Ibranii 12:23 - Dadiya NT

²³ Jǝ́ la mʊrkalɨ nǝb bwangtǝm Kwaamaɨ nɨ a jo nǝn tɨkǝgaɨ, nǝb nɨ ja mʊla dun jinɔ a dʌbʌl kwamaɨ. Jǝ́ bɛ a daagɔ Kwaama woi, wʊnɨ nǝn gɔ maa nǝfitʌmɔ gǝm borang lɛ gwamɨ. Jǝ́ bɛ a daagɔ dʊʊmɨ nǝfitʌm nɨ dǝngdǝngɨ, nǝb nɨ Kwaama a dǝg ji mɨ nǝn dutoi.

Ibranii 12:23 ပူးပေါင်းရင်းမြစ်များ

Luka 10:20

Ka jǝ́ maa lɛ fulotǝm nǝl jengɔ kwaan jenɔ a laa a nǝblaamɨ. Bɛ jǝ́ maa fulotǝm nǝl nǝn dun jenɔ ja mʊla a dʌbʌli.”

Yohana 5:27

A nǝ gǝn fɔlɔn maatǝm borangɔ, jʊ a bwɨɨ, gǝ nǝn Bʊla Nǝlɨ.

Maajɨ Bɛtɔ Twamagɨɨ 20:28

Jǝ́ kɨla dul jenɔ jǝbɔ kʌm nɨ Yʊwa Kwaamaɨ a dǝg jǝ́ yǝlam nǝb tɔɔtǝmɨ. Jǝ́ ja kǝga nǝn tɔɔtǝm mʊrkalɨ nǝb bwangtǝm Kwaamaɨ, wʊnɨ a ten dul gǝnɔ gǝm nǝn tʊʊm Bʊla gɨɨ.

1 Korinti 13:12

Kǝngkɔ maamɔ bǝ dʌng a bwaala duddugi. Kwama gɔ bǝ kuwo kuwo kǝga jǝbɔ kǝga. Kǝngkɔ nyǝmtǝm mǝndɨ a dwal. A kwama gɔ mǝ nyǝm nyǝm dangǝn, kanga Kwaama a nyǝm ɨ kǝngkɨɨ.

1 Korinti 15:49

Kanga ja bʌ bǝn bǝ do jelkalǝng nǝfilii, n kanga bǝ do jelkalǝng nʊ nɨ lɛ a dʌbʌli.

1 Korinti 15:54

Na bʊtɔ nɨ bʊta lɛɨ a fʌto bʊtɔ nɨ mɨsɔ bʊta lɛ woi, na bʊtɔ nɨ bʊla lɛɨ a fʌto bʊtɔ nɨ mɨsɔ bʊla lɛ woi, kɛl nɨ ja mʊlaɨ a yii, wʊnɨ sʊwa lɛ gɔ, “Ja kaa bwaagɔ, ja ku jelʌn a dul gǝn.”

2 Korinti 5:8

Nǝn nǝn bɨtǝm nǝl. Nǝn swɨ lɛ na laa laa jǝl nǝn wʊlaka nǝn bʊtɔ nɨɨ, nǝn yɨ a daagɔ Tɛlalɔ woi.

Afisa 1:22

Kwaama a dǝg kanjǝlɔ gwam a mʊgɔ kwaan Kiristii. A dǝg gǝn a yǝlam dul a kanjǝlɔ gǝm gwam, a kɛl mʊrkalɨ nǝb bwangtǝm Kwaamaɨ.

Filibii 4:3

Mʊ fwalɨ maajɨ mɨ, mǝ kela ń nɛ, bɛ ń tɨka nɔɔtǝm nɨ ja maa maajɨ jǝbɔ mǝ jǝbɔ Kilemas jǝbɔ tangǝn fatǝm maajɨ mǝndɨ a dul fulon kɛl lǝmɨ. Duntɨn jinɔ a mʊgɔ langǝn bwangǝn kʊlɨ.

Kolosii 1:12

Bɛ jǝ́ buu Tɛtɛ gǝm kang, wʊnɨ a dǝg jen jǝ́ nya kʊla nǝb sagsag nɨ a mʊgɔ fɔlɔn nyalǝmɨ.

Kolosii 1:24

Kambɔ mǝ nyʊwa fulotǝm nǝl lɛ nǝn gaalan nɨ mǝ nɔɔ lɛ a kɛl dul jeni. A bʊtɔ mɨ mǝ yii tangǝn jʊ nɨ lɛ a taam a gaalan Kiristii, wʊnɨ ja ya mɨ a kɛl bʊtɔ gǝnɨ, wʊnɨ n mʊrkalɨ nǝb bwangtǝm Kwaamaɨ.

