Ibranii 13:7 - Dadiya NT

⁷ Bɛ jǝ́ bʊʊla nǝn nǝb dʊʊm jenɔ galɨgǝnɨ, nǝb nɨ a kiyo jem kɛl Kwaamaɨ. Jǝ́ dʌng yɨm jinɔ. Bɛ jǝ́ maa mɛlalɨ nǝn nǝtǝm bɨlǝngkɛl jinɔ.

Ibranii 13:7 ပူးပေါင်းရင်းမြစ်များ

Matta 24:45

“Nuwo n bwɛ jwaalɛ, n nǝ tatǝm swatǝm yaa jǝbɔ nǝ yʊlanɨ? N nʊ nɨ tɛlalɔ gǝnɔ a ya gǝn dʌngtǝm lɔ gǝnɨ, ya nǝ ji jǝjalǝnɔ lɛ nǝn kwama jǝ jam lɛɨ.

Luka 12:42

Nǝngɔ Tɛlalɔ a jǝla gǝn gɔ, “Nuwo nyɨ n nǝ tatǝm swatǝm yaa jǝbɔ yʊlan tɔɔtǝm nǝbɨɨ? N nʊ nɨ tɛlalɔ gǝnɔ a ya gǝn dʌngtǝm kɛtǝlam gǝnɔ jwaalɛbɨɨ, ya nǝ ji jǝjalǝnɔ lɛ dǝngdǝng na kwama nǝtǝmɔ a laɨ.

Luka 5:1

Kaa di Yesu tɨm a nyiyo wɨma Janisarata, nǝbɔ a mʊrka a lada mǝmsa gǝn nɛ, sǝ jǝ nyʊwa kɛl Kwaamaɨ.

Luka 8:11

“Mʊsǝn kɛl nɨ nǝn gɔ, dʊʊmɔ gǝ nʊng kɛl Kwaamaɨ.

Maajɨ Bɛtɔ Twamagɨɨ 13:46

Bulus jǝbɔ Barnaba ja sʊwa kɛl nɨ mɨ taal wo gɔ, “Jen jǝ́ Yahudawagɔ a bʊm nǝn tǝl sʊwatǝm jenɔ kɛl Kwaamaɨ. Nǝngɔ jǝ́ kɔ gǝnɨ, jǝ́ nʊng jǝ́ la bɔ jǝ́ nya kʊlɨ nɨ mɨ dɨtǝm woi. A kɛl dul jʊ nɨ, nǝn yi a daagɔ Bʌtʌbɔ woi.

Maajɨ Bɛtɔ Twamagɨɨ 14:23

Kwama ja jǝg nǝb dʊʊmɔ a daatɨn mʊrkalɨ nǝb bwangtǝm Kwaamaɨ gwamɨ, nǝngɔ ja dɔ maatǝm keli jǝbɔ dotǝm diil mwɛɨ, ja dǝg ji a kang Tɛlalɔɨ, wʊnɨ ja nǝ bɨlǝngkɛl nǝn gɨɨ.

Maajɨ Bɛtɔ Twamagɨɨ 4:31

Nǝn kwama ja maam keli, nǝngɔ daagɔ ja mʊrkamɨ a mǝgaɨ. Nǝngɔ ja yii ji nǝn Yʊwa Kwaamaɨ, jǝ kiyo kɛl Kwaamaɨ lɛ mɨ taal wo.

Roma 10:17

A dul kɛl nɨ, nǝtǝm bɨlǝngkɛlɔ a bɛ a nyʊwatǝm twama. Nyʊwatǝm twamagɔ a bɛ a kɛl kiyotǝm a dul Kiristii.

1 Korinti 10:13

Mɨ kaa tɛltǝm nɨ a nya jen a wʊnɨ ja maa bɔ nǝfili gǝm woi. Kwaama n nǝ yiitǝm swatǝm yaa. Mɨsɔ bǝla lɛ ja tɛl jen nǝn jʊ nɨ laa kwaan jenɔ lɛɨ. A tɛltǝmɔ gǝmɨ, maa jem maa gola nɨ jǝ́ jelʌm lɛɨ, sǝ jǝ́ bwa nǝlɨ.

1 Korinti 11:1

Jǝ́ maa mɛlalɨ nǝn mǝ kanga mǝ maa mɛlalɨ nǝn Kiristii.

1 Korinti 4:16

A dul kɛl nɨ mǝ kela jen nɛ, jǝ́ mɛla jʊ mǝ maa lɛɨ.

Filibii 3:17

Kambɔ, bɛ jǝ́ maa mɛlalɨ nǝn mǝ. Jǝ́ dʌng nǝb nɨ yɨm jinɔ win jǝbɔ mɛlalɨ nɨ nǝ maaɨ.

1 Tasalonikaɨ 1:6

Jǝ́ banga nǝn nǝbɔ Tɛlalɔ. Jǝ́ yo kɛl Kwaamaɨ nǝn fulotǝm nǝl nɨ Yʊwa Kwaamaɨ nǝ lɛɨ, a mʊgɔ gaalan nɨ jǝ́ nɔɔ lɛɨ.

