Ibranii 12:1 - Dadiya NT

¹ Na nɨ mʊrkalɨ nǝb nǝtǝm nyiyogɔ a lada nyɔ ja kang bǝn jǝ dʌng bǝn nɛɨ, bɛ bǝ tǝlam kanjǝl tuulogɔ jǝbɔ bwɨlangkɛl nɨ a ta bǝn gʊ bǝn nɛ nǝn guli, bɛ bǝ mwal sʊgɔl laakatǝm nɨ a kǝga bǝnɨ nǝn kʊtǝm nǝl.

Ibranii 12:1 ပူးပေါင်းရင်းမြစ်များ

Matta 10:22

Nǝbɔ kɔ jen kɔ a kɛl dul mɨ. Nʊ nɨ a kʊ nǝl a yɔ nǝn a dɨltǝmɨ, bʊʊ bʊʊ.

Matta 24:13

Nʊ nɨ a kʊ nǝl a yɔ nǝn a dɨltǝmɨ, bʊʊ bʊʊ.

Markus 10:50

Nǝngɔ a mǝlam dwang kwabtǝm gǝnɨ, a gun a mɔ a dʌbʌli, a bɛ a daa Yesu woi.

Luka 12:15

A sʊwa ji gɔ, “Bɛ jǝ́ nyǝm, ka jǝ́ maa lɛ wɛl kanjǝl. Kanjǝl nɨ nǝl a mʊr a lada nyɨɨ, mɨsɔ nǝ gǝn kʊlɨ lɛ.”

Luka 16:28

Mǝ nǝngǝn nǝn kɛtǝlam batǝnɔ nʊ sǝ a gʊ jim lɔl a kɛl bwangtǝn Kwaamaɨ, kage ba ja dɔ daa gaalan nɨ.’

Luka 21:34

“Jǝ́ yɨ nǝn fɛkalɨ. Bɛ ka jǝ́ jǝla lɛ jatǝmɔ, jǝbɔ nɔɔtǝmɔ, jǝbɔ komʌn kanjǝl yooli nɨ a tangǝm nǝn jen a bwangtǝm mɨ, kage kɔkɔgɔ ba do jen nǝn dul

Yohana 3:32

Gǝ nǝ nyiyo a jʊ nɨ ga nyʊwaɨ jǝbɔ jʊ nɨ ga kuwoi sul, mɨ nǝn nʊ nɨ a jǝla nǝn kɛl gǝnɨ.

Yohana 4:39

Nǝbɔ Samariyaɨ a lada a tuulɔ gɔ ja nǝ bɨlǝngkɛl a daagɔ Yesu woi, a dul kɛlɔ nɔɔlɨ a sʊwa ji gɔ, “A sʊwa ɨ kanjǝl nɨ gwam mǝ maa woi.”

Yohana 4:44

(Yesu nǝn kang gǝn a sʊwa ji gɔ, “Nǝkuwotǝmkǝga mɨ nya dʊʊn nɛ a tǝm gǝn.”)

Roma 12:12

Bɛ yatǝm nǝl jenɔ a dǝg jen fulotǝm nǝl. Jǝ́ bwa nǝl jenɔ a kwama gaalan. Jǝ́ ja kǝga nǝn maatǝm keligɔ.

Roma 2:7

Nǝ nǝ kʊlɨ nɨ mɨ dɨtǝm woi a nǝb nɨ a ja kǝga nǝn maatǝm jǝ nyaɨ, nǝb nɨ saa dʊʊlǝn nɛ jǝbɔ gungtǝmɨ.

2 Korinti 7:1

Jǝ́ nǝbɔ mǝ swɨ lɛɨ, Kwaama a kwɛl a maa bǝm swatǝm yaatɨn. Na gǝ na nyɨɨ, bɛ bǝ saalǝm dul bǝnɔ a kanjǝl nɨ dǝg bʊtɔ bǝnɔ lɛ jǝbɔ nǝl bǝnɔ a dutoi. Bɛ bǝ yɨ yɨm sagsag dangǝn a gola nǝtǝm Kwaamaɨ dʊʊn.

Galatiya 2:2

Kwaama a nʊng ɨ a mʊgɔ dʊgam nyangnyang gɔ n shui. Mǝ la fʌleni, nǝngɔ nǝn tǝgaka nǝbɔ nǝb nɨ ja do ji gɔ dʊʊm nǝb bwangtǝmɨ. Nǝngɔ mǝ fɛta ji kanga mǝ sʊwam fulon kɛl lǝmɨ nɨ lɛ a daa Bʌtʌbi. Mǝ sʊwa ji jʊ nɨ jǝ kwaaji, kage maajɨ nɨ mǝ maa lɛɨ, jǝbɔ maajɨ nɨ mǝ kwɛl mǝ maaɨ, a yɔ nǝn kwan.

Galatiya 5:7

Galɨgǝn, jǝ́ ja kǝga lɛ nyangǝn. Nuwo a kaa jen a bwangtǝm bɨlǝngkɛlɨ?

Afisa 4:25

A dul kɛl nɨ, bɛ jǝ́ bǝla gabakɛlɔ wo. Bɛ ya jǝ́ sʊwa fatǝm yɨm jenɔ bɨlǝngkɛl lɛ, jʊ a bwɨɨ bǝ jinʌn bʊtɔgɔ win.

Filibii 1:30

Kanga jǝ́ kuwo i mǝ gʌi jǝbɔ gaalanɔ jǝ́ nyʊwa mǝ nɔɔ lɛɨ, kǝngkɔ tʌjen jǝ́ gʌ gʌ nyɔ na mǝ.

