Ibranii 10:24 - Dadiya NT

²⁴ Bɛ ya bǝ dʌngko lɛ sǝ bǝ kʊʊka nǝl, bǝ swɨka lɛ jǝbɔ maatǝm jǝ nyan.

Ibranii 10:24 ပူးပေါင်းရင်းမြစ်များ

Maajɨ Bɛtɔ Twamagɨɨ 11:29

Nǝngɔ bɛtɔ mɛlalɨgɔ a nǝbka nyiyo a kʊm jin gɔ jǝ twam twam nǝbam jinɔ nɨ a mʊgɔ Yahudiyaɨ gǝm tɨkalɨ a kwaan nyatǝm jinɔ gǝm.

Roma 11:4

Kwaama a jǝla gǝn gɔ wɛ? A jǝla gǝn gɔ, “N ya dul mɨ gǝm nǝbɔ fʊlkʊblǝn nʌbʌl, nǝb nɨ a jʊng bɔ a nǝ Baal dʊʊn woi.”

Roma 12:15

Jǝ́ maa fulotǝm nǝl jǝbɔ nǝb nɨ maa fulotǝm nǝl lɛɨ. Jǝ́ ji wi jǝbɔ nǝb nɨ ji wi lɛɨ.

1 Korinti 10:33

Mǝ maa sǝ n fulo nǝbɔ gǝm nǝl a mʊgɔ kanjǝlɔ gǝm gwam mǝ maa lɛɨ. Ke bɔ dul mɨ mǝ saam lɛɨ. Mǝ maa nyɔ a dul nǝbɨɨ a lada sǝ ja nya bʊʊtǝm.

1 Korinti 9:22

A nǝb nɨ a gɨyaɨ, n yǝlam na nʊ nɨ a gɨya gɨyaɨ, sǝ n gʊ nǝb nɨ a gɨyaɨ a daa Kiristi woi. N yǝlam jǝl gwam a daagɔ nǝbɔ woi gwam, na gǝ wɛ dwalɨ sǝ n bʊʊ nǝn kaamɨ.

2 Korinti 8:8

N ke bɔ diil mǝ ga jem lɛɨ. Mǝ tɛl swɨkan nyan jenɔ sǝ n mʊrka jǝbɔ nǝtǝm dul kaam nǝbɨɨ, sǝ n nyǝm swɨtǝm jenɔ n dǝngdǝng.

2 Korinti 9:2

Jʊ a bwɨɨ, n nyǝm jǝ́ nǝn a nǝl jen jǝ́ maa tɨkalɨ. Mǝ maa lɨyal lɛ nǝn jen a dul jʊ nɨ a daa nǝbɔ Makidoniyaɨ woi. Mǝ sʊwa ji lɛ mǝʊ mʊrkalɨ nǝb bwangtǝm Kwaamaɨ nɨ a tǝm Akayaɨ ja maa fɛkalɨ jol nɨ a shui. Jʊ jǝ́ swɨ maatǝmɔ lɛɨ, a gung kɔrɔ jinɔ gǝm nǝl nǝtǝm.

Galatiya 5:13

Jǝ́ kɛtǝlam mɨɨ, ja jo jen a nyatǝm demtǝm kang. Bɛ ka jǝ́ do lɛ demtǝm kang jenɔ a yǝlam jem gola maatǝm bʊʊlalɨ bwɨla. Bɛ ya jǝ́ tɨkaka lɛ a kʊm jen nǝn swɨkan.

Galatiya 5:22

Bwili Yʊwagɔ n swɨkatǝm, jǝbɔ fulotǝm nǝl, jǝbɔ yɨm kwamɨgǝn, jǝbɔ kʊtǝm nǝl, jǝbɔ nǝl lǝmǝn, jǝbɔ maatǝm jǝ nya, jǝbɔ tatǝm swatǝm yaa,

Galatiya 5:6

Na bǝ na a daagɔ Yesu Kiristi woi, biyotǝm mwɛn jǝbɔ mɨ biyotǝm mwɛn wo, mɨ a nyiyo kaa jǝl. Nǝtǝm bɨlǝngkɛl jenɔ nɨ maa maajɨ swɨkan nɛɨ, nǝn gɔ a laa jǝlɨ.

