Ibranii 10:29 - Dadiya NT

²⁹ Nʊ nɨ a soga Bʊla Kwaamaɨ, a kal tʊʊm swatǝm yaa nɨ a dǝg gǝn ga yǝlam sagsagɨ, a tuwo Yʊwa lǝmagɨɨ, n borang bwɨla won laa jǝ maa gǝm lɛɨ.

Ibranii 10:29 ပူးပေါင်းရင်းမြစ်များ

Matta 26:28

Wʊnɨ n tʊʊm swatǝm yaa mǝndɨ, wʊnɨ ja tǝla nǝbɔ gǝm lɛ a lada a kɛl kǝlǝmtǝm bwɨlangkɛl jini.

Matta 7:6

“Ka jǝ́ nǝ lɛ sǝgantɨnɔ kanjǝl sagsag. Ka jǝ́ tal lɛ nyiyolitɨnɔ tɛl bʊmǝntɨn. Na jǝ́ maa nyɨɨ, jǝ fala nǝn naa, sǝ ja yǝla ja nyʊwa jem twɨla.

Markus 7:2

Ja kuwo kaam bɛtɔ mɛlalɨ gǝnɔ jǝ ja jǝjalǝnɔ lɛ nǝn kang duto, ja saal bɔ saalɨ.

Luka 12:10

Nʊ nɨ a sʊwa kɛl bwɨla a dul Bʊla Nǝlɨ, Kwaama kǝlǝm gǝm kǝlǝm. Nʊ nɨ a kal dun Yʊwa Kwaamaɨ, mɨsɔ kǝlǝm gǝm lɛ.

Yohana 10:36

N wɛ a bwɨ jǝ́ sʊwa jengɔ n soga Kwaama a kwama mǝ sʊwa mǝʊ mǝ nǝn bʊla Kwaamaɨ? Nǝn Tɛtɛ a jǝg ɨ a kɛl dul maajɨ nɨɨ. Nǝn gɔ tag a twam ɨ a yoolii.

Yohana 17:19

N kɛl dul jin, mǝ dǝg dul mǝndɨɨ, sǝ ji tʌji ja dǝg dul jinɔ a gola bɨlǝngkɛl.

Maajɨ Bɛtɔ Twamagɨɨ 7:51

“Jǝ́ nǝb kwamǝn dul, nǝb bwɨlang nǝl, nǝb bǝngɨ lɔl! Kwangkwang jǝ́ kɔ Yʊwa Kwaamaɨ lɛ. Kanga tʊgalam jenɔ a maaɨ, jen tʌjen n jʊ jǝ́ maa lɛɨ!

Roma 16:20

Kwaama nɨ nǝ yɨm kwamɨgǝn nɛɨ, fala fala Mammɔ mɨsɔ kʊta lɛ, sǝ a nǝ kwaan jen a dul gǝn. Bɛ lǝma Tɛlalɔ Yesui a yɨ jǝbɔ jen.

1 Korinti 11:27

Nʊ nɨ a ja kʊkkʊm nɨɨ, a nɔɔ a kʌshi Tɛlalɔɨ a gola nɨ mɨ dǝngdǝngɨ, a maa bwɨlangkɛl, a kal bʊtɔ Tɛlalɔɨ jǝbɔ tʊʊm gǝnɔ.

1 Korinti 11:29

Nʊ nɨ gwam a ja kʊkkʊmɔ, a nɔɔ a kʌshi nɨ, a dʊʊl bɔ bʊtɔ Tɛlalɔɨ, a gʊ dul gǝnɔ gǝm borang a gola jatǝm jǝbɔ nɔɔtǝm nɨ ga maaɨ.

1 Korinti 15:25

Jʊ a bwɨɨ Kiristi maa maa fɔlɔnɔ, ba la nǝn kwama nɨ falam nǝb kiim gǝnɔ lɛɨ.

1 Korinti 15:27

A mʊla mʊlaɨ gɔ, “Kwaama a ya kanjǝlɔ gwam a mʊgɔ kwaan gǝn.” Na ja sʊwa gɔ, “Kwaama a bǝla kanjǝlɔ gwam a mʊgɔ kwaan gǝnɨ,” gǝ na a talɨ, nʊ nɨ Kwaama a bǝla kanjǝlɔ gwam a mʊgɔ kwaan gǝnɨ, Kwaama a na bɔ a mʊgɔ gǝn.

1 Korinti 6:11

Kaam jenɔ jǝ́ na nyɔ galɨgǝn. Ja saal jen, jǝ́ sagsag. Ja dǝg jen jǝ́ yǝlam nǝb dǝngdǝng a dun Tɛlalɔ Yesu Kiristii, jǝbɔ Yʊwa Kwaama bǝnɨ.

