Ibranii 13:20 - Dadiya NT

²⁰ Bɛ Kwaama nɨ nǝ yɨm kwamɨgǝn nɛɨ, wʊnɨ a gung Tɛlalɔ bǝn Yesu a bwaaɨ, gʌleng nǝ tɔɔtǝm kwamɨ nɨ a gola tʊʊm nɨ nʊng swatǝm yaa nɨ lɛ mɨ dɨtǝm woi,

Ibranii 13:20 ပူးပေါင်းရင်းမြစ်များ

Matta 26:28

Wʊnɨ n tʊʊm swatǝm yaa mǝndɨ, wʊnɨ ja tǝla nǝbɔ gǝm lɛ a lada a kɛl kǝlǝmtǝm bwɨlangkɛl jini.

Markus 14:24

Nǝngɔ a sʊwa ji gɔ, “Wʊnɨ nǝn gɔ tʊʊm swatǝm yaa mǝndɨ, wʊnɨ mǝ tǝla lɛ a kɛl dul nǝbɨɨ a ladaɨ.

Luka 22:20

A gul jatǝm jǝjalǝnɔ gǝm, nǝngɔ a do kʌshigɔ a sʊwa gɔ, “N swatǝm yaa tʊʊm mǝndɨ wʊnɨ ja tǝla a kɛl dul jeni.

Yohana 10:11

“Nǝmǝ mǝ nǝ tɔɔtǝm kwamɨ nyaɨ. Nǝ tɔɔtǝm kwamɨ nyagɔ, gǝ nǝ nǝ kʊlɨ gǝnɔ a dul kwamɨtɨn.

Yohana 10:14

“Nǝmǝ mǝ nǝ tɔɔtǝm kwamɨtɨn nyaɨ. N nyǝm a mǝndɨ, a mǝndɨ a nyǝm ɨ,

Maajɨ Bɛtɔ Twamagɨɨ 13:30

Nǝngɔ Kwaamagɔ a gung gǝn a bwaagɔ gǝmɨ.

Maajɨ Bɛtɔ Twamagɨɨ 17:31

A ya kum nɨ ba gǝ maam yooligɔ gǝm borang bɨlǝngkɛl lɛɨ, a daagɔ nʊ nɨ ga jǝgǝmɨ. Kwaama a nʊng nǝbɔ gwam jʊ nɨ a daagɔ nʊ nɨ a gung a bwaaɨ.”

Maajɨ Bɛtɔ Twamagɨɨ 2:24

Nǝngɔ Kwaama a gung gǝn nǝn kʊlɨɨ, a jǝg gǝn a kwaan bwaagɔ gǝmɨ. Bwaagɔ a dwal bɔ a ta gǝn.

Maajɨ Bɛtɔ Twamagɨɨ 2:32

Kwaama a gung Yesu nɨ a bwaa, pʌd gwam nǝnɔ nǝn kuwo kuwoi nǝn nu nǝn.

Maajɨ Bɛtɔ Twamagɨɨ 3:15

Nǝngɔ jǝ́ jʌ nʊ nɨ nǝn gɔ jʌng kʊlɨgɨɨ. Kwaama a gung gǝn a bwaagɔ gǝm. Nǝn nǝ yǝlam nǝb nɨ a kuwo kanjǝl nɨɨ.

Maajɨ Bɛtɔ Twamagɨɨ 4:10

Bɛ jǝ́ nyǝm pʌd gwam jenɔ jǝbɔ nǝbɔ Israilaɨ gwam, n mʊgɔ dun Yesu Kiristii, Bwɛ Nazarat wʊnɨ jǝ́ kʊʊ a dʌbʌl tɨyaɨ, wʊnɨ tag Kwaama a gung gǝn a bwaaɨ, n kɛl dul gǝn nʊ nɨ tɨm a kǝga jen kwamɨgǝnɨ.

Maajɨ Bɛtɔ Twamagɨɨ 5:30

Kwaama tʊgalam bǝnɨ a gung Yesu, wʊnɨ jǝ́ jʌ gǝn a dʌbʌl tɨya kʊʊtǝmɨ.

