Ibranii 10:35 - Dadiya NT

³⁵ A dul kɛl nɨɨ, ka jǝ́ gɨya lɛ kʊtǝm nǝl jenɔ, jʊ a bwɨɨ nyatǝm lǝmagɔ wo a lada.

Ibranii 10:35 ပူးပေါင်းရင်းမြစ်များ

Matta 10:32

“Gwam nʊ nɨ a jǝla gɔ gǝ na a mɨɨ a kǝga nǝbɨɨ, mǝ tǝmɨ mǝ jǝla jǝla mǝʊ gǝ na a mɨ a kǝga Tɨya mɨɨ nɨ a dʌbʌli.

Matta 10:42

Nʊ nɨ a nǝ win a kʊm bɛtɔ twama nɨ mwɛ yʌbʌm nǝn bɛ kʌshii, jʊ a bwɨɨ n bwɛ mɛlalɨ mɨɨ, n bɨlǝngǝn mǝ sʊwa jen nɛɨ, mɨsɔ lɛ lǝma gǝnɔ lɛ wo.”

Matta 5:12

Jǝ́ maa bǝlátǝm jǝbɔ fulotǝm nǝl dangǝn, jʊ a bwɨɨ jǝ́ yo yo lǝma gɔ a lada a kwama, nǝn gɔ gaalanɔ nǝbkuwotǝmkǝga nɨ a laa jen bɛtǝmɨ, a nɔɔɨ.

Luka 14:14

Na ń maa nyɨɨ, mʊ nya nya bwili, jʊ a bwɨɨ nǝb nɨ mʊ joi mɨsɔ jǝ nya gola lɛ ja ywa ń naanɔ. Nǝn Kwaama ywa ń nɛ nǝn di guntǝm nǝb dǝngdǝngɔ a bwaagɔ gǝmɨ.”

1 Korinti 15:58

Gǝ na nyɔ, kɛtǝlam mɨ nɨ mǝ swɨ lɛɨ, jǝ́ tɨ nǝn kwaan, ka kaa jǝl ya mǝg jen nɛ, kwangkwang jǝ́ maa maajɨ Tɛlalɔɨ nǝn kwaan bʊtɔ, jʊ a bwɨɨ jǝ́ nyǝm gaalan jenɔ a kɛl dul Tɛlalɔɨ, mɨsɔ yɔ lɛ nǝn kwan.

Afisa 3:12

N kɛl dul Kiristii jǝbɔ nǝtǝm bɨlǝngkɛl a daa gǝ woi, bǝ mwɨ bǝ bɛ lɛ a daa Kwaama woi, mɨ taal woi.

Ibranii 10:19

Na gǝ na nyɨɨ, kɛtǝlam mɨ, tʊʊm Yesui a nǝ bǝn bɨtǝm nǝl nɨ bǝ dɔ Daa nɨ a Laa Sagsagɨ.

Ibranii 11:26

A jǝla gɔ gaalanɔ a dul Kiristii, n jǝ shilo a daa gǝ woi, a laa shilogɔ a tǝm Masarɨ. A ya nu gǝnɔ a jʊ gǝ nya lɛɨ.

Ibranii 2:2

Kɛl nɨ ja sʊwa a nyiyo bɛtɔ twama Kwaamaɨ, n diil. Nǝb nɨ gwam a kɔ nyʊwatǝmɔ, ja bwangtǝn bɨɨ, ja mwɛ ji dǝngdǝng a dul jʊ ja maaɨ.

Ibranii 3:14

Bǝ yǝlam nǝb mʊrkatǝm dul jǝbɔ Kiristi, na bǝ tɨ nǝn kwaan a yotǝm nɨ bǝ maa nǝn tɨkǝgaɨ, a yɔ nǝn a dɨltǝmɨ.

Ibranii 3:6

A Kiristii n nǝ yiitǝm swatǝm yaa, n bwɛ fɔlɔn a mʊgɔ lɔ Kwaamaɨ. Bǝn bǝ lɔ gɔ, na bǝ tɨɨ nǝn kwaan, bǝ dem bɔ yatǝm nǝlɨ.

Ibranii 4:14

Kanga bǝ nǝngǝn nǝn gʌleng dalɨ nǝkǝla wʊnɨ a shu a dʌbʌli, nǝn gɔ nǝn Yesu Bʊla Kwaamaɨ, bɛ bǝ tɨ a dul jʊ bǝ nǝ bɨlǝngkɛl nǝnɨ.

2 Yohana 1:8

Bɛ jǝ́ kɨla dul jenɔ. Ka jǝ́ mǝla lɛ maajɨgɔ jǝ́ maaɨ. Bɛ jǝ́ nya ywatǝm nyan.