Ibranii 11:4 - Dadiya NT

⁴ N gola nǝtǝm bɨlǝngkɛl Habila a tǝla Kwaama gǝm twama a laa a Kayinui bʊmǝnɨ. N gola nǝtǝm bɨlǝngkɛl a nya jǝlatǝm Kwaamaɨ gɔ, gǝ nǝ dǝngdǝngɨ, jʊ a bwɨɨ Kwaama a jǝla nǝn gɔ, a yo tǝlatǝm twama gǝnɨ. Habila a bʊla bʊlaɨ, n gola nǝtǝm bɨlǝngkɛl gǝn sʊwa kɛl lɛ ba la nǝn a kɔkɔ dwiyeni.

Ibranii 11:4 ပူးပေါင်းရင်းမြစ်များ

Matta 23:35

Mǝ twam twam nǝb nɨ dɨsɔ tʊʊm nǝb dǝngdǝng nɨ ja tǝla a yooli nɨɨ a yǝla a bɛ a dul jen, jʊ a tǝl a tʊʊm Habilaɨ nǝ dǝngdǝng, ba la nǝn a daa Zakariya woi, bʊla Berikiyaɨ, wʊnɨ jǝ́ jʌ a tɨbǝl daa Sagsag jǝbɔ daa twɨtǝm yulʌni.

Luka 11:51

A tǝl nǝn jʌtǝm Habilaɨ, a yɔ nǝn a jʌtǝm Zakariyaɨ, wʊnɨ ja jʌ a tɨbǝl daa twɨtǝm yulʌni jǝbɔ daagɔ a laa sagsagɨɨ. Mǝ sʊwa jen nɛ, jǝ mwɛ mwɛ kal nɨ a dul jʊtǝb nɨ gǝm!

Titus 1:16

Jǝ sʊwa nǝn nyiyo gɔ jǝ nyǝm Kwaama, a gola maajɨ jinɔ gǝm, ja kana nyǝmtǝm gǝnɔ. Ja yǝlam jǝ yǝlatǝm nǝl. Mɨ jǝ bwangtǝn Kwaama lɛ. Mɨ ji nǝn bʊmǝn wo dǝm a gola maajɨ nyan.

Ibranii 11:2

N gola nǝtǝm bɨlǝngkɛl tʊgalam bǝnɔ a nya jǝlatǝm Kwaamaɨ.

Ibranii 12:1

Na nɨ mʊrkalɨ nǝb nǝtǝm nyiyogɔ a lada nyɔ ja kang bǝn jǝ dʌng bǝn nɛɨ, bɛ bǝ tǝlam kanjǝl tuulogɔ jǝbɔ bwɨlangkɛl nɨ a ta bǝn gʊ bǝn nɛ nǝn guli, bɛ bǝ mwal sʊgɔl laakatǝm nɨ a kǝga bǝnɨ nǝn kʊtǝm nǝl.

Ibranii 12:24

Jǝ́ la daagɔ Yesu woi, nʊ nɨ a tɨbǝl swatǝm yaa fɨɨ. Jǝ́ la daa tǝlatǝm tʊʊm nɨ sʊwa kɛl bʊmǝn nɛɨ, wʊnɨ a laa tʊʊm Habilaɨ.

Ibranii 5:1

Dalɨ nǝkǝla nɨ gwam ja jǝgǝm a mʊgɔ nǝbɨɨ, ja ya gǝn sǝ a bwangtǝn nǝn nǝbɔ a gola Kwaamaɨ, sǝ a tǝla twama jǝbɔ twɨtǝm yulʌn kǝlǝmtǝm bwɨlangkɛltɨn.

Ibranii 9:22

N bɨlǝngǝn, kanga diilɔ a nʊngɨ, kanjǝlɔ gwam ja saalǝm nǝn tʊʊm. Na ke bɔ tǝlatǝm tʊʊmɨ, na mɨ kǝlǝmtǝm bwɨlangkɛl wo.

2 Bitrus 2:8

Nǝ dǝngdǝng nɨ a yɨ a kʊm nǝb nɨɨ, a kuwo, a nyʊwa a dul bwɨlang jʊ nɨ nǝb nɨ a maaɨ, gǝ dǝg gǝn dǝg bɔɔla nǝl jʊ a bwɨɨ nʊ nɨ n nǝ dǝngdǝng.

Yahuza 1:11

N mwɛ jin! Ja bwangtǝn gola Kayinui. Ja maa jʊ Balamu a maa a bʊm bɨɨ, ja ya wɛl jinɔ a dul kemʌn. A dul kanjǝl nɨ gwam ja maaɨ, jǝ jʌbo ji jʌbo kanga ja jʌm Kora a tʊlǝm gǝnɔ gǝmɨ.