Roma 1:4

A yʊwa gǝnɔ nɨ sagsagɨ, Kwaama a jǝg gǝn nǝn kwaan gǝn a yǝlam Bʊla gɔ a gola gungtǝm gǝn a bwaa, nǝn gɔ nǝn Yesu Kiristi Tɛlalɔ bǝn.

Roma 10:7

“Bɛ ka ń sʊwa lɛ tag mɔʊ, ‘Nuwo gǝla lɛ a nǝl tǝmɨ?’ ” (Sǝ a gung Kiristi a bwaaɨ.)

Roma 15:33

Bɛ Kwaama nɨ nǝ yɨm kwamɨgǝn nɛɨ, a yɨ dakini jǝbɔ jen gwam. A daa nyɔ.

Roma 16:20

Kwaama nɨ nǝ yɨm kwamɨgǝn nɛɨ, fala fala Mammɔ mɨsɔ kʊta lɛ, sǝ a nǝ kwaan jen a dul gǝn. Bɛ lǝma Tɛlalɔ Yesui a yɨ jǝbɔ jen.

Roma 8:11

Na Yʊwa nɨ a gung Yesu a bwaaɨ yǝm a nǝl jeni, nʊ nɨ a gung Kiristi Yesu a bwaaɨ fulo fulo nǝn bʊtɔ jenɔ nɨ n bwaaɨ, a gola Yʊwa gǝnɔ nɨ yǝm a nǝl jeni.

1 Korinti 14:33

Jʊ a bwɨɨ, Kwaama n ke bɔ Kwaama bwaalɨ, n Kwaama yɨm kwamɨgǝn. Kanga kaam mʊrkalɨ nǝb bwangtǝm Kwaamaɨ maa lɛɨ, bɛ jǝ́ maa nyɔ tʌjen.

1 Korinti 15:15

A yǝlam nǝn gabakɛl lɛ a dul Kwaamaɨ, jʊ a bwɨɨ nǝn sʊwa nǝn gɔ Kwaama a gung Kiristi, a wʊnɨ a gun bɨɨ, na na n bɨlǝngkɛlɨ Kwaama a gung bɔ bwaagɔ.

1 Korinti 6:14

Kwaama gung gung bʊtɔ bǝnɔ a bwaa nǝn kwaan gǝnɔ, kanga a gung Tɛlalɔ a bwaaɨ.

2 Korinti 13:11

A dɨltǝmɔ gǝmɨ, kambɔ, bǝ kuwoka kaa di. Jǝ́ yii nǝl jenɔ dangǝn. Jǝ́ nyʊwa keli mǝndɨ. Jǝ́ yɨ yɨm kwamɨgǝn a bʊtɔ jen. Jǝ́ yɨ nǝn yʌbtǝm nǝl. Kwaama n nǝ nǝtǝm yɨm swɨkan jǝbɔ yʌbtǝm nǝl, yɨ yɨ dakini jǝbɔ jen.

2 Korinti 4:14

Nǝ nyǝm nyɔ Kwaama nɨ a gung Tɛlalɔ Yesu a bwaaɨ, gǝ tǝgǝn gung nǝn gung a gola Yesui. Bɛ bɛ nǝn nǝn jǝbɔ jen a kǝga gǝn.

Galatiya 1:1

Nǝmǝ mǝ Bulus bwɛ twama, wʊnɨ ke bɔ a daagɔ nǝfitʌmi, ke bɔ nǝfili a twam ɨɨ. Nǝn Yesu Kiristi jǝbɔ Tɛtɛ Kwaama, wʊnɨ a gung gǝn a bwaaɨ, a twam ɨɨ.

Afisa 1:20

a gung Kiristi a bwaaɨ, a nǝ gǝn yɨm a kang jajǝng gǝn a dʌbʌl kwamaɨ.