1 Timoti 3:5

Na nǝl a nyǝm bɔ kanga gǝ yɔm lɛ nǝn lɔ gǝnɨ, la dʌng mʊrkalɨ nǝb bwangtǝm Kwaamaɨ nyǝn?

Ibranii 11:4

N gola nǝtǝm bɨlǝngkɛl Habila a tǝla Kwaama gǝm twama a laa a Kayinui bʊmǝnɨ. N gola nǝtǝm bɨlǝngkɛl a nya jǝlatǝm Kwaamaɨ gɔ, gǝ nǝ dǝngdǝngɨ, jʊ a bwɨɨ Kwaama a jǝla nǝn gɔ, a yo tǝlatǝm twama gǝnɨ. Habila a bʊla bʊlaɨ, n gola nǝtǝm bɨlǝngkɛl gǝn sʊwa kɛl lɛ ba la nǝn a kɔkɔ dwiyeni.

Ibranii 11:40

Jʊ a bwɨɨ Kwaama a fɛka bǝm kaa jʊ nɨ a bʊm bʊmɨ. Jǝ yii yii nyɔ na bǝ dakini bǝnɔ jii.

Ibranii 2:12

A sʊwa gɔ, “Mǝ sʊwa sʊwa dun mʊnɔ a daa kɛtǝlam mǝndɨ woi. A tɨbǝl mʊrkalɨ nǝb bwangtǝm Kwaamaɨ, mǝ bǝlá ń bǝlá ń nǝn nafɨ.”

Ibranii 9:27

Ja ya nǝfili gǝm bwaagɔ naa win swar. A gulɔ gǝmɨ n borang.

Yakubu 1:18

Kwaama a do a mʊgɔ nǝl gǝn gɔ gǝ dǝg bǝn bǝ yǝlam bɛtɔ lɔ gɨɨ a gola nǝtǝm bǝn kɛl bɨlǝngkɛl gǝnɔ, sǝ a dǝg bǝn bǝ yǝlam nǝb dʊʊm a kanjǝl nɨ ga fwalɨ.

1 Bitrus 2:23

Nǝn kwama ja tuwo gǝnɨ, a yǝla bɔ a tuwo ji. Nǝn kwama a nɔɔ gaalan tagɨ, a wum bɔ nyiyo. A ya nǝl a daagɔ nǝ maatǝm borang dǝngdǝngɔ woi.

Dʊgam Nyangnyang 13:8

Nǝb nɨ yǝm gwam a yooli nɨɨ, jǝ jʊng jʊng ja maa yʊwal bwɨla nɨ gǝm bǝlátǝm, na ke bɔ nǝb nɨ a tǝltǝm yooli nɨ ja mʊla dun jinɔ a mʊgɔ langǝn bwangǝn kʊlɨ nɨɨ. Langǝn bwangǝn kʊlɨ nɨ na a Bɛ Gal nɨ ja biyoi.

Dʊgam Nyangnyang 14:4

Nǝb nɨ n nǝbɔ a maa bɔ jǝ bwɨlan wo na buloni, jǝ nǝb sagsag. Nǝji jǝ bwangtǝn Bɛ Gal nɨ lɛ a daagɔ yɔ lɛ wo gwamɨ. Nǝji ja ten ji a kʊm nǝbɨɨ, nǝji jǝ bɨtǝm tɨkǝgagɔ ja nǝ Kwaama jǝbɔ Bɛ Gal nɨɨ.

Dʊgam Nyangnyang 20:15

Nʊ nɨ ja mʊla bɔ dun gǝnɔ a mʊgɔ langǝn bwangǝn kʊlɨɨ, jǝ mam gǝn fʌlen a mʊgɔ gʌto kǝla.

Dʊgam Nyangnyang 6:11

Nǝngɔ ja tǝga ji bɛllɛ fulontɨnɔ gwam jini. Nǝngɔ ja sʊwa ji gɔ ja fǝb dǝm, a yɔ nǝn a kwama nɨ ja yii dǝngdǝng ladatǝm fatǝm nǝb bwangtǝm jini, kɛtǝlam jinɔ, tangǝn nǝbɔ wo jǝ jʌbo lɛɨ kanga ja jʌbo jii.

Dʊgam Nyangnyang 6:9

Nǝn kwama Bɛ Gal nɨ a gwal mɛl na nʊgɨɨ, n kuwo kʊlɨtɨn nǝb nɨ ja jʌbo a dul kɛl Kwaamaɨ, jǝbɔ nǝtǝm nyiyo a kɛl Kwaamaɨ ja maaɨ. N kuwo ji a sʊʊ daa twɨtǝm yulʌn.