Afisa 4:30

Ka jǝ́ dǝg lɛ Yʊwa Kwaamaɨ fitǝm nǝl, wʊnɨ ja ka jem kwatɨ sǝ a nʊng bʊʊtǝm jenɔ a kɔkɔ jǝgtǝmɨ.

Afisa 5:26

A maa nyɔ sǝ a dǝg gǝn sagsag, a gola saaltǝm gǝn nǝn mwɛ sagsag, a mʊgɔ Kɛl Kwaamaɨ,

Ibranii 10:10

N jʊ a bwɨ Kiristi a maa jʊ Kwaama swɨ lɛ a maaɨ, Kwaama a saal bǝn sagsag a gola nǝtǝm bʊtɔ Yesu Kiristii naa win swar mɨ sʊtǝm wo.

Ibranii 12:25

Jǝ́ fɛ jǝ́ dʌng kage jǝ́ kɔ Kwaama nɨ sʊwa kɛl nɨ lɛɨ. Na nǝb nɨ a kɔ nyʊwatǝm nʊ nɨ gʊ jim lɔl lɛ a yooli nɨɨ ja bʊʊ bɨɨ, la maa nyǝn bǝ bʊʊ lɛɨ, na bǝ kɔ nʊ nɨ gʊ lɔl bǝnɔ lɛ a dʌbʌl kwamaɨ?

Ibranii 13:20

Bɛ Kwaama nɨ nǝ yɨm kwamɨgǝn nɛɨ, wʊnɨ a gung Tɛlalɔ bǝn Yesu a bwaaɨ, gʌleng nǝ tɔɔtǝm kwamɨ nɨ a gola tʊʊm nɨ nʊng swatǝm yaa nɨ lɛ mɨ dɨtǝm woi,

Ibranii 2:11

Yesu nɨ saal nǝb lɛ sagsagɨ, jǝbɔ nǝb nɨ ga saalǝmɨ, gwam jinɔ dʊʊmɔ win. N jʊ a bwɨ mɨ nyʊwa gunidul jotǝm jinɔ lɛ gɔ kɛtǝlam gǝnɨ.

Ibranii 2:3

La bǝ bʊʊ mwɛlɔ nyǝn, na bǝ swa bɔ lɔl a bʊʊlɨ dʊʊn nɨɨ? Tɛlalɔ nǝn kang gǝn nǝn gɔ a tǝl sʊwatǝmɨ, nǝb nɨ ja nyʊwa gǝnɨ ja sʊwa bǝn gɔ, n dǝngdǝng.

Ibranii 4:14

Kanga bǝ nǝngǝn nǝn gʌleng dalɨ nǝkǝla wʊnɨ a shu a dʌbʌli, nǝn gɔ nǝn Yesu Bʊla Kwaamaɨ, bɛ bǝ tɨ a dul jʊ bǝ nǝ bɨlǝngkɛl nǝnɨ.

Ibranii 6:4

Nǝbɔ a nya nyalǝm Kwaamaɨ galɨgǝnɨ, ja twɨ nǝtǝm lǝma dʌbʌli, ja yo Yʊwa Kwaamaɨ tagɨ,

Ibranii 6:6

kǝngkɔ ja yǝla ja kɔ bɨlǝngkɛlɨ, mɨsɔ maa lɛ ja gʊ ji ja yǝla ja bǝla bwɨlangkɛlɔ. Jʊ a bwɨɨ a yǝlatǝm dul jinɔ gǝm, ja kʊʊ Bʊla Kwaamaɨ. Ja nǝ gǝn gunidul a kǝga nǝbɨɨ.

Ibranii 9:13

N tʊʊm bɨntɨn jǝbɔ na nɛɛ batǝn, jǝbɔ bugom bwatam nɛɛ nɔɔtǝn jǝ wa nǝb nɨ gǝm lɛ nǝn bwɨlangkɛlɨ. Jǝ buti ji lɛ nǝnɨ sǝ bʊtɔ jinɔ a yǝlam sagsag.

Ibranii 9:20

Sʊwa lɛ gɔ, “Wʊnɨ nǝn gɔ n tʊʊmɔ nʊng swatǝm yaa nɨ lɛɨ, wʊnɨ Kwaama a maa a dul jeni.”

Dʊgam Nyangnyang 1:5

jǝbɔ daagɔ Yesu Kiristi woi, wʊnɨ n nǝ yiitǝm swatǝm yaa, nǝ nǝtǝm nyiyo bɨlǝngǝnɨ. Nǝn gɔ na win a guntǝm a bwaaɨ. Nǝn gɔ nʊ nɨ maa fɔlɔn nɛ a dul fɔlɔlɔm yooli nɨɨ, nʊ nɨ swɨ bǝn nɛɨ, a jǝg bǝn a mʊgɔ bwɨlangkɛltɨn bǝnɔ gǝm a gola tʊʊm gǝnɨ.