Filibii 4:9

Jʊ nɨ jǝ́ mɛlaɨ, jǝbɔ jʊ nɨ jǝ́ yoi, jǝbɔ jʊ nɨ jǝ́ nyʊwaɨ, jǝbɔ jʊ nɨ jǝ́ kuwo a daa mǝ woi, bɛ jǝ́ ya a mɛlalɨ. Na jǝ́ maa nyɨɨ, Kwaama nǝ nǝtǝm lǝma yɨ yɨ jǝbɔ jen.

Kolosii 2:12

Ja fʌl jen jǝbɔ gɔ a gola yʊtǝm mwɛ sagsag, ja gung jen jǝbɔ gɔ a gola nǝtǝm bɨlǝngkɛl a kwaan Kwaamaɨ, wʊnɨ a gung gǝn a bwaaɨ.

1 Tasalonikaɨ 1:10

Ja sʊwa kanga jǝ́ yam yǝlatǝm Bʊla gɨɨ nɨ lɛ a dʌbʌl kwamaɨ, wʊnɨ a gung a bwaaɨ, nǝn gɔ nǝn Yesu, wʊnɨ jǝg bǝn nɛ a mʊgɔ nabwɨl Kwaamaɨ nɨ bɛ lɛɨ.

1 Tasalonikaɨ 5:23

Bɛ Kwaama nǝn kang gǝn, Kwaama nɨ dǝg yɨm kwamɨgǝn nɛɨ, a dǝg jen jǝ́ yǝlam nǝb sagsag. Bɛ kʊlɨ jenɔ jǝbɔ nǝl jenɔ jǝbɔ bʊtɔ jenɔ pʌd a yǝlam mɨ nǝn jǝ tuwol a yɔ nǝn a kum yǝlatǝm Tɛlalɔ bǝn Yesu Kiristii.

2 Tasalonikaɨ 3:16

Bɛ Tɛlalɔ nɨ bɛ lɛ nǝn yɨm kwamɨgǝnɨ a nǝ jen yɨm kwamɨgǝn kwangkwang a daa nɨ jǝ́ nya dul jenɔ woi. Bɛ Tɛlalɔ a yɨ dakini jǝbɔ jen gwam.

Ibranii 10:22

bɛ bǝ bɨtʌgo a daa Kwaama woi nǝn nǝlɔ win jǝbɔ yiitǝm nǝtǝm bɨlǝngkɛl, jǝbɔ nǝl sagsag wʊnɨ ja saalǝm mɨ jǝ gunidul woi, jǝbɔ bʊtɔ bǝnɔ nɨ ja saalǝm nǝn mwɛ sagsagɨɨ.

Ibranii 10:29

Nʊ nɨ a soga Bʊla Kwaamaɨ, a kal tʊʊm swatǝm yaa nɨ a dǝg gǝn ga yǝlam sagsagɨ, a tuwo Yʊwa lǝmagɨɨ, n borang bwɨla won laa jǝ maa gǝm lɛɨ.

Ibranii 9:20

Sʊwa lɛ gɔ, “Wʊnɨ nǝn gɔ n tʊʊmɔ nʊng swatǝm yaa nɨ lɛɨ, wʊnɨ Kwaama a maa a dul jeni.”

1 Bitrus 1:21

N gola gǝn jǝ́ nǝ bɨlǝngkɛl a daa Kwaama woi, nʊ nɨ a gung gǝn a bwaa a nǝ gǝn dʊʊlǝnɨ. Sǝ nǝtǝm bɨlǝngkɛl jenɔ a daagɔ Kwaama woi jǝbɔ yatǝm nǝl jenɔ tag a yǝlam a Kwaamaɨ.

1 Bitrus 2:25

Galɨgǝn, jǝ́ lɛla lɛlaɨ na kwamɨtɨn. Kǝngkɔ jǝ́ yǝla jǝ́ bɛ a daagɔ Nǝ tɔɔtǝmɔ woi, nʊ nɨ kɨla kʊlɨtɨn jenɔ lɛɨ.

1 Bitrus 5:4

Na Fɔlɔ Nǝ Tɔɔtǝm kwamɨ nɨ a bɛɨ, jǝ́ nya nya dwang dul dʊʊn nɨ mɨsɔ dumo lɛ woi.