ja gʊ nǝb bwangtǝmɔ a gul ji.

Maajɨ Bɛtɔ Twamagɨɨ 20:32

“Kǝngkɔ n ya jen a kang Kwaamaɨ jǝbɔ kɛl lǝma gǝnɔ, wʊnɨ nǝn gɔ dwal lɛ a gung jeni, sǝ a nǝ jen kʊla jǝbɔ nǝb sagsagɔ gwam.

Roma 14:17

Fɔlɔn lɔ Kwaamaɨ n ke bɔ jatǝm jǝbɔ nɔɔtǝm. N kɛl yɨm dǝngdǝng, jǝbɔ yɨm kwamɨgǝn, jǝbɔ fulotǝm nǝl a mʊgɔ Yʊwa Kwaamaɨ.

Roma 14:2

Nǝtǝm bɨlǝngkɛl kaa nǝlɨ a jǝla gǝm gɔ ga ja pʌd jʊ nɨ gǝ swɨ lɛɨ. Nʊ nɨ nǝtǝm bɨlǝngkɛl gǝnɔ a gɨyaɨ, n jǝjalǝn tɔtwam kwaagɔ gǝ ja lɛɨ.

Roma 14:6

Pʌd nʊ nɨ a kuwo kaa kumɔ a laa gǝm kaa kum a bǝlátǝm Tɛlalɔɨ, gǝ maa nyɔ sǝ a nǝ Tɛlalɔ dʊʊn. Nʊ nɨ ja nam lɛ tagɨ, gǝ maa nyɔ sǝ a nǝ Tɛlalɔ dʊʊn. Nʊ nɨ jǝgam lɛ jǝgamɨ, gǝ maa nyɔ sǝ a nǝ Tɛlalɔ dʊʊn. Gǝ tǝgǝn gǝ maa nyɔ sǝ a buu Kwaama gǝm kang.

1 Korinti 6:13

Jǝjalǝnɔ ja maam fʌl. Fʌlɔ ja maam jǝjalǝn.” Kwaama kal kal gwam jinɔ yo, wʊnɨ jǝbɔ a wuleni. Bʊtɔgɔ n ke bɔ a bulon, na a Tɛlalɔɨ, Tɛlalɔ nǝn gɔ dʌng bʊtɔgɔ lɛɨ.

1 Korinti 8:8

Jǝjalǝn mɨsɔ yɔ lɛ nǝn bǝn a daagɔ Kwaama woi. Na bǝ jaɨ, bǝ sʊ bɔ kaa jǝl. Na bǝ ja bɔ tagɨ, bǝ yal bɔ a kaa jǝl.

2 Korinti 1:21

Kwaama nǝn gɔ a nǝ nǝn kwaan nǝbɔ jen a kǝga Kiristii, nǝn gɔ a gul bǝm bwiyeli.

Galatiya 6:1

Kambɔ, na jǝ́ nya kaa nǝl a mʊgɔ bwɨlangkɛlɨ, jen nɨ jǝ́ yii nǝn Yʊwa Kwaamaɨ, bɛ jǝ́ yǝla jǝ́ bɛ nǝn gɔ a mʊgɔ gola nya nǝn yʌbtǝm dul. Bɛ jen tʌjen jǝ́ dʌng dul jenɔ, kage jǝ́ nya tɛltǝm a maatǝm bwɨlangkɛl.

Afisa 4:14

Bɛ ka bǝ yǝlam lɛ na bɛtɔ fetʌn, wʊnɨ jǝ yǝla ji lɛ nǝn kwanɨ, a golantɨn mɛlalɨ jǝbɔ bʌtʌm sowi nǝfitʌmi a gola yʊlan fɛkalɨ jin.

Afisa 5:6

Bɛ ka kaa nǝl ya swag jen nɛ nǝn kɛl nǝn kwan. N kɛl dul bwɨlangkɛltɨn nɨɨ nabwɨl Kwaamaɨ gǝ gǝla lɛ a dul nǝb kwamǝn duli.

Kolosii 2:4

Mǝ sʊwa jen jʊ nɨ, kage kaa nǝl a swag jen nǝn kɛl swagtǝm.

2 Tasalonikaɨ 2:17

a kʊʊ jem nǝl, a nǝ jen kwaan bʊtɔ tag a gola maajɨ nyan jǝbɔ kiyotǝm kɛl.

2 Tasalonikaɨ 2:2

bɛ ka nǝl jenɔ ya mǝga lɛ. Ka jǝ́ gung lɛ nǝl jenɔ a nyʊwatǝm kaa kɛl kuwotǝmkǝga, kaa kiyotǝm fulon kaa langǝn bwangǝn, wʊnɨ kaamɨ gɔ a jel a daa nǝn woi gɔ, kɔkɔ bɛtǝm Tɛlalɔɨ a kwɛl a bɛɨ.

1 Timoti 6:20

Timoti, bɛ ń dʌng jʊ nɨ Kwaama a nǝ ń gɔ ń dʌngi. Bɛ ń tɨ a kʊta kʊtaɨ a sʊwalatǝm kɛltɨn nɨ bɛ lɛ nǝn kaltǝm kɛl Kwaamaɨ, jǝbɔ gʊbkatǝm nɨ jǝ jo lɛ gɔ n nyǝmtǝmɨ, wʊnɨ n gabakɛlɨ.

1 Yohana 4:1

Jǝ́ fatǝm nyan mǝndɨ, ke bɔ yʊwagɔ gwam jǝ́ nǝ bɨlǝngkɛl lɛ nǝnɨ, bɛ jǝ́ tɛl kɛna na a Kwaamaɨ. Jʊ a bwɨɨ nǝbkuwotǝmkǝga gabakɛlɔ a jel a lada a yooli.

Yahuza 1:12

Nǝb nɨ a maa na jǝ bwɨla a kʊm mʊrkalɨ jen, jen nɨ jǝ́ ja jǝjalǝn nɛ dakinii. Jǝ ja lɛ, jǝ nɔɔ lɛ dakini jǝbɔ jen mɨ taal wo, mɨ gunidul wo. Jǝ dʌng dul jin kwaaji. Jǝ mwɛ nɨ a fii, a swiyo bɔ, yʊwagɔ a kwɨmɨ. Ja maa na tɨya nɨ mɨ tʊʊ tʊʊl lɛ nǝn kwama tʊʊl jini. Ja bʊlam nǝn pʌd mǝ ja kubom ji kubom.

Yahuza 1:3

Fatǝm nyan mǝndɨ mǝ swɨ lɛɨ, na mǝ swɨ lɛ n maa jem mʊlalɨ a kɛl bʊʊtǝm bǝnɔ gǝm, nǝngɔ mǝ kuwo a bʊm nyɔ n mʊla jem, n kela jen, jǝ́ kʌshi nǝtǝm bɨlǝngkɛl nɨ Kwaama a nǝ nǝb sagsagɔ naa win swar mɨ sʊtǝm woi.