Galatiya 6:1

Kambɔ, na jǝ́ nya kaa nǝl a mʊgɔ bwɨlangkɛlɨ, jen nɨ jǝ́ yii nǝn Yʊwa Kwaamaɨ, bɛ jǝ́ yǝla jǝ́ bɛ nǝn gɔ a mʊgɔ gola nya nǝn yʌbtǝm dul. Bɛ jen tʌjen jǝ́ dʌng dul jenɔ, kage jǝ́ nya tɛltǝm a maatǝm bwɨlangkɛl.

Kolosii 3:16

Bɛ kɛl Kiristii a yɨ a mʊgɔ nǝl jen a lada. Bɛ ya jǝ́ mɛlaka lɛ, bɛ ya jǝ́ mwɛka lɛ nǝn yʊlan a gola matǝm nafɨ Zaburaɨ, jǝbɔ nafɨ bǝlátǝm Kwaamaɨ, jǝbɔ nafɨtɨn nɨ Yʊwagɔ a bɛ nǝnɨ. Jǝ́ ma lɛ nǝn buutǝm kang a mʊgɔ nǝl jenɔ gǝm.

1 Tasalonikaɨ 1:3

Nǝn bʊʊla lɛ nǝn jen a keli nǝnɔ gǝm a kǝga Kwaama Tɛtɛ bǝnɨ a maajɨ nɨ jǝ́ maa lɛ a gola nǝtǝm bɨlǝngkɛlɨ, jǝbɔ gaalan maajɨgɔ jǝ́ nɔɔ lɛ a gola swɨtǝmɨ, jǝbɔ bwatǝm nǝlɔ jǝ́ maa lɛ nǝn yatǝm nǝl a mʊgɔ Tɛlalɔ bǝn Yesu Kiristii.

1 Tasalonikaɨ 5:11

A dul kɛl nɨ bɛ ya jǝ́ kʊʊka nǝl lɛ, ya jǝ́ tɨkaka lɛ, kanga jǝ́ maam lɛ kǝngkɨɨ.

2 Tasalonikaɨ 3:9

Nǝn maa nyɔ, a nʊng bɔ gɔ mɨ nǝn nǝn fɔlɔn nɨ. Nǝn maa nyɔ sǝ nǝn yǝlam jǝ nʊngtǝm a daagɔ jen woi, sǝ jǝ́ banga nǝn.

1 Timoti 6:18

Bɛ ń sʊwa ji ja maa jǝ nya, ja sʊtǝn maatǝm maajɨ nyan, bɛ ya ja maa lǝma lɛ, ya ja tɨka kaam nǝbɔ lɛ.

Titus 2:4

Dɨsɔ ja mɛla kal nɔɔtǝmɔ gǝm ja swɨ batǝlam jinɔ jǝbɔ bɛtɔ lɔ jii.

Titus 3:8

Kɛl nɨ n bɨlǝngǝn. Mǝ swɨ lɛ ń tɨ kwaan kanjǝl nɨ dangǝn, sǝ nǝb nɨ a nǝ bɨlǝngkɛl a daa Kwaama woi ja nǝ dul jinɔ a maatǝm maajɨ nyantɨn. Kanjǝl nɨ na a nyan. Nǝn gɔ kanjǝl tɨkalɨ a daagɔ nǝbɔ woi.

Ibranii 13:1

Bɛ jǝ́ ja kǝga a swɨtǝm kambɨɨ gǝm.

Ibranii 13:3

Ya jǝ́ maa bʊʊlalɨ lɛ nǝn nǝb nɨ a lɔsomii, maamɔ ja bwa jen dakini jǝbɔ ji. Ya jǝ́ maa bʊʊlalɨ lɛ nǝn nǝb nɨ jǝ nǝ ji gaalan nɛɨ maamɔ nǝjen jǝ́ gʌ lɛɨ.

Ibranii 3:13

Ya jǝ́ kʊʊka nǝl lɛ kwangkwang, kanga kaa kwama wo jǝ jo lɛ gɔ, “Dwiyeni,” kage bwɨlangkɛlɔ a swag kaam jenɔ ja maa bǝngɨ lɔl.

1 Yohana 3:18

Jǝ́ bɛtɔ dwalǝnɔ, ka jǝ́ nʊng lɛ swɨtǝm a ben. Bɛ a yǝlam a maatǝm jǝbɔ bɨlǝngkɛl.