Ibranii 13:5 - Dadiya NT

⁵ Bɛ ka bʊʊlalɨ jenɔ ya yǝlam lɛ na swɨtǝm kemʌn. Bɛ jǝ́ maa fulotǝm nǝl nǝn jʊ jǝ́ nǝnɨ, jʊ a bwɨɨ Kwaama a sʊwa gɔ, “Mɨsɔ mǝ bǝla ń nɛ wo. Mɨsɔ mǝ kɔ ń nɛ wo.”

Ibranii 13:5 ပူးပေါင်းရင်းမြစ်များ

Matta 6:19

“Bɛ ka ń ya lɛ dul mʊnɔ gǝm shilo a tǝm nɨ, a daa nɨ bʊntangɔ jǝbɔ bwatɛgɔ kalǝm lɛɨ, nǝbkuumɔ kǝl nyanga kanɔ lɛ a dɔ a kuui.

Matta 6:25

“Mǝ sʊwa jen nɛ, ka jǝ́ kom lɛ dul jenɔ a jʊ nɨ jǝ́ ja lɛɨ jǝbɔ jʊ nɨ jǝ́ nɔɔ lɛɨ, jǝbɔ jʊ nɨ jǝ́ dʊʊ lɛ a bʊtɔɨ. Kʊlɨgɔ a laa bɔ jǝjalǝn ka? Bʊtɔgɔ a laa bɔ dwangtɨn ka?

Matta 6:34

A dul kɛl nɨ ka jǝ́ kom lɛ dul jenɔ a fʌngɔ gǝm. Fʌngɔ bɛ lɛ nǝn komʌn gǝnɔ. Komtǝmɔ a kɔkɔgɔ dwiyeni a wʊlam.

Markus 7:22

jǝbɔ wɛl, jǝbɔ shil, jǝbɔ swagkatǝm, jǝbɔ katǝm dagdag, jǝbɔ kulkotǝm, jǝbɔ kalkatǝm dun, jǝbɔ dʊʊlǝn dul, jǝbɔ fʌmʌn.

Luka 3:14

Sʊwajaamtɨnɔ tʌji ja bʌ gǝn gɔ, “A nǝnɔ n wɛ nǝn maa lɛɨ?” Nǝngɔ a jǝla ji gɔ, “Bɛ ka jǝ́ wul lɛ nǝbɔ nǝn kwaan, bɛ ka jǝ́ maa lɛ gabakɛl a dul nǝbɨɨ, sǝ ja nǝ jen kemʌn. Jǝ́ buu kang nǝn jʊ nɨ jǝ ywa jen nɛɨ.”

Luka 8:14

Dʊʊm nɨ a tǝla a kʊm sholaɨ, n nǝb nɨ a nyʊwa kɛl Kwaamaɨ. Na jǝ daamɨ, komʌn kanjǝl yooligɔ, jǝbɔ saatǝm shilogɔ jǝbɔ nyʊwatǝm lǝmagɔ ba bǝmǝm bɨlǝngkɛlɔ. Mɨ jǝ maa jǝ nya lɛɨ.

Roma 1:29

Nǝl jinɔ a yii nǝn kanjǝl shil gwam, jǝbɔ maajɨ bwɨlan, jǝbɔ wɛl, jǝbɔ katǝm naa. Nǝl jinɔ a yii nǝn nungon, jǝbɔ jʌtǝm dul, jǝbɔ gʊbkatǝm, jǝbɔ swagkatǝm, jǝbɔ maatǝm kii. Kaamɨ n nǝb yʊʊlakatǝm,

1 Korinti 5:11

Mǝ mʊla jem mǝʊ, ka jǝ́ mʊrka lɛ dul jǝbɔ nʊ nɨ pʌd jǝ jo gǝn nɛ gɔ, kɛ nǝ bwangtǝmɨ, wʊnɨ maa bulon nɛɨ, jǝbɔ wɛl, jǝbɔ bwangtǝm shom, jǝbɔ tuwolatǝm tuwol, jǝbɔ nɔɔtǝm bʊgɛ ya maa gǝn nɛɨ, jǝbɔ jatǝm mɨbam. Ka jǝ́ ja lɛ jǝjalǝn jǝbɔ nǝb nɨ.

1 Korinti 6:10

jǝbɔ nǝbkuumɔ, jǝbɔ nǝb wɛlɔ, jǝbɔ nǝbɔ a nɔɔ bʊgɛ maa ji lɛɨ, jǝbɔ nǝb tuwolatǝm tuwolɔ, jǝbɔ nǝb jatǝm mɨbamɔ, mɨsɔ jǝ nya kʊla fɔlɔn lɔ Kwaamaɨ lɛ.

2 Korinti 4:9

Ja ku naa ja fa nǝm, a dǝg bɔ Kwaama a bǝla nǝn. Jǝ gʊba nǝn nɛ a tǝm, a dǝg nǝn bɔ nǝ bʊla.

Afisa 5:3

Bɛ ka jǝ́ kiyomtǝn nɛ kɛl a dul bulon jǝbɔ maajɨ kalalɨ, jǝbɔ wɛl a kʊm jen. Sʊwatǝm kɛl a dul bwɨlangkɛltɨn nɨɨ, a bʊm bɔ a kʊm nǝb sagsagɨɨ.

Afisa 5:5

Bɛ jǝ́ nyǝm, nǝ maatǝm bulon, jǝbɔ nǝ maatǝm bwɨlan, jǝbɔ nǝ wɛl (gɔ jǝbɔ nǝ bwangtǝm shom pʌd jǝ win), mɨsɔ jǝ dɔ fɔlɔn lɔ Kiristii lɛ jǝbɔ a Kwaamaɨ.

Kolosii 3:5

Gǝ na nyɔ bɛ jǝ́ jǝgǝm nǝl jenɔ a wɛl yooligɔ gǝm, bulon, jǝbɔ maajɨ kalalɨ, jǝbɔ wɛl bwɨla, jǝbɔ bwɨlang nǝlǝn, jǝbɔ konatǝm nu wʊnɨ tǝgǝn n bwangtǝm shomi.

1 Timoti 3:3

Ke bɔ nǝ nɔɔtǝm jʊ nɨ maa gǝn nɛɨ, ke bɔ nǝ saatǝm kɨlan, n nǝ shigtǝm dul, ke bɔ nǝ tʊlǝm, ke bɔ nǝ swɨtǝm kemʌn.

2 Bitrus 2:14

Wɛl maatǝm bulon a daa ji woi kwangkwang. Ja bo bɔ nǝn maatǝm bwɨlangkɛl. Jǝ swag nǝb nɨ lɛ mɨ nǝn kwaan a nǝtǝm bɨlǝngkɛlɨ. Nǝl jinɔ a yii nǝn wɛl. Dʊʊm nɨ Kwaama lag ji lag, mɨ nyǝmatǝm wo.

2 Bitrus 2:3

Nǝb mɛlalɨ gabakɛl nɨɨ, nǝb wɛl. Jǝ swag jen swag nǝn fulon kɛltɨn nɨ ja fɛkaɨ. Ja kwɛl ja mwatɨ jim mwatɨ borangɔ. Nʊ nɨ dǝg ji lɛ a lɔ kǝlaɨ, yam ji lɛ.

Yahuza 1:11

N mwɛ jin! Ja bwangtǝn gola Kayinui. Ja maa jʊ Balamu a maa a bʊm bɨɨ, ja ya wɛl jinɔ a dul kemʌn. A dul kanjǝl nɨ gwam ja maaɨ, jǝ jʌbo ji jʌbo kanga ja jʌm Kora a tʊlǝm gǝnɔ gǝmɨ.