1 Tasalonikaɨ 2:13

Nǝn buu Kwaama gǝm kang lɛ kwangkwang jʊ a bwɨɨ, nǝn kwama jǝ́ yem kɛl Kwaamaɨ, wʊnɨ jǝ́ nyʊwa a daa nǝn woi, jǝ́ yo bɔ na kɛl nǝfilii, jǝ́ yo gǝn kanga a namɨ. Kɛl Kwaamaɨ n bɨlǝngǝn, wʊnɨ maa maajɨ lɛ a mʊgɔ nǝl jen jǝ́ nǝb nǝtǝm bɨlǝngkɛlɨ.

2 Tasalonikaɨ 3:7

Jen nǝn kang jen, bɛ jǝ́ nyǝm kanga jǝ́ banga nǝn nɛɨ. Kwama nǝn dakini nǝbɔ jeni, nǝn mɛla jem bɔ yɨm sʊla.

2 Tasalonikaɨ 3:9

Nǝn maa nyɔ, a nʊng bɔ gɔ mɨ nǝn nǝn fɔlɔn nɨ. Nǝn maa nyɔ sǝ nǝn yǝlam jǝ nʊngtǝm a daagɔ jen woi, sǝ jǝ́ banga nǝn.

1 Timoti 3:5

Na nǝl a nyǝm bɔ kanga gǝ yɔm lɛ nǝn lɔ gǝnɨ, la dʌng mʊrkalɨ nǝb bwangtǝm Kwaamaɨ nyǝn?

Ibranii 13:17

Jǝ́ nǝ nǝb dʊʊm jenɔ shigtǝm dul. Jǝ́ nyʊwa diil jinɔ. Nǝji jǝ tɔɔ jen nɛɨ, nǝji jǝ kiyo maajɨ jinɔ lɛ a kǝga Kwaamaɨ. Jǝ́ maa nyɔ sǝ ja maa fulotǝm nǝl a maajɨ jinɔ gǝm, ke bɔ a fitǝm nǝl. Na ja maa nǝn fitǝm nǝlɨ, mɨsɔ maa jem tɨkalɨ lɛ.

Ibranii 13:24

Jǝ́ yal nǝb dʊʊm jenɔ, jǝbɔ nǝb bwangtǝm Kwaamaɨ gwam. Nǝb nɨ fɔ a tǝm Italiyaɨ yal jen nɛ.

Ibranii 6:12

Bɛ ka jǝ́ maa lɛ sʊnǝn. Bɛ jǝ́ banga nǝb nɨ ja yo yiitǝm swatǝm yaa nɨ a gola nǝtǝm bɨlǝngkɛl jinɔ gǝmɨ, jǝbɔ kʊtǝm nǝl jini.

1 Bitrus 4:11

Pʌd nʊ nɨ nǝtǝm gǝnɔ n kiyotǝm kɛlɨ, bɛ ga kiyo kɛl Kwaamaɨ. Nʊ nɨ pʌd maa tɨkalɨ lɛɨ, bɛ ga maa nǝn kwaan nɨ Kwaama a nǝ gǝnɨ, sǝ a mʊgɔ kanjǝlɔ gǝm gwam jǝ́ dʊʊl Kwaama a gola Yesu Kiristii. Bɛ dʊʊlǝnɔ, jǝbɔ fɔlɔnɔ a ta tʌgo gwanggwang a daa gǝ woi mɨ dɨtǝm wo. A daa nyɔ!

Dʊgam Nyangnyang 1:9

Nǝmǝ mǝ Yohana kɨla jen, fwalɨ yɨm jǝbɔ jen a mʊgɔ gaalan jǝbɔ fɔlɔn jǝbɔ kʊtǝm nǝl, a mʊgɔ Yesui. Mǝ na fʌlen a tɨbǝl tǝm nɨ a mʊgɔ wɨma nɨ jǝ jo lɛ gɔ Batamusaɨ. Mǝ na fʌlen a dul kɛl Kwaamaɨ jǝbɔ nǝtǝm nyiyo a kɛl dul Yesui.

Dʊgam Nyangnyang 20:4

Nǝngɔ mǝ kuwo kaam kotere fɔlɔnɔ, jǝbɔ nǝb nɨ ja nǝ ji fɔlɔn biyotǝm borangɨ yǝmam a dul jin. N kuwo kʊlɨ nǝb nɨ ja betam dultɨn jini, a kɛl nǝtǝm nyiyo a dul Yesui jǝbɔ kɛl Kwaamaɨ. Nǝji ja nǝ bɔ yʊwal bwɨla nɨ bǝlátǝm jǝbɔ bawilom gǝnɨ, ja yo bɔ kwatɨ a tɛkǝga jǝbɔ kangtɨn jinɔ. Ja fulo, ja maa fɔlɔn jǝbɔ Kiristi a yɔ nǝn jolɔ fʊlkʊblǝn.

Dʊgam Nyangnyang 6:9

Nǝn kwama Bɛ Gal nɨ a gwal mɛl na nʊgɨɨ, n kuwo kʊlɨtɨn nǝb nɨ ja jʌbo a dul kɛl Kwaamaɨ, jǝbɔ nǝtǝm nyiyo a kɛl Kwaamaɨ ja maaɨ. N kuwo ji a sʊʊ daa twɨtǝm yulʌn.