Ibranii 13:15 - Dadiya NT

¹⁵ Bɛ ya bǝ maa bǝlátǝm Kwaamaɨ lɛ a gola Yesui, bǝlátǝm nɨ na tǝlatǝm twama ya bǝ maa lɛɨ, bǝ gung dun gǝnɔ lɛ.

Ibranii 13:15 ပူးပေါင်းရင်းမြစ်များ

Matta 11:25

A kwama gɔ nǝngɔ Yesu a sʊwa gɔ, “Tɛtɛ, Tɛlalɔ dʌbʌlɔ jǝbɔ tǝmɔ, n buu mʊn kang mʊ yʊ nǝb yʊlanɔ jǝbɔ nǝb nyǝmtǝmɔ kanjǝl nɨɨ, mʊ nʊng bɛtɔ dwalǝnɨ.

Luka 10:21

Nǝn kwama gɔ, Yesu maa fulotǝm nǝl lɛ nǝn Yʊwa Kwaamaɨ, a sʊwa gɔ, “Tɛtɛ, Tɛlalɔ dʌbʌlɔ jǝbɔ tǝmɔ, n buu mʊn kang mʊ yʊ nǝb yʊlanɔ jǝbɔ nǝb nyǝmtǝmɔ kanjǝl nɨɨ, mʊ nʊng bɛtɔ dwalǝnɨ. Tɛtɛ, n jʊ mʊ swɨ maatǝmɨ.

Yohana 10:9

Nǝmǝ mǝ nyangagɨɨ, nʊ nɨ a dɔ a gola mɨɨ, bʊʊ bʊʊ. Gǝ dɔ dɔ, sǝ a jel, ya saa jǝjalǝn.

Yohana 14:6

Yesu a jǝla gǝn gɔ, “Nǝmǝ mǝ golaɨ, nǝmǝ mǝ bɨlǝngkɛlɨ, nǝmǝ mǝ kʊlɨ tagɨ. Mɨ nʊ nɨ wo yɔ lɛ a daagɔ Tɛtɛ woi, na ke bɔ a gola mɨɨ.

Roma 12:1

A dul kɛl nɨ kambɔ, mǝ kela jen nɛ a dul bʊnatǝm Kwaamaɨ, jǝ́ nǝ bʊtɔ jenɔ jǝ twɨtǝm yulʌn wʊnɨ nǝn kʊlɨɨ, wʊnɨ sagsagɨ, wʊnɨ fulo Kwaama gǝm nǝl lɛɨ. Wʊnɨ nǝn gɔ bǝlátǝmɔ nyangǝnɨ.

Roma 6:19

Mǝ sʊwa jen kɛl nǝfitʌmi, jʊ a bwɨɨ jǝ́ gɨya a bʊʊlalɨ jenɔ gǝm. Kanga galɨgǝn jǝ́ nǝ jinʌn bʊtɔ jenɔ a maatǝm jwaalɛn a maajɨ bwɨlanɨ, wʊnɨ sʊtǝn shil lɛɨ, kǝngkɔ bɛ jǝ́ nǝ jinʌn bʊtɔ jenɔ a bwangtǝm maajɨ dǝngdǝng, wʊnɨ yɔ lɛ nǝn jen jǝ́ yǝlam sagsagɨ.

Afisa 2:18

N daa gǝ woi gwam bǝnɔ yo bǝ nya bɛtǝm a daagɔ Tɛtɛ woi a gola Yʊwagɔ wini.

Kolosii 1:12

Bɛ jǝ́ buu Tɛtɛ gǝm kang, wʊnɨ a dǝg jen jǝ́ nya kʊla nǝb sagsag nɨ a mʊgɔ fɔlɔn nyalǝmɨ.

Ibranii 12:28

A dul kɛl nɨ, bɛ bǝ buu kang, jʊ a bwɨɨ bǝ nya nya fɔlɔn nɨ mɨ mǝgatǝm woi. A na nyɔ tag bǝ maa Kwaama gǝm bǝlátǝm, jǝ yotǝm, nǝn taal jǝbɔ nǝtǝm dʊʊn nyan.

Ibranii 7:25

Gǝ na nyɔ nǝn kwaan bʊʊtǝm nǝn nǝb nɨ bɛ lɛ nǝn dɔɔm a daagɔ Kwaama woi a gola gǝn, bʊʊtǝm nɨ mɨ dɨtǝm woi, kanga nɨ kwangkwang nǝn kʊlɨɨ, kela Kwaama lɛ a kɛl dul jin.

1 Bitrus 2:5

Jen tʌjen jǝ́ na na tatǝn kʊlɨ. Bɛ Kwaama a mɔ jen na lɔ gǝnɔ nɨ nǝn yʊwaɨ, sǝ jǝ́ yǝlam nya nǝbkǝlam Kwaamaɨ sagsag, jǝ́ twɨtǝm yulʌn nyan, wʊnɨ Kwaama yo lɛɨ, a gola Yesu Kiristii.

1 Bitrus 4:11

Pʌd nʊ nɨ nǝtǝm gǝnɔ n kiyotǝm kɛlɨ, bɛ ga kiyo kɛl Kwaamaɨ. Nʊ nɨ pʌd maa tɨkalɨ lɛɨ, bɛ ga maa nǝn kwaan nɨ Kwaama a nǝ gǝnɨ, sǝ a mʊgɔ kanjǝlɔ gǝm gwam jǝ́ dʊʊl Kwaama a gola Yesu Kiristii. Bɛ dʊʊlǝnɔ, jǝbɔ fɔlɔnɔ a ta tʌgo gwanggwang a daa gǝ woi mɨ dɨtǝm wo. A daa nyɔ!