Ibranii 10:39 - Dadiya NT

³⁹ A bǝnɔ bǝ ke bɔ nǝb nɨ a gʊ nǝn gul ja jʌbo jii. Bǝn bǝ nǝb nǝtǝm bɨlǝngkɛl, wʊnɨ yɔ lɛ nǝn kʊlɨ bǝnɔ a bʊʊtǝmɨ.

Ibranii 10:39 ပူးပေါင်းရင်းမြစ်များ

Markus 16:16

Na nʊ nɨ a nǝ bɨlǝngkɛl ja yʊ gǝn mwɛ sagsagɨ, gǝ bʊʊ bʊʊ. Na nʊ nɨ a kɔ nǝtǝm bɨlǝngkɛlɨ, jǝ mwatɨ gǝm mwatɨ borang.

Luka 11:26

yǝla ya wɔɔ kaam nǝblaam wʊnɨ a laa gǝn shili nʌbʌl, sǝ ja dɔ ja yɨ wo. Nʊ nɨ kalatǝm gǝnɔ laa laa na tɨkǝgagɔ.”

Yohana 17:12

Kwama mǝ dakini nǝbɔ jii, n kɨla ji nǝn kwaan dun mʊnɔ nɨ mʊ nɨ ɨɨ. N kɨla ji, mɨ nʊ nɨ wo a lɛlaɨ, na ke bɔ nʊ a gola kalatǝmɨ, sǝ a yii jʊ mʊlalɨ kɛl Kwaamaɨ a sʊwaɨ.

Yohana 20:31

Ja mʊla kanjǝl nɨ sǝ jǝ́ nǝ bɨlǝngkɛl Yesu nǝn Kiristi, Bʊla Kwaamaɨ, sǝ jǝ́ nya kʊlɨ a mʊgɔ dun gǝn a nǝtǝm bɨlǝngkɛl.

Yohana 5:24

“Bɨlǝngǝn mǝ sʊwa jen nɛɨ, nʊ nɨ nyʊwa kɛl mǝndɨ lɛɨ, nǝ bɨlǝngkɛl lɛ a nʊ nɨ a twam ɨɨ, nǝngǝn nǝn kʊlɨ nɨ mɨ dɨtǝm woi. Mɨsɔ jǝ nǝ gǝn bwɨlangkɛl lɛ, a kwɛl a yab yabɨ bwaagɔ, a shu a kʊlɨ.

Yohana 6:40

Swɨtǝm Tɛtɛ mɨɨ gɔ, na nʊ nɨ a dʌng Bwɛɨ, a nǝ bɨlǝngkɛl a daa gǝ woi, nya nya kʊlɨ nɨ mɨ dɨtǝm woi, mǝ gung gǝn gung nǝn kum dɨltǝmɔ.”

1 Tasalonikaɨ 5:9

Kwaama a ya bǝn bɔ gɔ bǝ gʌ nabwɨl gǝnɔ. A ya bǝn gɔ bǝ nya bʊʊlɨ a gola Tɛlalɔ bǝn Yesu Kiristii,

2 Tasalonikaɨ 2:3

Bɛ ka jǝ́ jǝla lɛ kaa nǝl a swag jen dǝm, jʊ a bwɨɨ, kɔkɔ nɨ mɨsɔ lǝga lɛ a bɛ, na ja maa bɔ gotatǝm nɨ nǝn kwamagɔ fɔlɔ kutʌm bwɨla nɨ jelʌm lɛɨ, nʊ nɨ kala lɛɨ.

1 Timoti 6:9

Nǝb nɨ swɨ nyatǝm shilo lɛɨ, jǝ yal yal a mʊgɔ tɛltǝm jǝbɔ lan. Jǝ swɨ kanjǝl wɛl lɛ wʊnɨ nǝ ji twɨla lɛɨ, wʊnɨ yǝla dul nǝbɨɨ lɛɨ, bɛ lɛ nǝn kalatǝm jǝbɔ wulon.

