Ibranii 11:1 - Dadiya NT

¹ Nǝtǝm bɨlǝngkɛlɔ nǝn gɔ jʊ nɨ bǝ ya nǝl tʌgo a dul gǝn mɨ nyǝmatǝm woi. Nǝn gɔ n jǝlatǝm nǝn jʊ nɨ bǝ kuwo bɨɨ.

Ibranii 11:1 ပူးပေါင်းရင်းမြစ်များ

Maajɨ Bɛtɔ Twamagɨɨ 20:21

N sʊwa Yahudawagɔ jǝbɔ nǝbɔ Girikaɨ gwam mǝʊ ja yǝla ja bǝla bwɨlangkɛlɔ ja yǝla a daa Kwaama woi, ja nǝ bɨlǝngkɛl a daagɔ Tɛlalɔ bǝn Yesu woi.

1 Korinti 13:13

Kǝngkɔ kanjǝlɔ taal a yɨɨ, nǝtǝm bɨlǝngkɛl, jǝbɔ yatǝm nǝl, jǝbɔ swɨkan. Nʊ a laa ji gwamɨ n swɨkan.

2 Korinti 11:17

Jʊ nɨ mǝ sʊwa lɛɨ, ke bɔ a diil Tɛlalɔɨ mǝ sʊwa lɛɨ. A gola lɨyal nɨ mǝ maa lɛɨ, mǝ sʊwa kɛlɔ na nǝ fʌmʌni.

2 Korinti 4:18

N ke bɔ kanjǝl nɨ nugɔ kuwo lɛ nǝn dʌng lɛɨ. Nǝn dʌng kanjǝl nɨ mɨ nugɔ kuwo lɛɨ. Kanjǝl nɨ nugɔ kuwo lɛɨ, n kanjǝl nɨ mɨsɔ tɨm shutǝm lɛɨ. Kanjǝl nɨ mɨ nugɔ kuwo lɛɨ, n kanjǝlɔ mɨ dɨtǝm woi.

2 Korinti 5:17

Gǝ na nyɔ, na nʊ nɨ na a Kiristii, n fwaltǝm fɨ. Kanjǝl galɨgɔ gwam a shu shui, kanjǝlɔ gwam a yǝlam a fɨ.

2 Korinti 5:7

Nǝn yɨ yɨm a gola nǝtǝm bɨlǝngkɛl, ke bɔ na kuwotǝm nu.

2 Korinti 9:4

kage a yǝlam na kaam nǝbɔ Makidoniyaɨ a bɛ dakini jǝbɔ mɨɨ, ba ja nya jǝ́ fɛka bɨɨ, gunidulɔ ta nǝn ta, a bwɨlam kǝga a daa jen woi, a jǝlatǝm nɨ nǝ maa lɛ nǝn jeni.

Galatiya 5:6

Na bǝ na a daagɔ Yesu Kiristi woi, biyotǝm mwɛn jǝbɔ mɨ biyotǝm mwɛn wo, mɨ a nyiyo kaa jǝl. Nǝtǝm bɨlǝngkɛl jenɔ nɨ maa maajɨ swɨkan nɛɨ, nǝn gɔ a laa jǝlɨ.

Titus 1:1

Langǝn bwangǝn nɨ a jel a daagɔ Bulus woi, bwɛ jwaalɛ Kwaamaɨ jǝbɔ bwɛ twama Yesu Kiristii. A dǝg ɨ mǝ yǝlam bwɛ twama sǝ n sʊ nǝb nǝtǝm bɨlǝngkɛlɔ gǝm kwaan, nǝb nɨ Kwaama a jǝgǝmɨ, dɨsɔ n tɨka ji ja nyǝm bɨlǝngkɛl wʊnɨ a daa tʌgo a bwangtǝm Kwaamaɨ.

Ibranii 10:22

bɛ bǝ bɨtʌgo a daa Kwaama woi nǝn nǝlɔ win jǝbɔ yiitǝm nǝtǝm bɨlǝngkɛl, jǝbɔ nǝl sagsag wʊnɨ ja saalǝm mɨ jǝ gunidul woi, jǝbɔ bʊtɔ bǝnɔ nɨ ja saalǝm nǝn mwɛ sagsagɨɨ.

