Ibranii 13:12 - Dadiya NT

¹² A na nyɔ Yesu tǝgǝn a nɔɔ gaalan a gul tuulɔ, sǝ a dǝg nǝbɔ a yǝlam sagsag nǝn tʊʊm gǝnɔ.

Ibranii 13:12 ပူးပေါင်းရင်းမြစ်များ

Luka 4:29

Ja gun, ja jǝg Yesu a gulen, ja shu nǝn gɔ a nyanga yem nɨ ja mɔ tuulɔngɔ woi. Jǝ swɨ lɛ ja tʊng gǝn a yal a ganga.

Yohana 17:19

N kɛl dul jin, mǝ dǝg dul mǝndɨɨ, sǝ ji tʌji ja dǝg dul jinɔ a gola bɨlǝngkɛl.

Yohana 19:34

Nǝngɔ kaa win a kʊm sʊwajaamtɨnɔ a kul Yesu nǝn yaa a gwanga baya gǝnɔ gǝmɨ, tʌgo a kang, tʊʊmɔ jǝbɔ mwɛmɔ a jel.

Maajɨ Bɛtɔ Twamagɨɨ 7:58

Ja gʊ gǝn, ja yɔ nǝn gɔ a gulen, jǝ mala gǝn nɛ nǝn tatǝn, jǝ swɨ lɛ ja jʌ gǝn. Nǝngɔ nǝb dʌngi nugɔ a ya dwangtɨn jinɔ a daa kaa bwayǝlɨ woi, dun gǝnɔ nǝn Shawulu.

1 Korinti 6:11

Kaam jenɔ jǝ́ na nyɔ galɨgǝn. Ja saal jen, jǝ́ sagsag. Ja dǝg jen jǝ́ yǝlam nǝb dǝngdǝng a dun Tɛlalɔ Yesu Kiristii, jǝbɔ Yʊwa Kwaama bǝnɨ.

Afisa 5:26

A maa nyɔ sǝ a dǝg gǝn sagsag, a gola saaltǝm gǝn nǝn mwɛ sagsag, a mʊgɔ Kɛl Kwaamaɨ,

Ibranii 10:10

N jʊ a bwɨ Kiristi a maa jʊ Kwaama swɨ lɛ a maaɨ, Kwaama a saal bǝn sagsag a gola nǝtǝm bʊtɔ Yesu Kiristii naa win swar mɨ sʊtǝm wo.

Ibranii 10:29

Nʊ nɨ a soga Bʊla Kwaamaɨ, a kal tʊʊm swatǝm yaa nɨ a dǝg gǝn ga yǝlam sagsagɨ, a tuwo Yʊwa lǝmagɨɨ, n borang bwɨla won laa jǝ maa gǝm lɛɨ.

Ibranii 2:11

Yesu nɨ saal nǝb lɛ sagsagɨ, jǝbɔ nǝb nɨ ga saalǝmɨ, gwam jinɔ dʊʊmɔ win. N jʊ a bwɨ mɨ nyʊwa gunidul jotǝm jinɔ lɛ gɔ kɛtǝlam gǝnɨ.

Dʊgam Nyangnyang 14:20

Nǝngɔ ja falam tʊʊl fogfogi nɨ a mʊgɔ sungli nɨ a gul tuulɔɨ. Tʊʊmɔ gǝla lɛ a yamtǝm tʊʊl fogfogi nɨ tushitǝm gǝnɔ a la dwang nyiyo tʊwa, somʌn gǝnɔ a la mɛlɔ fʊlkʊb yo (200).