Ibranii 10:26

Na bǝ ja kǝga nǝn maatǝm bwɨlangkɛlɔ nǝn kʊshɨ gǝn kwama nɨ bǝ kwɛl bǝ jǝla nǝn bɨlǝngkɛlɨ, mɨ kaa tǝlatǝm twama wo wʊnɨ saalǝm bwɨlangkɛl nɨ lɛɨ.

Ibranii 10:38

Nǝ mǝndɨ nɨ maa jʊ nɨ lɛ dǝngdǝngɨ, yɨ yɨ nǝn kʊlɨ a gola nǝtǝm bɨlǝngkɛl. Na ga yǝla ga gʊ nǝn guli, mɨsɔ mǝ maa fulotǝm nǝl lɛ nǝn gɔ.”

Ibranii 11:1

Nǝtǝm bɨlǝngkɛlɔ nǝn gɔ jʊ nɨ bǝ ya nǝl tʌgo a dul gǝn mɨ nyǝmatǝm woi. Nǝn gɔ n jǝlatǝm nǝn jʊ nɨ bǝ kuwo bɨɨ.

1 Bitrus 1:5

jen nɨ kwaan Kwaamaɨ tɔɔ jen nɛ a gola kɛl nǝtǝm bɨlǝngkɛl jeni. Tɔɔ jen nɛ a ba la nǝn kum nɨ bʊʊ lɛ nǝn jeni. A fɛka sǝ a nʊng bʊʊtǝm nɨ nǝn kum dɨltǝm yooli nɨ.

2 Bitrus 3:7

N gola sʊwatǝm kɛl Kwaama a ya dʌbʌlɔ jǝbɔ tǝmɔ kǝngkǝnɨ sǝ kǝlagɔ ba twɨ jii. Kwaama a ya ji, sǝ a la nǝn a di kɔkɔ nɨ gǝ maa nǝb nɨ gǝm mɨ nyʊwa taal gǝnɔ lɛɨ gǝm biyotǝm borangɨ, sǝ gǝ kal ji.

1 Yohana 5:16

Na nǝl a kuwo kɨla gɔ maa bwɨlangkɛl nɨ lɛ a la bɔ bwaaɨ, bɛ ga maa gǝm keli. A kɛl dul nǝ keli nɨ, Kwaama nǝ nǝ kʊlɨ a nǝb nɨ maa bwɨlangkɛl nɨ lɛ a la bɔ bwaaɨ. Kaa bwɨlangkɛlɔ wo nɨ a la na bwaaɨ. Mǝ sʊwa bɔ mǝʊ jǝ́ maa keli a dul gǝn.

1 Yohana 5:5

Nuwo nyɨ ku jelʌn yooligɔ lɛɨ, na ke bɔ nʊ nɨ a nǝ bɨlǝngkɛl gɔ Yesu nǝn Bʊla Kwaamaɨ?

Dʊgam Nyangnyang 17:11

Yʊwal bwɨla nɨ wo galɨgǝnɨ, kǝngkɔ mɨ wo, nǝn gɔ fɔlɔ na naalǝbɔ a jel a mʊgɔ fɔlɔlɔm nɨ nʌbʌli, yɔ yɔ a daa nɨ jǝ jʌm gǝn nɛɨ.

Dʊgam Nyangnyang 17:8

Yʊwal bwɨla nɨ mʊ kuwoi, galɨgǝn wo, kǝngkɔ mɨ wo. Gwi gwi a bʊwa nɨ mɨ dɨltǝm woi, sǝ a yɔ a daa nɨ jǝ jʌm gǝn nɛɨ. Nǝbɔ yǝm a yooli nɨɨ, nǝb nɨ a tǝltǝm fwaltǝm yooligɔ gǝmɨ, ja mʊla bɔ duntɨn jinɔ a mʊgɔ langǝn bwangǝn kʊlɨ nɨɨ, jǝ ta ta kang a nyiyo a kuwotǝm yʊwal bwɨla nɨ, jʊ a bwɨɨ galɨgǝn wo, kǝngkɔ mɨ wo, yǝla bɛ bɛ.