Ibranii 10:39

A bǝnɔ bǝ ke bɔ nǝb nɨ a gʊ nǝn gul ja jʌbo jii. Bǝn bǝ nǝb nǝtǝm bɨlǝngkɛl, wʊnɨ yɔ lɛ nǝn kʊlɨ bǝnɔ a bʊʊtǝmɨ.

Ibranii 11:13

Nǝb nɨ gwam a bʊla a mʊgɔ nǝtǝm bɨlǝngkɛl jin. Ja nya bɔ kanjǝl nɨ ja maa jim swatǝm yaaɨ. Ja kuwo a daa kʊtangɨ, nǝngɔ ja maa fulotǝm nǝl nǝn kuwotǝm jini. Ja jǝla gɔ jǝ faabǝm, jǝ Bʌtʌb a yooli.

Ibranii 11:27

N gola nǝtǝm bɨlǝngkɛl a bǝla Masarɨ, a nyʊwa bɔ taal nabwɨl fɔlɔgɨɨ. A bwa nǝl maamɔ a kuwo nʊ nɨ mɨ jǝ kuwo lɛɨ.

Ibranii 11:7

N gola nǝtǝm bɨlǝngkɛl Nuhui, nǝn kwama nɨ Kwaama a gʊ gǝm lɔl a dul kanjǝl nɨ ja kuwo bɔ dɨnɨ, nyʊwa taal Kwaamaɨ lɛ. Nǝngɔ a swiyo gʌleng tɨyamwɛngɔ sǝ a bʊʊ nǝn nǝbɔ lɔ gɨɨ. N gola nǝtǝm bɨlǝngkɛl tag a nʊng yooligɔ bwɨlangkɛl gǝnɨ, a yǝlam nǝ dǝngdǝng a kǝga Kwaamaɨ wʊnɨ nyatǝm gǝnɔ gǝ na a gola nǝtǝm bɨlǝngkɛlɨ.

Ibranii 2:3

La bǝ bʊʊ mwɛlɔ nyǝn, na bǝ swa bɔ lɔl a bʊʊlɨ dʊʊn nɨɨ? Tɛlalɔ nǝn kang gǝn nǝn gɔ a tǝl sʊwatǝmɨ, nǝb nɨ ja nyʊwa gǝnɨ ja sʊwa bǝn gɔ, n dǝngdǝng.

Ibranii 3:14

Bǝ yǝlam nǝb mʊrkatǝm dul jǝbɔ Kiristi, na bǝ tɨ nǝn kwaan a yotǝm nɨ bǝ maa nǝn tɨkǝgaɨ, a yɔ nǝn a dɨltǝmɨ.

Ibranii 3:6

A Kiristii n nǝ yiitǝm swatǝm yaa, n bwɛ fɔlɔn a mʊgɔ lɔ Kwaamaɨ. Bǝn bǝ lɔ gɔ, na bǝ tɨɨ nǝn kwaan, bǝ dem bɔ yatǝm nǝlɨ.

Ibranii 6:12

Bɛ ka jǝ́ maa lɛ sʊnǝn. Bɛ jǝ́ banga nǝb nɨ ja yo yiitǝm swatǝm yaa nɨ a gola nǝtǝm bɨlǝngkɛl jinɔ gǝmɨ, jǝbɔ kʊtǝm nǝl jini.

2 Bitrus 1:1

Nǝmǝ mǝ Saminu Bitrus, bwɛ jwaalɛ Yesu Kiristii jǝbɔ bwɛ twama gǝn tag. Mǝ mʊla langǝn bwangǝn nɨ mǝ tʊng a yɔ a daagɔ nǝb nɨ a nya nǝtǝm bɨlǝngkɛlɨɨ, wʊnɨ win jǝbɔ a nǝnɔ nǝn nya a gola dǝngdǝng Yesu Kiristii, wʊnɨ n Kwaama bǝn jǝbɔ Nǝbʊʊlɨ bǝnɨ.