Ibranii 11:26 - Dadiya NT

²⁶ A jǝla gɔ gaalanɔ a dul Kiristii, n jǝ shilo a daa gǝ woi, a laa shilogɔ a tǝm Masarɨ. A ya nu gǝnɔ a jʊ gǝ nya lɛɨ.

Ibranii 11:26 ပူးပေါင်းရင်းမြစ်များ

Matta 10:41

Nʊ nɨ a yo nǝkuwotǝmkǝga jʊ a bwɨɨ n nǝkuwotǝmkǝgaɨ, nya nya lǝma nǝkuwotǝmkǝgagɨɨ. Nʊ nɨ a yo nǝ dǝngdǝngɔ jʊ a bwɨɨ n nǝ dǝngdǝngɨ, nya nya lǝma nǝ dǝngdǝngɨ.

Matta 5:12

Jǝ́ maa bǝlátǝm jǝbɔ fulotǝm nǝl dangǝn, jʊ a bwɨɨ jǝ́ yo yo lǝma gɔ a lada a kwama, nǝn gɔ gaalanɔ nǝbkuwotǝmkǝga nɨ a laa jen bɛtǝmɨ, a nɔɔɨ.

Matta 6:1

“Bɛ ka jǝ́ maa lɛ kanjǝl nɨ dǝngdǝngɨ a nu nǝbɨɨ sǝ ja kuwo jen. Na jǝ́ maa nyɨɨ, mɨsɔ jǝ́ nya bwili lɛ a daa Tɨya jen nɨ woi a kwamaɨ.

Luka 14:14

Na ń maa nyɨɨ, mʊ nya nya bwili, jʊ a bwɨɨ nǝb nɨ mʊ joi mɨsɔ jǝ nya gola lɛ ja ywa ń naanɔ. Nǝn Kwaama ywa ń nɛ nǝn di guntǝm nǝb dǝngdǝngɔ a bwaagɔ gǝmɨ.”

Luka 14:33

Gǝ na nyɔ tʌjen, na nʊ nɨ a bǝla bɔ kanjǝl nɨ gǝ nǝn gwamɨ, mɨsɔ yǝlam bwɛ mɛlalɨ mɨ lɛ.

Maajɨ Bɛtɔ Twamagɨɨ 5:41

Bɛtɔ twama nɨ a gun a bǝla nǝb dʊʊm koteregɔ, ja jel. Jǝ maa bǝlátǝm lɛ gɔ jǝ kuwo, jǝ la nyɔ, jǝ nɔɔ gaalan a kɛl dun Yesui.

2 Korinti 12:10

N jʊ a bwɨ mǝ maa bǝlátǝm lɛ nǝn gɨyatǝmɔ mǝ nǝngǝnɨ, jǝbɔ tuwolɔ jǝ maa mɨ lɛɨ, jǝbɔ nɔɔtǝm gaalan sɨnatǝmɔ, jǝbɔ gaalantɨnɔ a kɛl dul Kiristii, jʊ a bwɨɨ, a kwama nɨ mǝ gɨya gɨyaɨ, n kwama mǝ nǝn kwaanɨ.

2 Korinti 6:10

Maamɔ nǝn na a fitǝm nǝl, kwangkwang nǝ na a mʊgɔ fulotǝm nǝl. Maamɔ nǝn nǝb bʊnǝn, nǝn shi nǝn nǝbɔ a lada. Maamɔ mɨ nǝn nǝn kaa jǝl, kanjǝlɔ gwam na a nǝn.

Afisa 1:18

N maa keli tag mǝʊ, a yii mʊgɔ nǝl jenɔ nǝn yʊlan, sǝ jǝ́ nyǝm yatǝm nǝl nɨ a jo jen a dul gǝnɨ, jǝbɔ dʊʊlǝn kʊla gǝnɔ a dul nǝb sagsagɨɨ.

Afisa 3:8

N maa dǝm sul a mʊgɔ tangǝn nǝb bwangtǝm Kwaamaɨ, nǝmǝ a nɨ ɨ lǝma nɨɨ, sǝ n kiyo Bʌtʌbɔ gǝm fulon kɛl lǝmɨ a dul Kiristii, wʊnɨ a shu kwaan kiyotǝmɨ.

