Ibranii 12:16 - Dadiya NT

¹⁶ Ka kaa nǝl ya yǝlam lɛ nǝ bulon jǝbɔ nǝ kɔtǝm Kwaamaɨ na Isuwa, wʊnɨ n kɛl jatǝm jǝjalǝn naagɔ win a miyo dʊʊn bʌtʌm gǝnɨ.

Ibranii 12:16 ပူးပေါင်းရင်းမြစ်များ

Markus 7:21

Bʊʊlalɨ bwɨlagɔ gǝ jel a mʊgɔ nǝl nǝlɨ, bwɨlan, jǝbɔ kuul, jǝbɔ jʌtǝm dul, jǝbɔ bulon,

Maajɨ Bɛtɔ Twamagɨɨ 15:20

Bɛ bǝ mʊla jim langǝn bwangǝn bǝ sʊwa ji ka ja ja lɛ jǝjalǝn nɨ ja tǝlam shomɔ gǝm twamaɨ, ka ja maa lɛ bulon, bɛ ka ja ja lɛ nam nɨ ja mʌlʌm mʌlʌmi kwɨlɨ, ka ja nɔɔ lɛ tʊʊm.

Maajɨ Bɛtɔ Twamagɨɨ 15:29

Kanjǝl nɨ nǝn gɔ: Bɛ ka jǝ́ ja lɛ kanjǝl nɨ ja tǝlatǝm shomɔ gǝm twamaɨ, ka jǝ́ nɔɔ lɛ tʊʊm, ka jǝ́ ja nam nɨ ja mʌlʌm mʌlʌmi kwɨlɨ, ka jǝ́ maa lɛ bulon. Na jǝ́ kɨla dul jenɔ a jʊtǝb nɨ gǝmɨ, jǝ́ maa jʊ nɨ a bʊmɨ. Jǝ́ yɨ kwamɨgǝn.

1 Korinti 10:8

Ka bǝ maa lɛ bulon kanga kaamɨ a maaɨ, wʊnɨ nǝbɔ fʊlkʊblǝnɔ fʊltiyo jeli taal (23,000) ja bʊla kumɔ wini.

2 Korinti 12:21

Mǝ nyʊwa taal lɛ mǝʊ kage na n yǝla n yɔɨ, Kwaama mǝndɨ shig shig dul mǝndɨ a kǝga jen. N maa fitǝm nǝl a dul kaamɨ a lada, wʊnɨ kwama gɔ ja maa bwɨlangkɛl galɨgǝnɨ, ja yǝla bɔ ja bǝla maatǝm bulonɔ, jǝbɔ kanjǝl bwɨlan jinɔ nɨ ja maaɨ.

Afisa 5:3

Bɛ ka jǝ́ kiyomtǝn nɛ kɛl a dul bulon jǝbɔ maajɨ kalalɨ, jǝbɔ wɛl a kʊm jen. Sʊwatǝm kɛl a dul bwɨlangkɛltɨn nɨɨ, a bʊm bɔ a kʊm nǝb sagsagɨɨ.

Afisa 5:5

Bɛ jǝ́ nyǝm, nǝ maatǝm bulon, jǝbɔ nǝ maatǝm bwɨlan, jǝbɔ nǝ wɛl (gɔ jǝbɔ nǝ bwangtǝm shom pʌd jǝ win), mɨsɔ jǝ dɔ fɔlɔn lɔ Kiristii lɛ jǝbɔ a Kwaamaɨ.

Kolosii 3:5

Gǝ na nyɔ bɛ jǝ́ jǝgǝm nǝl jenɔ a wɛl yooligɔ gǝm, bulon, jǝbɔ maajɨ kalalɨ, jǝbɔ wɛl bwɨla, jǝbɔ bwɨlang nǝlǝn, jǝbɔ konatǝm nu wʊnɨ tǝgǝn n bwangtǝm shomi.

1 Timoti 1:9

Bǝ nyǝm tag ja maa bɔ diilɔ a dul nǝb nɨ dǝngdǝngɨ. Ja maa a dul nǝb nɨ kǝl diil lɛɨ, jǝbɔ nǝbɔ mɨ bwangtǝn gola lɛɨ, jǝbɔ nǝb nɨ mɨ bwangtǝn Kwaama lɛɨ, jǝbɔ nǝb bwɨlangkɛlɔ, jǝbɔ nǝb nɨ mɨ sagsagɨɨ, jǝbɔ nǝbɔ tuwo Kwaama lɛɨ, jǝbɔ nǝbɔ jʌbo tɛtǝlam jinɔ lɛ jǝbɔ nɛtǝlam jini, jǝbɔ nǝb jʌtǝm dul.

Ibranii 13:4

Bɛ naakanɔ a nya nǝtǝm dʊʊn, fiyodaalɨ naakanɔ a na sagsag. Nǝb bwɨlanɔ jǝbɔ nǝb bulonɔ Kwaama maa jim maa borang.

Dʊgam Nyangnyang 21:8

Nǝb taalɔ, jǝbɔ nǝb nɨ kǝl swatǝm yaa lɛɨ, jǝbɔ nǝb nɨ mɨ maa maajɨ bʊmɨ lɛɨ, jǝbɔ nǝb jʌtǝm dul, jǝbɔ nǝb swɨtǝm maatǝm bulon, jǝbɔ feyilʌmɔ, jǝbɔ nǝb bwangtǝm shom, jǝbɔ nǝb gabatǝm kɛl gwam, jʊ jǝ nya lɛɨ n gʌto nɨ ja kǝla lɛɨ, a fo a shii, wʊnɨ nǝn gɔ bwaa na yogɨɨ.”

Dʊgam Nyangnyang 22:15

Nǝbɔ a gul tuulɔ nɨɨ, n nǝb bwɨlan, jǝbɔ nǝb nɨ maa maajɨ feyi lɛɨ, jǝbɔ nǝb maajɨ bulon, jǝbɔ nǝb jʌtǝm dul, jǝbɔ nǝb bwangtǝm shom, jǝbɔ nǝbɔ swɨ maatǝm gabakɛl lɛ a mʊgɔ kɛltɨn jinɔ gǝm gwamɨ, jǝbɔ maajɨtɨn jinɔ.