Ibranii 11:17 - Dadiya NT

¹⁷ N gola nǝtǝm bɨlǝngkɛl Ibrahimi, nǝn kwama Kwaama a tɛl gǝn gɔ a twɨ yulʌn nǝn bʊla gɔ Ishakui, Ibrahim n nʊ nɨ a ta swatǝm yaa nɨɨ. A maa fɛkalɨ twɨtǝm bʊla gɨɨ nɨ win swarɨ.

Ibranii 11:17 ပူးပေါင်းရင်းမြစ်များ

Yohana 3:16

Kwaama a swɨ yooli nɨ dangǝn, nǝngɔ a nǝ Bʊla gɔ nɨ win swarɨ, dɨsɔ na nʊ nɨ a nǝ bɨlǝngkɛl a daa gǝ woi, mɨsɔ bʊla lɛ, nya nya kʊlɨ nɨ mɨ dɨtǝm woi.

2 Korinti 8:12

Na nǝl nǝn bʊʊlalɨ nǝtǝmɨ, Kwaama yo yo nǝtǝm gǝnɔ a gola nyatǝm gǝnɔ gǝm, ke bɔ a gola jʊ nɨ mɨ gǝ nǝnɨ.

Ibranii 11:13

Nǝb nɨ gwam a bʊla a mʊgɔ nǝtǝm bɨlǝngkɛl jin. Ja nya bɔ kanjǝl nɨ ja maa jim swatǝm yaaɨ. Ja kuwo a daa kʊtangɨ, nǝngɔ ja maa fulotǝm nǝl nǝn kuwotǝm jini. Ja jǝla gɔ jǝ faabǝm, jǝ Bʌtʌb a yooli.

Ibranii 7:6

A nʊ nɨɨ n ke bɔ a guu Lawii, a yo win a mʊgɔ kʊb a daagɔ Ibrahim woi, a dǝg gǝm bwili, nʊ nɨ Kwaama a maa gǝm swatǝm yaaɨ.

Yakubu 5:11

Nǝb nɨ a kʊ nǝlɨ, bǝ sʊwa bǝngɔ nǝb fulotǝm nǝl. Jǝ́ nyʊwa kɛl kʊtǝm nǝl Ayubaɨ. Jǝ́ nyǝm kanga Tɛlalɔ a nǝ gǝn bwili a dɨltǝmɨ, Tɛlalɔ n nǝ tɨkalɨ, n nǝ jitǝm bʊnǝn.

1 Bitrus 4:12

Fatǝm nyan mǝndɨ, ka jǝ́ ta lɛ kang a nyiyo a nɔɔtǝm gaalanɔ nya jen nɛ sǝ a tɛl jeni. Ka jǝ́ bʊʊla lɛ na kaa faabɨ jǝl bwɨ lɛ nǝn jeni.

Dʊgam Nyangnyang 3:10

Ń kɨla kɛlɔ mǝ sʊwa ń a dul kʊtǝm nǝlɨ, n jʊ a bwɨ mǝ tǝmɨ mǝ kɨla ń nɛ a jʊ nɨ bwɨ lɛ a kwama tɛltǝmɨ, wʊnɨ gǝla lɛ a dul yooli nɨɨ, sǝ ja tɛl nǝb nɨ yǝm a yooli nɨɨ.