Filibii 3:7

Gwam jʊ nɨ na jeltǝmɨ, n do gǝn a yǝlam yalatǝm a kɛl dul Kiristii.

Ibranii 10:33

Kaam ditɨnɔ jǝ tuwola jen nɛ, jǝ nǝ jen gaalan nɛ a kanjǝlɔ gǝm a gǝlala a kǝga nǝbɨɨ. Kaam ditɨnɔ jǝ́ nɔɔ gaalan nɛ dakini jǝbɔ nǝb nɨ jǝ nǝ ji gaalan nɛɨ.

Ibranii 10:35

A dul kɛl nɨɨ, ka jǝ́ gɨya lɛ kʊtǝm nǝl jenɔ, jʊ a bwɨɨ nyatǝm lǝmagɔ wo a lada.

Ibranii 11:6

Na ke bɔ gola nǝtǝm bɨlǝngkɛlɨ, mɨsɔ nǝfili fulo Kwaama gǝm nǝl lɛ. Jʊ a bwɨɨ nʊ nɨ swɨ lɛ a bɛ nǝn dɔɔm a daagɔ Kwaama woi, bɛ ga nǝ bɨlǝngkɛl gɔ Kwaama wo, bɛ ga nǝ bɨlǝngkɛl gɔ Kwaama tal tal bwili a nǝb nɨ saa gǝn nɛɨ.

Ibranii 13:13

A dul kɛl nɨ, bɛ bǝ jel tǝbǝn ya bǝ nya gǝn a gulen, sǝ bǝ nɔɔ gaalanɔ ja nǝ gǝnɨ.

Ibranii 2:2

Kɛl nɨ ja sʊwa a nyiyo bɛtɔ twama Kwaamaɨ, n diil. Nǝb nɨ gwam a kɔ nyʊwatǝmɔ, ja bwangtǝn bɨɨ, ja mwɛ ji dǝngdǝng a dul jʊ ja maaɨ.

1 Bitrus 1:11

Jǝ fɨɨ lɛ kɛna n di wɛ, jǝbɔ kɔkɔ won tag jʊ nɨ bwɨm lɛɨ. Nǝn gɔ kwamagɔ Yʊwa Kiristi Yesui a nǝl jin sʊwa lɛɨ, nǝn kwamagɔ a sʊwa gaalanɔ Kiristi nɔɔ lɛɨ, jǝbɔ dʊʊlǝnɔ bwangtǝn nɛɨ.

1 Bitrus 4:14

Na ja tuwo jen a kɛl dun Kiristii, bwiligɔ na a jen, jʊ a bwɨɨ Yʊwa dʊʊlǝnɔ, Yʊwa Kwaamaɨ, gǝ na jǝbɔ jen.

Dʊgam Nyangnyang 2:9

N nyǝm nyǝmɨ gaalanɔ mʊ nɔɔ lɛɨ, jǝbɔ bʊnǝn mʊnɔ, (a mʊnɔ n bɨlǝngǝn, mʊ nǝ shilo). N nyǝm kaamɨ kal dun mʊnɔ lɛ. Jǝ sʊwa lɛ gɔ jǝ Yahudawa, wʊnɨ jǝ ke bɔ Yahudawaɨ, n nǝbam Mammɨ.

Dʊgam Nyangnyang 3:18

A dul kɛl nɨ mǝ nǝ ń nyiyo lɛ, bɛ ń ten mʊnɔ a daa mɨ woi, wʊnɨ ja saalǝm nǝn kǝlaɨ, sǝ ń yǝlam nǝ shilo. Bɛ ń ten dwang fulontɨnɔ mʊ dʊʊ lɛɨ tag, sǝ ń sɔm kʊnkʊn mʊnɔ nǝn, kage ń nyʊwa gunidul. Bɛ ń ten nwang waatǝmɔ a nu, sǝ ń nya kuwotǝm daa.