Ibranii 13:14 - Dadiya NT

¹⁴ Jʊ a bwɨɨ mɨ bǝn nǝn tuulɔ nɨ mɨ dɨtǝm woi fɔ. N tuulɔ nɨ bɛ lɛ a kǝgaɨ bǝ saa lɛɨ.

Ibranii 13:14 ပူးပေါင်းရင်းမြစ်များ

1 Korinti 7:29

Jʊ mǝ kuwo lɛɨ kambɔ, kwama nɨ Tɛlalɔ bɛm lɛɨ ya la lɛ. A kǝga nɨ, nǝb nɔɔtǝmɔ bɛ ja yɨɨ maamɔ mɨ ji nǝn.

2 Korinti 4:17

Gaalan nǝnɔ nɨ dǝmɨ, mɨsɔ tɨm dɨtǝm lɛ. Nǝn gɔ fɛka nǝm dʊʊlǝn nɨ lɛ mɨ dɨtǝm woi, wʊnɨ a laa kwaan jǝ nʊngtǝmɨ.

Afisa 2:19

Kǝngkɔ jǝ́ ke bɔ faabǝm. Jǝ́ ke bɔ Bʌtʌb. Jǝ́ nǝb yɨm dul jǝbɔ nǝb sagsagɔ. Jǝ́ nǝbɔ lɔ Kwaamaɨ.

Filibii 3:20

A bǝnɔ bǝ na a yɨm dʌbʌl. N daagɔ bǝ yam Nǝbʊʊlɨ Tɛlalɔ Yesu Kiristi bɛm lɛɨ.

Ibranii 10:34

Jʊ a bwɨɨ, jǝ́ ji bʊnǝn nǝb nɨ a lɔsomii. Jǝ́ jǝla nǝn swɨtǝm nǝl jen nǝn kanjǝlɔ ja yem jemi, jʊ a bwɨɨ jǝ́ nyǝm jen nǝn kʊlagɔ a lada, wʊnɨ mɨ yemtǝm woi.

Ibranii 12:22

A jenɔ jǝ́ bɛ, jǝ́ la Yem Sihiyonagɔ jǝbɔ Urushalima dʌbʌl kwamagɔ, tuulɔ Kwaama kʊlɨɨ. Jǝ́ bɛ a daagɔ bɛtɔ twama Kwaamaɨ, fʊlkʊblǝntɨn a mʊrka a mʊgɔ nyʊwatǝm fulotǝm nǝlɨ.

Ibranii 12:27

Sʊwatǝm kɛlɔ gɔ, “A bǝla naagɔ win tag” a nʊng tʊngatǝm kanjǝl nɨ ja mǝg mǝgɨ, kanjǝl nɨ ja fwal fwalɨ, sǝ kanjǝl nɨ mɨ gǝ mǝga lɛɨ a tɨ nǝn kwaan mɨ mǝgatǝm wo.

Ibranii 2:5

N ke bɔ a daagɔ bɛtɔ twama Kwaamaɨ woi Kwaama a ya fɔlɔn yooli nɨ bɛ lɛɨ, wʊnɨ bǝ sʊwa lɛɨ.

Ibranii 4:9

N dul kɛl nɨ a nʊng gɔ kǝngkɔ kaa tangǝn Kum Fǝbtǝm nǝb Kwaamaɨ wo, kanga Kwaama a fǝb a kum na nʌbʌli.

Ibranii 9:11

A Kiristii a bɛ kǝngkɨɨ, n dalɨ nǝkǝla na kanjǝl nyan nɨ woi. A dɔ lɔ tǝlatǝm twama wʊnɨ a laa bʊmǝnɨ, wʊnɨ n ke bɔ maatǝm nǝfilii, n ke bɔ jǝ fwaltǝm na yooli nɨ.

1 Bitrus 4:7

Dɨltǝm kanjǝlɔ gwam a dwama. A dul kɛl nɨɨ, jǝ́ yɨ nǝn fɛkalɨ, jǝ́ ta dul jenɔ sǝ jǝ́ dwal jǝ́ maa keli.

Dʊgam Nyangnyang 3:12

Nʊ nɨ a ku jelʌni, mǝ dǝg gǝn dǝg a yǝlam tɨya lɔng a mʊgɔ Kan Kwaaman Kwaama mǝndɨ. Mɨsɔ yǝla lɛ a jel wo a mʊgɔ gǝn. Mǝ mʊla mʊla dun Kwaama mǝndɨ a bʊtɔ gǝn, jǝbɔ dun Tuulɔ Dʊʊn Kwaama mǝndɨ, Urushalima fɨgɔ, wʊnɨ gǝla lɛ a dʌbʌl a daagɔ Kwaama mǝndɨ a dʌbʌl kwamaɨ. Mǝ mʊla mʊla dun fɨ mǝndɨ tag a bʊtɔ gǝn.