Filibii 2:16

Jǝ́ ta kɛl kʊlɨ nɨ gwanggwang. Na jǝ́ ja kǝga nǝn maatǝm nyɨɨ, na Kiristi a bɛɨ, mǝ maa maa sʊtɔ. Mǝ sʊwa sʊwa mǝʊ maajɨ mǝndɨ jǝbɔ gaalan mǝndɨ, a yɔ bɔ nǝn kwan.

2 Timoti 2:4

Mɨ sʊwajaam nɨ wo a kǝga kun dǝg dul gǝnɔ lɛ a kaa maajɨɨ. Swɨ lɛ a fulo nǝl nǝ dʊʊ gǝnɨ.

2 Timoti 4:7

N nɔɔ gaalan, gaalan nyangǝn. N dɨ sʊgɔlɔ. N ta nǝtǝm bɨlǝngkɛlɔ.

Ibranii 6:15

A dul kɛl nɨ, Ibrahim a kʊ nǝlɨ, nǝngɔ a yo yiitǝm swatǝm yaagɨɨ.

Yakubu 1:3

Jǝ́ nyǝm gaalan nɨ gǝ tɛl tɛl nǝtǝm bɨlǝngkɛl jenɔ, sǝ a dǝg jen jǝ́ yɨ nǝn kʊtǝm nǝl.

1 Bitrus 2:1

A dul kɛl nɨɨ, jǝ́ bǝla maatǝm shilɔ wo, jǝbɔ swagkatǝmɔ, jǝbɔ maatǝm fento, jǝbɔ nungon, jǝbɔ tuwolkatǝmɔ gwam.

1 Bitrus 4:2

A kǝga nɨ, gǝ tagǝm tagǝm yɨm gǝnɔ na bʊtɔ, mɨsɔ gǝ bwangtǝn wɛl nǝl gǝnɔ lɛ, ga bwangtǝn jʊ nɨ Kwaama swɨ lɛɨ.

1 Bitrus 5:1

Mǝ kel jen nɛ jǝ́ nǝb dʊʊm bwangtǝmɔ a kʊm jeni, mǝ nɨ mǝ nǝ dʊʊ bwangtǝm na jeni, nǝ kuwotǝm nɔɔtǝm gaalan Kiristii, nʊ nɨ mʊrka dul gǝnɔ lɛ a dʊʊlǝn nɨ Kwaama nǝ bǝn nɛɨ. Mǝ nǝn jʊ nɨ mǝ sʊwa jen nɛɨ.

1 Bitrus 5:12

N mʊla jem nǝn kʌb nyɔ nǝn tɨkalɨ Silaɨ, wʊnɨ a kuwotǝm mǝndɨ a la nyɔ jǝ jo gǝn nɛ gɔ kɛ nʊ nɨ a ta swatǝm yaa gǝnɨ. Mǝ mʊla sǝ n sʊ jem kwaan, sǝ n sʊwa jen a talɨ kanga jʊ nɨ mǝ mʊla a lǝma Kwaamaɨ n bɨlǝngǝn. A dul kɛl nɨɨ, bɛ jǝ́ tɨ nǝn kwaan a lǝma Kwaamaɨ.

2 Bitrus 1:6

A dul nyǝmtǝm jʊ nɨ a bʊmɨ, jǝ́ sʊtǝn nǝn tatǝm dul. A dul tatǝm dul, jǝ́ sʊtǝn nǝn bwatǝm nǝl. A dul bwatǝm nǝl jǝ́ sʊtǝn nǝn nǝl a Kwaamaɨ.

Dʊgam Nyangnyang 1:9

Nǝmǝ mǝ Yohana kɨla jen, fwalɨ yɨm jǝbɔ jen a mʊgɔ gaalan jǝbɔ fɔlɔn jǝbɔ kʊtǝm nǝl, a mʊgɔ Yesui. Mǝ na fʌlen a tɨbǝl tǝm nɨ a mʊgɔ wɨma nɨ jǝ jo lɛ gɔ Batamusaɨ. Mǝ na fʌlen a dul kɛl Kwaamaɨ jǝbɔ nǝtǝm nyiyo a kɛl dul Yesui.

Dʊgam Nyangnyang 13:10

Nʊ nɨ ja nʊng yǝlam bwɛ jwaalɛ lɛɨ, n daa jwaalɛn jǝ yɔ lɛ nǝn gɔ woi. Nʊ nɨ ja nʊng jǝ jʌ gǝn nǝn gulʌni, n gulʌn jǝ jʌ gǝn nɛ nǝnɨ. Jʊ nɨ gǝ nʊng gɔ nǝb sagsagɔ, bɛ ja kʊ nǝl gaalanɔ, bɛ ja ja kǝga nǝn tatǝm swatǝm yaagɔ.

Dʊgam Nyangnyang 22:16

“Mǝ Yesu, mǝ twam bwɛ twama mǝndɨ sǝ a sʊwa daatɨn mʊrkalɨ nǝb bwangtǝm Kwaamaɨ kanjǝl nɨ. Nǝmǝ mǝ jingɔ, jǝbɔ guu Daudaɨ. Nǝmǝ mǝ nyalǝm tulkasi kumsʌli.”

Dʊgam Nyangnyang 3:10

Ń kɨla kɛlɔ mǝ sʊwa ń a dul kʊtǝm nǝlɨ, n jʊ a bwɨ mǝ tǝmɨ mǝ kɨla ń nɛ a jʊ nɨ bwɨ lɛ a kwama tɛltǝmɨ, wʊnɨ gǝla lɛ a dul yooli nɨɨ, sǝ ja tɛl nǝb nɨ yǝm a yooli nɨɨ.