Ibranii 12:11 - Dadiya NT

¹¹ Mwɛlɔ pʌd nǝn kwama nɔɔtǝm gǝnɨ n jǝ fitǝm nǝl. N ke bɔ jǝ fulotǝm nǝl. A gulɔ gǝm nǝb nɨ a nya mwɛl nyɨɨ, jǝ yɨ yɨ yɨm dǝngdǝng jǝbɔ yɨm kwamɨgǝn.

Ibranii 12:11 ပူးပေါင်းရင်းမြစ်များ

Roma 14:17

Fɔlɔn lɔ Kwaamaɨ n ke bɔ jatǝm jǝbɔ nɔɔtǝm. N kɛl yɨm dǝngdǝng, jǝbɔ yɨm kwamɨgǝn, jǝbɔ fulotǝm nǝl a mʊgɔ Yʊwa Kwaamaɨ.

2 Korinti 4:17

Gaalan nǝnɔ nɨ dǝmɨ, mɨsɔ tɨm dɨtǝm lɛ. Nǝn gɔ fɛka nǝm dʊʊlǝn nɨ lɛ mɨ dɨtǝm woi, wʊnɨ a laa kwaan jǝ nʊngtǝmɨ.

2 Timoti 4:8

Tangǝnɔ a bǝlaɨ n nyatǝm dwang dul maajɨ dǝngdǝng, wʊnɨ ja fɛka mɨɨ, wʊnɨ Tɛlalɔ, nǝ maatǝm borang dǝngdǝngɔ nɨ ɨ lɛ nǝn kɔkɔ dɨltǝmɨ. Ke bɔ mǝ kwaamɨ, pʌd jǝbɔ nǝb nɨ ya nǝl lɛ a bɛtǝm gǝnɔ gǝmɨ.

Ibranii 12:10

Ji ja mwɛ bǝn a kǝlɨ kwama nǝn dǝm nyɔ kanga ja kuwo a bʊmɨ. A Kwaamaɨ gǝ mwɛ bǝn a jʊ nɨ bʊm bǝm lɛɨ, sǝ bǝ mʊrka dul jǝbɔ gɔ a mʊgɔ sagsag gǝnɔ gǝm.

Ibranii 5:14

Jǝjalǝn kwamɨgɔ na a nǝb nɨ a dʊʊlɨ, nǝb nɨ bʊʊlalɨ jinɔ a nya mwɛl dwiyen jǝbɔ kwangkwangɨ. Ja nyǝm jǝ nyan jǝbɔ jǝ bwɨla.

1 Bitrus 1:6

N kɛl dul jʊ nɨ jǝ́ nya fulotǝm nǝl nyangǝnɨ. Nɔɔtǝm gaalan jenɔ nɨ jǝ́ nyʊwa lɛ kǝngkɨɨ, mɨsɔ kʊta lɛ.

2 Bitrus 2:14

Wɛl maatǝm bulon a daa ji woi kwangkwang. Ja bo bɔ nǝn maatǝm bwɨlangkɛl. Jǝ swag nǝb nɨ lɛ mɨ nǝn kwaan a nǝtǝm bɨlǝngkɛlɨ. Nǝl jinɔ a yii nǝn wɛl. Dʊʊm nɨ Kwaama lag ji lag, mɨ nyǝmatǝm wo.